IPESIANG KVDVNG 2:10 - ANU LUGOD N. T. (BSI)

¹⁰ Kapcnc ngolu Bvk ager gernc, Kristo Jisukolo ainc ager lcgangc ru:namc, okodcm Ru:npvncbv po:pcbong ru:toji, jc ngolu odokbuluk ara:do gvpcnammc.

IPESIANG KVDVNG 2:10 ပူးပေါင်းရင်းမြစ်များ

METIU 5:16

Noluk pvangcm tani: kvdv:dok kangkolo pva:motoka, odomvlo bulu noluk ainc agerkvdv:dcm ka:begycpc odokkc taycngamo:tok du:nc noluk Abumc bottaru:nc cmna kumycpc.

JO:N 3:21

Ckvdaggom sc:kobv okodc arronc cdcm idagji pva:do:pc gva:dag, odomvlo bvk ager gernam kvdv:dcmjen aiyo:pc ka:begycpc cdcm Ru:ncpvnckc kangkolo ito cmna.

AGER KVDVNG 9:31

Cdcmpila mondoli:dc Judiang appv:do odokkc Galildo odokkc Samaria do mc:pomcnganna dunggai odokkc mosa:tungai; odokkc Ru:tummc pcsola du:dungai odokkc Angunnc Yalodok aipc du:bonamki bojc bojcla gvdungai.

AGER KVDVNG 9:36

Cdcmpidodcm Joppa:do Tabitang cmnam agom tadjvgla gvmvnncko, okodcm Dorka cmdagaji dungai. Bvkkc ainc agerongc odokkc ammem aipc ager gerbidungai.

ROMANKVDVNG 8:1

Cdcmpila odo kcba:ba:la mokenammc kama:bong cdc sc:kobulu Kristo Jisukolo du:ji.

ROMANKVDVNG 8:29

Kapila:nc cdc sc:kobulum Bvk po:pcbong kindagji Bv Bvk Awodok migomdcmpc imopc cmna:sin po:pcbong cmmo:pc ru:tag, cdcmpc idopc jc bv:jen bojcrung bvrokvdv:dok bv opongarnampc idopc.

1 KORINTIANG KVDVNG 3:9

kapila:nc ngolu Ru:ncpvnckc ager gerjonc; nolu Ru:ncpvnckc arvgc, Ru:ncpvnckc monam okumc.

2 KORINTIANGKVDVNG 5:17

Cdcmpidag, jodi sc:kaiyc Kristokolo du:nc bv anupc ru:namc; akudc katoma:bong, ka:toka, anudc a:du:bong.

2 KORINTIANGKVDVNG 5:5

Sc:kobv ngolum sc attarsok lcgangarc mosv:tonc Ru:ncpvncbv, sc:kobv ngolum Yalodcm aroru:ngc lcngkanpc bitu:ji.

2 KORINTIANGKVDVNG 9:8

Odokkc Ru:ncpvncbv nolum pv:sepv:yenamko appvng akirba:dcm nolum bila:dag, odomvlo jen nolukkc lo:dcm appvng pv:namkopc pa:ycpc odokkc appvng ainc ager kvdv:dok lcgangc pv:se-pv:yenamkopc biycpc.

GALATIANG KVDVNG 6:15

Kapila:nc gadpuknamdcmsinmang atvlcgang kvnamdc, cdcmanggom gadpukma:namdc, cmpige:la anupc ru:namdc.

IPESIANG KVDVNG 1:1

Poulkolokkc Ru:ncpvnckc mcngkamdokki Kristo Jisukc mclvgla ager germonammc, Ainc Kumnc tani:kvdv:do:pc sc:kobulu Kristo Jisukolo mc:jvgdagsinji:

IPESIANG KVDVNG 1:4

Cdcmanggom Bv kapc ngolum Bvkkolo balenna la:toji, mo:pvsok amo:scm ru:lenma:dapci, jc ngolu angunpcnamc odokkc Bvk kcra:do aimang cmna lukosupcnammang.

IPESIANG KVDVNG 2:13

mo:pvso oko mc:tincsin kama:pc odokkc Ru:ncpvnc kama:pc.

IPESIANG KVDVNG 2:15

Bvk adindokki luyirla lulvgnamkvdv:do lujvglurodcm odokkc lutcmla lunam lujvglurodcm la:pakla, jc Bv:jen Bvkkolovng anu tani:ko ru:ladopc anyidok dungkodo,

IPESIANG KVDVNG 2:2

Sc mo:pvsok rcngam gvkolo gvmvnka, csardok migom awodok ilang-gvla:dok gvkolo gvmvnka, cdc yalodc su:pak agercm idung lunam tadma:nckvdv:dok aowangkvdv:dok ara:lo.

IPESIANG KVDVNG 2:6

odokkc Bvkkokki ngolum turmotoku, odokkc Bvk lcdulo tedmoto taycngamong tedkokvdv:do Kristo Jisukolo,

IPESIANG KVDVNG 4:1

Ngo cdcmpila, Ru:tumkc lcgangc makana:lo tumnamc, kumna ludung nolum gognamdok arckadopc turnamc turra dunggcdopc okolopc nolum gogtoji,

IPESIANG KVDVNG 4:24

Ru:ncpvnck dumsimigmoru:pc ru:nam aropc dormokanamki odokkc angukokki.

