IPESIANG KVDVNG 1:4 - ANU LUGOD N. T. (BSI)

⁴ Cdcmanggom Bv kapc ngolum Bvkkolo balenna la:toji, mo:pvsok amo:scm ru:lenma:dapci, jc ngolu angunpcnamc odokkc Bvk kcra:do aimang cmna lukosupcnammang.

IPESIANG KVDVNG 1:4 ပူးပေါင်းရင်းမြစ်များ

METIU 24:22

Odokkc cdc longc kvdv:dcm andc:momangamvlo, oko tani:taworcsin turma:ya:pc; ckvdaggom agom tadjvgla gvmvnnc bangula lc:nam kvdv:dok lcgangc cdc longckvdv:dcm andc:moyc.

METIU 24:24

Kapila:nc lume:lunc Kristo odokkc Ru:ncpvnckc agom lume: lungornc tani:yc lenyc odokkc bottcru:nc kanggodcmbulum odokkc mcngapla:ma:nam agercmbulum lcngkanyc, cdcmpc gvmurra gvyodbopc cmna, pagmvlo, agom tadjvgla gvmvnnc balenna lc:namkvdv:dcmci.

METIU 24:31

Odo Bvk lutad lunc tani:kvdv:dcm bottaru:pc bc:nc tu:lungki mulla gogyc, odokkc bulu Bvk balenna la:nam tani:kvdv:dcm appv:lokkcm gogkumsuyc, do:mvrtok among du:tcr akolokkc du:tcr akondo:pc.

METIU 25:34

Odo cdc Migomdc alag lagbvgpc du:nckvdv:dcm luyc, ‘Kajc, ngok Abukc aipai pa:nckvdvnga, noluk lcga:pc mosv:la lc:nam migom mo:pvdcm dungkonsubomtoka tani:amo:scm mododokkcbong.

JO:N 10:16

Odokkc ngokkc angu bera sobenc du:da, okodc:bulu sc kcrc:sokkcma:ji; ngo bulumsin gonga:rungkupcnammc, odokkc bulu ngok gomugcm tadkindag. Cdcmpidag odo kcrcng akkongkopc iyc, ka:sv:nc akkongko.

JO:N 15:16

Nolu ngom balenmangai, cmpige:la ngo nolum balento odokkc agercm gerdopc lugablvgto odomvlo gvla a:yc e:dopc cmna odokkc noluk a:yckvdv:dc du:mvnna du:dopc cmna; odomvloyam nolu ngok aminno Abudcm okodcmci koycnc, Bv cdcmci nolum biycpc cmna.

JO:N 17:24

“Abba, ngo mc:dag jc bulusin, sc:kobulum no ngom bitonc, ngokkolo du:ycpc okolo ngo du:ycji, ngok amin gvnamcm ka:dopc okodcm nok ayangki ngom bitonc ngok lcgangc rcngamscm ru:sa:ma:dapc.

AGER KVDVNG 13:48

Odokkc cdvlo Ru:ncmc kinma:nc tani:kvdv:dc cdcm tattoji, bulu mc:pokang odokkc Ru:ncpvnckc agomdcm amincm gvmoto; odokkc cddv cddvkonc turyartvla turnamdokki vrnama:ji mc:jvgto.

AGER KVDVNG 15:18

Ru:tumbv ludag, sc:kobv sc attarkvdv:scm lekelokkcbong kinabmotoji.’

AGER KVDVNG 18:10

kapila:nc ngo nok lcdulo dung, odokkc oko tani:ycsin nom moa:la:ma:yc nom motappc cmna; kapila:nc sc nogorsc ngokkc bojcrungko tani:yc dung.”

ROMANKVDVNG 8:33

Sc:kobv atv lujckko lua:la:ycn Ru:ncpvnckc mc:la balennamdok birudi:pc?

1 KORINTIANG KVDVNG 1:8

sc:kobv du:tcrdungapdo:pc ngoluk Ru:tum Jisu Kristokc longcdo.

GALATIANG KVDVNG 5:13

Kapila:nc nolum motunam lcga:lo:pc gogtungai, bvrokvdvnga; noluk motunammcm adin amvr ipogvpo lcgangongc ina-sa:nayoka, cmpige:la aipc mc:namkokki akonc akonkc kcvgpc ager gerya:ncpc ilangka.

GALATIANG KVDVNG 5:22

Cmpige:la Yalodok apva:yckvdv:dc aipc mc:namc, mcnganc, mentumsula du:namc, ayangabonammc,

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

IPESIANG KVDVNG 2:10

Kapcnc ngolu Bvk ager gernc, Kristo Jisukolo ainc ager lcgangc ru:namc, okodcm Ru:npvncbv po:pcbong ru:toji, jc ngolu odokbuluk ara:do gvpcnammc.

IPESIANG KVDVNG 3:17

odokkc jc Kristobv:jen noluk asin arangkvdv:do mc:jvgkokki du:ycdagycpc; jc nolu, aipc mc:namlo appvrc amo:bo pvrgabycpc.

IPESIANG KVDVNG 4:2

appvng adji:sula du:namki odokkc asin ansv:la, mentumsunamki, aipc mc:la akoncm akonc mc:yinmvnsula,

IPESIANG KVDVNG 5:2

Odokkc aipc mcnamlo lambcm gvlangka, kapc Kristobv ngolum aipc mc:toji odokkc Bv avdc ngoluk lcgang sigcbitoji, Ru:ncpvnckolo:pc namponc to:lvgnam odokkc palvgnammcmpc.

IPESIANG KVDVNG 5:27

Jen Bv avdc mondoli:dcm avdo:pc ungjerdopc bisuycpc, atv aima:nc agomko cdcmanggom, saradnc intakko, cdcmanggom cdcmpinc atv attarc, jc bv:jen anguycpc odokkc atv narc:ma:nam kama:pc.

