IPESIANG KVDVNG 1:23 - ANU LUGOD N. T. (BSI)

²³ okodc Bvk amvrcji, Bvk pvnam pvngapnamdc sc:kobv appvngcm appv:lo pvngapmodagji.

IPESIANG KVDVNG 1:23 ပူးပေါင်းရင်းမြစ်များ

JO:N 1:16

Odokkc Bvk pv:namcm ngolu appvngc torvgsutobong, ayang tayc:lok ayangcm.

ROMANKVDVNG 13:5

Cdcmpidag akonc lulvg lunamcm tadpa:ru:yc, Ru:ncpvnckc aglvng lv:namdcmong lvngkosuge:mang cmnamongmang cmpige:la asin mcngkin-sakkin kokkisin.

1 KORINTIANG KVDVNG 12:6

odokkc angu angu agerc dung, ckvdaggom cdc Ru:ncpvnc akko:dc sc:kobv ilang-gvlangcm odobulu appv:do ako akko:pc bidagji.

1 KORINTIANG KVDVNG 15:28

Cdvlo appvng attarcm Bvk kcvgpc idoji, odo Awodc avdc:sin Bvk kcvgpc du:ncpc iyc sc:kobv appvng attarcm Bvk kcvgpc lc:dagji, jc Ru:ncpvncbv appvngkcpc appv:pc idopc.

IPESIANG KVDVNG 2:16

cdcmpila mcnganmola, odokkc ngolum anyipagcm Ru:ncpvnckolo:pc amvr atcrongkolo kurusdokki lckomotoku, odokki mirupc imvn sunamdcm itcrsumoto.

IPESIANG KVDVNG 3:10

Jc mondoli:dokki Ru:ncpvnckc bojcrungkopc inc kinnamdcm jen su:pak kinmoycpc migom doko mo:pvkvdv:do odokkc ilang-gvlang kvdv:do taycng dungkokvdv:do.

IPESIANG KVDVNG 3:19

Odokkc Kristokc aipcmc:namdcm kindopc okodo kinnamcm gvbadya:dagji, nolujen Ru:ncpvnckc appvng binamcm bi:ycpc.

IPESIANG KVDVNG 4:10

Sc:ko Bv gvitonc cdc Bv sc:ko taycng among appvngcmyam owudru:pc mo:tc:pc dc:sangkangku, jc Bv:jen appvng attarcm pvngapmoycpc.

IPESIANG KVDVNG 4:12

Aipc kumnc tani:kvdv:dcm mosv:pc ager gernamdok lcgangc, Kristokc amvrdcm mosa:pc.

IPESIANG KVDVNG 4:13

Ngolu mc:jvgdok lckko:pc du:namdcm pa:ma:sisscm odokkc Ru:ncpvnckc kinnam agomdcm, tani:pc inamdcm mc:jvsumopc, Kristokc pv:namdok owuddcm kvpc.

IPESIANG KVDVNG 4:4

Amvr akkongko odokkc Yalo akkongko, kapc nolum mc:tin akkongkolo:pc gogtagaji cd nolum gognamdokkc,

KOLOSIANG 1:24

Su:pak ngok ipusire: pa:namlo ngo noluk lcgangc mc:pobadusudo, odokkc ngok adinno ngo Kristokc du:g gvnamdo okodc pv:ramdoji pv:modo Bvk amvrdok lcgangc,

KOLOSIANG 2:19

Odokkc Tukkudcm gaggabtvla du:ma:pc, okolo amvr appv:dc mosv:dagji odokkc lckopc ri:pumsutagji odok mosetsuko kvdv:dok odokkc i:rkvdv:dokki, sv:namdokki sv:do okodc Ru:ncpvnckolokkcji.

KOLOSIANG 3:11

Sido Girikkolang Jiwukopc ilangcima:bong, gadpuknammclang odokkc gadpukma:namc, okkomsin kinma:nc tani:yc, Skiti:yc, pagbo, moge:lvgnam tani:yc, cmpige:la Kristobv appvngc, odokkc appv:lo.

KOLOSIANG 3:15

Odokkc Kristokc mcngandc noluk asinkvdv:dcm ka:sv:bommotoka, okodo:pc nolum aropakpc gogtoji amvrakkongkolo:pc.