IPESIANG KVDVNG 1:7 - ANU LUGOD N. T. (BSI)

⁷ Bvkkolo ngolukkc arc bila rcpvtnammc Bvk i:dokki dung, ngoluk imurgvmurkvdv:dok lcgangc mc:yinsunamc,

IPESIANG KVDVNG 1:7 ပူးပေါင်းရင်းမြစ်များ

METIU 20:28

Cdcmyam tani:kc Awodci ila:sa:la bikosukapcmang ikasangkapc gvto, odokkc Bvk turnamcm bojcrungcm rclatnakupc cmna bikapc gvka.”

METIU 26:28

“Cdcm tv:toka, nolu appvngc; Kapila:nc sc lugoddok ngok i:yyc okodcm bojcru:lok pa:bkvdvngcm mc:yinsunam lcgangc pvlentonc.

METIU 6:12

Odokkc ngoluk narnam mc:yinsuteika, Ngolusin ngoluk narnckvdv:dcm kapc mc:yinamsutonc;

MARKKC 14:24

Odokkc Bv bulum luto, “Sc ngok i:yc pesula lugodnamdokkc, okodcm bojcrungkc lcgangc pvlenlvgtoji.

LU:KKC 1:77

Bvk tani:kvdv:dcm mopvkunamlok kinnamcm bikapc buluk pa:pkvdv:dcm mc:yinsubi-la:mvlo,

LU:KKC 24:47

odokkc tani: rcngam appv:so pa:plokkcm mc:yinsukunammcm lutadam bipcnammc, Jerusalemdokkc lurobbomna.

JO:N 20:23

Nolu sc:kaikc pa:bcm mc:yinsumvlo, bulum mc:yinsutobong; nolu sc:kaikc pa:bcm mctvmvlo, cdcbulu du:dag.”

AGER KVDVNG 10:43

Bvkkcpc appvng lungor lunc kvdv:dc pa:pkvdv:dokkcm mc:yinsubidag Bvk aminki.”

AGER KVDVNG 2:38

Odo Pitorbv bulum luto, “Asinc mc:dvrra mc:latsutokuka, odokkc noluk appvngc Jisu Kristokc aminno baptismongcm la:tok noluk pa:pkvdv:dcm mc:yinsunam lcgangc; odokkc nolu Angunnc Yalodok amandcm pa:yc.

AGER KVDVNG 20:28

okodo Angunnc Yalodcm nolum kanggabya:ncpc itu:ji, Ru:ncpvnckc mondoli:dcm ka:sv:mosv:dopc okodcm bv Avkc Awodok i:kokki pa:tokuji.”

AGER KVDVNG 3:19

Asinc cdcmpila mc:dvrra mc:latsutokuk, odokkc lckoda gvlattokuka, noluk pa:pkvdv:dcmjen motidamdopc, cdc anumonam ayirdc:jen Ru:tumkolokkc a:ycpc,

ROMANKVDVNG 2:4

Cdcmanggom no mc:ya-mc:sala mcngka:la ka:donci Bvk cddvkojc ayang-abodcm odokkc mentumsula du:namdcm? No kinma:nci jc Ru:ncpvnckc ayang-abodc nom asin mc:dvrra mc:latsudokupc mc:modag cmna?

ROMANKVDVNG 3:24

bulu Bvk ayangkokki ainc cmna amankopc ludag, Kristo Jisukolo pa:nam mopvnamkokki,

ROMANKVDVNG 3:25

sc:kom Ru:ncpvncbv porasit inckoncmpc bvk i:dokki topolvgtoji, mc:jvgkokki torvgsunamdcmpc. Cdc Ru:ncpvnckc dormo kanamdcm lcngkampc, kapcnc Bvk taycng among oila dunggcnamdokki Bv po:pckc inam pa:b kvdv:dcm gvbo:la gvkang;

ROMANKVDVNG 9:23

Bvk amin gvnamdok mircmdcm lcngkanpc ayangabodok lcgangdcm, okodcm bv po:pcbong amingvnam lcgangc mosv:toji, ngolumci sc:kom Bv gogtoji,

1 KORINTIANG KVDVNG 1:30

Bv:na noluk Kristo Jisukolo turnamkvdv:dok lenkodc:nc, sc:kom Ru:ncpvncbv ngoluk kinnampa:nampc itoji, ngoluk dormo kanamcm odokkc mopu:la narc:pc:sc:monamcm odokkc rcpvtnammcm;

2 KORINTIANGKVDVNG 8:9

Kapcnc nolu ngoluk Ru:tum Jisu Kristokc ayangcm kindag, jc Bv jodi mircmdagagom, ckvdaggom noluk lcgangc Bv opanncmpc ikang, odomvlo jen Bvk opandokki nolu jen mircmncpc iycpc.

IPESIANG KVDVNG 1:14

Okodc ngolu cdcm pangkuma:dodo:pc ngoluk pa:mvnkunamdok bigapla lc:namcji.

IPESIANG KVDVNG 1:18

Noluk asinkvdv:do amikkvdv:dcm pva:dopc ila, jc nolujen kinycpc okodo mc:tindc:ji okolopc nolum gogtoji, aipc kumnc tani:kvdv:do oko okokvdv:dc Bvk amin gvnc mitc--mircm pa:mvnkupcnam kvdv:dc:ji,

IPESIANG KVDVNG 1:6

Bvk amin gvnc aya:dokkcpc aipai bipc okodcm Bv ngolukkolo bitonc Mc:bomsunamkvdv:do.