PILIPIANG KVDVNG 2:15

Jc nolu lugcng kama:pc iycpc odokkc imurkama:pc iycpc, Ru:ncpvnckc ommangkvdv:dc koiyyang kama:pc lukcrcp agomlunc odokkc gvmurra gvnc opvnkvdv:dok ara:lo saki:pc dordo, turnamsok agomdcm kvnggv:pc gagla du:la,

KOLOSIANG 1:22

Bv su:pak Bvk amvrdok adindo Bvk sinamdokki lckomotokubong, nolum angunpc odokkc aima:pc lugcngkama:dopc odokkc aimang cmna luka:la ludopc Bvk kcra:do,

KOLOSIANG 2:2

jc buluk asin kvdv:dcm pvtamodopc lusv:lvgycpc kapc bulu aipc lckopc mcngka:mvnsudagji, appvng mcngkinsakkindok mitc-mircm kvdv:dcm pa:pc odokkc Ru:ncpvnckc mcngapla:ma:nam kinnam agomdcm, Kristokcm,

KOLOSIANG 3:12

Cdcmpcmvlo gctoka, Ru:ncpvnckc balennam akoncmpc, angunncpc odokkc aipc mc:nampc, aya:sitapc mc:ncpc, ayangabopc mc:ncpc, ansv:nc asin gcnamc, rcmakpc asin gcnamc, odokkc mentumsula du:namc,

1 TISSALONIANG 3:12

odokkc Ru:tumbv nolum akonc akoncm odokkc appvng tani:ycm aipc mc:namdcm mc:barra gvmoteika, ngolu kapc nolum idagji,

1 TISSALONIANG 4:7

Kapcnc Ru:ncpvncbv ngolum napvnarc:ma:namlo:pc gogmang. Cmpige:la angunno:pcmvn.

2 TIMOTI 1:9

sc:kobv ngolum moturtonc odokkc ngolum angunnc gognamki gogtonc, ngoluk aipc ager gernamkokkimang cmpige:la Bvk avkc mc:jongkokki mcngkampc odokkc dv:takkvdv:dok po:pcbong cdc oko aya:dcm ngolum Kristo Jisukolo bitoji,

2 TIMOTI 2:10

Cdcmpidag ngo appvngcm balenna la:namkvdv:dok lcgangc mentumsula du:do jen bulusin Kristo Jisukolo turnamcm pa:ycpc odok lo:dv-longkvpc du:nc amin gvnamdokki:.

2 TIMOTI 2:19

Cmpige:la Ru:ncpvnckc kvnggv:nc dunggabkodc du:dag, sc muhorscm bomna: “Ru:tumdc kindag cdc sc:kobulu Bvkkcji,” odokkc, “Kajc appvngc sc:ko Ru:tumkc amindcm mindagji aima:nc agerlokkc germa:pc du:la:jc.”

JAKOB 2:5

Tattoka, ngok aipc mc:nam bvrrangkvdv:nga. Ru:ncpvncbv cdc sc:kobulu opandagnc Balenna mc:jvglo mircmdopc la:ma:lang odokkc migom doko amo:dok du:sonsuncpc sc:kobulu Bvm aipc mc:dagji okodcm cdcmbulum pesubitoji?

1 PITOR 1:2

Ru:ncpvnc Abubv balenna odokkc ru:scgla lc:namc odokkc Yalodokki narc:dopc mopu:la Jisu Kristomc lukam taddopc odokkc Bvk i:dokki abkatdopc: Ayangc odokkc mcnganc nolukkolo bojc bojcla dungka:langka.

1 PITOR 1:20

Sc:kobv mo:pvscm mosa:ma:dapc ru:pvlvgtonc cmpigge:la noluk lcgangc ayir du:tcrdo lenmotonc.

1 PITOR 2:9

Cmpige:la nolu balennam opvnko, migom dormoager gernclok bottcnc incpc, angunnc opvnko, Ru:ncpvnckc avkc tani:yc, jen nolu Bvk mcngapla:ma:nam ager gernam kvdv:dcm lutadbiycpc sc:kobv nolum Bvk ka:rvgsula:ma:nam pva:do:pc goglentoji.

2 PITOR 3:14

Cdcmpidag, aipc mc:bomsunamkvdvnga, nolu scmbulum toya:la du:namc, Bvkkokki oko koiyangcmsin kama:pc pa:dokupc cdcmanggom imursiyar kama:dopc, odokkc mcnganna mcngandopc.

1 JO:N 4:16

Cdcmpidag ngolu kindag odokkc mc:jvgtoka Ru:ncpvnckc ngoluk lcgangc aipc mc:namc dung. Ru:ncpvncbv aipc mc:namc, odokkc sc:kobv aipc mc:namlo du:mvndoji Ru:ncpvnckolo du:do, odokkc Ru:ncpvncbv Bvkkolo du:do.

LUNGOR LUNAM 13:8

odokkc sc:kobulu mo:pvso du:nc dagnc appv:dc cdcm kumyc cd palvgnam Awome:rdok turnc potindo rcngamscm mosa:ma:dapc sckkc sckkc amincm adtonc.

LUNGOR LUNAM 17:8

Cdc nok ka:nam simvndc, odokkc cdcmang, odokkc du:tcrkama:nc jiko:dokkc lensa:pcnamc odokkc lo:dv longkvpc sipakkunamdo:pc gvpcnc; odokkc mo:pvsok du:nc-dagnckvdv:dc sc:kobuluk amincm turnckvdv:dok potindo adtoma:ji mo:pvscm mogabdodokkc, simvndcm ka:la mcngapla:ma:pc kangaksuyc, lcga:dc cdcai odokkc cdc gvkupcncdc cdcmangai.