PILIPIANG KVDVNG 1:6

Odokkc ngo kindagrung jc sc:kobv ainc agerko gerrobtonc noluk ara:lo cdcm Jisu Kristokc longcdo ingapla boma:ycku.

PILIPIANG KVDVNG 2:13

Kapila:nc Ru:ncpvncbv noluk ara:lo agercm gerradung, Bvk aipc mc:monam lcgangc mc:namclang odokkc agerpc anyipakdcm.

KOLOSIANG 1:10

Bvm pv:namkopc mc:lvgsudopc, appvng ainc agerlo a:ycm e:mola odokkc Ru:ncpvnckc kinnamlo bojc bojcla gvdo.

KOLOSIANG 3:10

Okodcm kinnamlo anumotakji odok ru:ncdok dumsimigmo ila.

2 TISSALONIANG 2:17

noluk asinkvdv:dcm mc:po-mcngansumotoka appvng ainc agerlo:lang agomno cdcmbulum lcngkantoka.

1 TIMOTI: 2:10

Kapc dormo inc nc:ngkvdv:dokkcpc aidagji.

1 TIMOTI: 5:10

odokkc bv ainc ager lcgangc aipc aidag cmna lunampc ipc lagiyc, kapc akonc ommangcm usa:basa:toji, mibo-bonamcm lcngkantoji, aipc kumnc tani:kvdv:dok allcm vrbitoji, odokkc appvng agerlo aincm ipc avdc tolvgsutoji.

1 TIMOTI: 5:25

Cdcmv:pc ainc agerkvdv:dcm ka:pa:dag; odokkc cdcmbulum cdvlo ka:pa:ma:sin; cdcbulu lc:sila du:la:mang.

1 TIMOTI: 6:18

Bulu ainc agercm gerpa:yc, ainc ager gernam kvdv:lo mitc-mircmpcmvlo, bipaknam attarcm bijo:pcnamc odokkc ammem ayang abola,

2 TIMOTI 2:21

Jodi akonc avyc okodc menggcma:nc narc:mosuycji, odo bv ainc ager gernanc attarpc iyc, angunmola odokkc okumdok ru:tumdokkcpc inasa:napc aidag, atv ainc ager gernancpc mosv:sudag.

2 TIMOTI 3:17

jc Ru:ncpvnckc tani:dc pv:namkopc iycpc, aipc ainc ager lcgangc mosv:dopc.

TITUS 2:14

sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.

TITUS 2:7

Avyc lcngkansutoka appvng agerlo ainc ager gernc akoncmpc ila, odokkc nok poyirkolo angu anguma:namcm lcngkanna, kvnggv:namcm,

TITUS 3:1

Bulum migom donc kvdvng odokkc kanggabdaggabnc kvdv:dok agom lulvg tadkampc du:dopc mc:pa:dopc lutoka, agom taddopc, atv mcnggcnam ager lcgangc mosv:sula du:dopc, sc:komsin aima:nc agomcm luma:dopc,

TITUS 3:14

Odokkc ngoluk tani:kvdv:dcm bulu avkvdv:dcm ainc ager gernamdo gerdopc dungkaisumolang, mcna:pc manam atvlo idum gvdumsunam pa:dopc, odokkc arc kama:dopc ima:dopc.

TITUS 3:8

Cdc lunamdc arorungc. Ngo nolum sc agomkvdv:scm mcma:pc gagla du:toka cmna asinbc mc:dag, odomvlo jen cdc sc:kobulu Ru:ncpvncmc mc:jvgdagnc ainc agercm avkvdv:dc gerpc ansuka:suycpc; cdcbulu anguru:pc aidag odok tani:kvdv:dokkcpc av kadag.

HIBRIUKVDVNG 10:24

odokkc kajc mcngcsagclai kapc akoncm akonc aipc mc:mvnsudopc odokkc ainc agerkvdv:dcm gerdopc lubonnvglai,

HIBRIUKVDVNG 13:21

nolum appvng ainc attarkokki mosv:dag jc nolu Bvk mcngkamcm iyc-gvycpc, noluk ara:lo gerla jc okodc bvkkcpc kapc ka:podagji, Jisu Kristokokki; sckkcpc bv amin gvnamc lo:dv-longkvlokkcpc gvpcnammcji. Amen.

1 PITOR 2:12

Ru:ncpvncmc kinma:nc tani: kvdv:dok dungkodo aipc ila:sa:langka, odomvlo jen bulu noluk birudi:pc aima:nc ager gernckopc ludaggom, bulu noluk ainc agerkvdv:dcm ka:ycpc odokkc Ru:ncpvncmc amin gvmoycpc cdc palvg lvgdoku longcdo.

1 JO:N 1:7

cmpige:la ngolu jodi pva:lo lambcm gvyc, kapc Bv pva:lo du:nc, ngolukkc akonki akonc ajonc jonsunammc dung, odokkc Jisukc Bvk Awodok i:dc ngolum appvng pa:plokkcm la:pakdag.

1 JO:N 2:6

Sc:kobv ludonc ngo Bvk dungkolo du:mvndo Bvk gvko lambcdok bv:sin gvmvnpcnamc.