IPESIANG KVDVNG 1:8

Bvk ayangabonamlo mircmdokki okodcm ngolukkolo pidlvgtoji.

IPESIANG KVDVNG 2:4

Cmpige:la, mc:yinsunamlok sc:ko mitc-mircmdang, bottcru:nc aipc mc:namdokki okodokki Bv ngolum aipc mc:dagji,

IPESIANG KVDVNG 2:7

jc a:pcnc dv:tak ayirkvdv:do Bv kvngapla:ma:nam Bvk aya:dok mitcmircm kvdv:dcm ngolum Kristo Jisukolo asin aipc mc:namki lcngkanycpc cmna.

IPESIANG KVDVNG 3:16

jen Bvk mitc-mircmdok amin gvnamdcmpc Bv:jen nolum tornamki kvnggv:modopc Bvk Yalodokki asin arangkc amibo,

IPESIANG KVDVNG 3:8

Ngokkcpc, aipc kumnc tani: appv: dokkcmyam adji:ya:nc-daggom, sc aya:scm bitungai Angu tani:kvdv:dcm Kristokc mala malenna:ma:nam mitc-mircm kvdv:dcm lubidopc,

PILIPIANG KVDVNG 4:19

Odokkc ngok Ru:ncpvncbv noluk manam appvngcm biycpc Kristo Jisukolo mitcmircmkvdv:dcmpc amin gvla.

KOLOSIANG 1:14

sckkolo ngolukkc rcpvtnammc du:ji, pa:plokkcm mcyinsubinammc.

KOLOSIANG 1:27

Bulum Ru:ncpvncbv kinmopc bala la:to cddvko Ru:ncmc kinma:nc tani:kvdv:dok ara:do cddvko Bvk mcngapla:ma:nam amin gvnamkvdv:dc bottadagji, okodc Kristobv noluk ara:do du:ji, amin gvnamdok mc:tindc.

KOLOSIANG 2:13

Odokkc nolu, imur ager gernam odokkc noluk adinno gadpukma:namno sila dungaji, Ru:ncpvncbv Bvk lcdulo turmotoku, ngoluk appvng gvmurkvdv:dcm mc:yinsuge:la,

KOLOSIANG 2:2

jc buluk asin kvdv:dcm pvtamodopc lusv:lvgycpc kapc bulu aipc lckopc mcngka:mvnsudagji, appvng mcngkinsakkindok mitc-mircm kvdv:dcm pa:pc odokkc Ru:ncpvnckc mcngapla:ma:nam kinnam agomdcm, Kristokcm,

1 TIMOTI: 2:6

cdc Kristo Jisu tani:dc, sc:kobv avdc appvngkc lcgangc dorrennakupc bipaksutonc, lukanbinamdc akodc ayir pv:dardo lubikaji.

TITUS 2:14

sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.

TITUS 3:6

okodcm Bv ngoluk tayc:lo mircmpc Jisu Kristo ngoluk Moturncdokki pvrumlvgtojc,

HIBRIUKVDVNG 9:22

Aroru:pci, lujvglurodok i:dokki appvngcmci narcngamcimodag, odokkc i:ycm bidmoma:pc pa:plok mc:yinsunam kamang.

1 PITOR 2:24

Bv avdc ngoluk pa:pkvdv:dcm Bvk avkc amvrdo Kurus talc:do jonggcbito, jc ngolu pa:p lcgangc siycpc odokkc dormo kanamlokkcpc turycpc. Bvk tarckvdv:dokki nolum csa:motoku.

1 PITOR 3:18

Kapcnc Kristobv:sin pa:plcganc lckkongko sikang, cdc dormo kancdc dormokama:ncdok lcgangc, jen Bv ngolum Ru:ncpvnckolo:pc langangkupc cmna, adinpc mokelvgla cmpige:la yalodo turmotoku;

1 JO:N 2:12

Ngo nolum addung, ame:onc ommang kvdvnga, lcga:dc noluk pa:pkvdv:dcm Bvk lcgangc mc:yinsutobong.

1 JO:N 2:2

odokkc Bv:na ngoluk pa:pkvdv:dok lcga:pc mopu:bincdc, odokkc ngolugongkcmang cmpige:la mo:pvsok pa:p appv:dok lcgangc.

1 JO:N 4:10

Odo aipc mc:namdo ngolujc Ru:ncpvncmc aipc mc:to cmmang cmpige:la jc Bv ngolum aipc mc:to odokkc Bvk Awodcm ngoluk pa:p lcngangc palvgnapc inapc cmna.

LUNGOR LUNAM 14:4

Cdc cdcbulu sc:kobulu nc:ngkokki napvnarc:ma:pc itoma:ji, kapcnc bulu angunna du:namc; cdc cdcbulu sc:kobulu Me:r Awo sobendok gvkolo okolopci bv gvdoji gvmvndagaji; cdc bulu Ru:ncpvnckc lcgangc e:pongarnc a:yckvdv:dc odokkc Awo Me:r sobendokkcpc tani:kvdv:dokkcm rcpvttoku,

LUNGOR LUNAM 5:9

odokkc bulu scmpc lula: lula, anu ni:tomko moto: “No yednam potindcm bompc arc kannc odokkc odok tubjetnam kvdv:dcm mopenpc, Kapcnc nom palvgto odokkc nok i:dokki Ru:ncpvnckc lcgangc tani:kvdv:dcm mogvt momatnamlokkcm rcpvtnato appvng rcngamlokkc odokkc agom lunclokkc odokkc tani:kvdv:lokkc odokkc opvnnokkc.