IPESIANG KVDVNG 1:19 - ANU LUGOD N. T. (BSI)

¹⁹ odokkc okodc kvngapla:ma:nam Bvk ilang gvla:dok bottanammcji ngolukkolo sc:kobulu mc:jvgdoji, Bvk bottcru:nc tornam ager gernamdcm bulupc

IPESIANG KVDVNG 1:19 ပူးပေါင်းရင်းမြစ်များ

PILIPIANG KVDVNG 2:13

Kapila:nc Ru:ncpvncbv noluk ara:lo agercm gerradung, Bvk aipc mc:monam lcgangc mc:namclang odokkc agerpc anyipakdcm.

IPESIANG KVDVNG 3:20

Su:pak Bvkkcpc ager gernc ilang gvla:dokki ngoluk ara:sok du:nc bojcru:yangko pv:sepv:yeycpc ila:ya:dag ngoluk konamc cdcmanggom mc:nam kvdv:dcmyam,

KOLOSIANG 2:12

odokkc nolum Bvk baptismo:do agolo lc:tobong, okodo nolusin mc:jvgkokki sikolokkcm Ru:cpvnckc ager gernamdokki turmotoku, sc:kobv Bvm sikolokkcm turmotokuji.

2 KORINTIANGKVDVNG 4:7

Cmpige:la ngoluk sc lcngkumnam murko:sc among lcnggcng kvdv:l dung, cdcm lcngkanpc jc appvngcm bottaya:nc ilang gvla:dc Ru:ncpvnckc odokkc ngolukkcmang.

KOLOSIANG 1:29

Kapcnc scm ngo du:g gvla gerdung, appvng bo:lki anla ka:dung okodcm bv ngom kvnggv:tarv:dopc mca:lvgla bitu:ji.

IPESIANG KVDVNG 6:10

Lcddarpc, Ru:tumkolo kvnggvngtarv:toka odokkc bvk tornamlo ilang gvlangkokki.

IPESIANG KVDVNG 3:7

Cdc tadponc agomdok ngo migom ager gernckai Ru:ncpvnckc amandok aya:namdcmpc okodcm ngom bitungaji Bvk ilanggvla:dok agerdokki.

IPESIANG KVDVNG 2:10

Kapcnc ngolu Bvk ager gernc, Kristo Jisukolo ainc ager lcgangc ru:namc, okodcm Ru:npvncbv po:pcbong ru:toji, jc ngolu odokbuluk ara:do gvpcnammc.

ROMANKVDVNG 1:16

Kapcnc ngo tadponc lutaddcm lubipc anyi:mang: cdc Ru:ncpnckc ilang-gvlang turnam lcganc sckkc mc:jvgc du:ji appv:lo, Jiwu kvdv:do:pc lupo:danna odokkc Girik kvdv:do:pcsin.

JAKOB 1:18

Bvk avkc mc:suki bv ngolum aro agomdokki langa:toku jc ngolu e:pongarnc a:yckvdv:dok akoncmpc Bvk ru:pongarnam kvdv:dokkc.

2 TISSALONIANG 1:11

Odok lcga:pc ngolu lo:dvscm noluk lcgangc kumdo, jc ngoluk Ru:ncpvncbv Bvk gognamdcmpc arckapc imodopc, odokkc appvng ainc agom lulen luangcm odokkc mc:jvglok agercm Bvk ilang gvlangkokki gerpvtdopc,

1 TISSALONIANG 1:5

kapcnc ngoluk tadponc lutaddc nolukkolo:pc agomongkokki pvnga:mang, cmpige:la kvnggv:pc ilang gvla:lo:sin odokkc Angunnc Yalodo odokkc pv:namko aropakpc mc:namc bi:danna. Nolu kindag kapinc tani:pc ngolu noluk kcra:lo lcngkansubikaji noluk lcgangc.

2 KORINTIANGKVDVNG 5:17

Cdcmpidag, jodi sc:kaiyc Kristokolo du:nc bv anupc ru:namc; akudc katoma:bong, ka:toka, anudc a:du:bong.

AGER KVDVNG 26:18

jc bulu kcmolokkc pva:lo:pc gvdopc odokkc Satandok ilanggvla:dokkc Ru:ncpvnckc ilanggvla:do:pc gvlatdokupc, jc bulu pa:plok mc:yinsunamcm pa:dopc odokkc ngom mc:jvgnc kvdv:dok dungkodo pa:dopc.’

JO:N 3:6

Adinkokki adinc, odokkc Yalokokki onamdc yallo.

PILIPIANG KVDVNG 3:21

sc:kobv ngoluk cmmum amvrcm amin gvnc amvrpc motenyckupc, Bv appvng attarcmci Bvk kcvgpc ila:nanc ialang-gvla:dokki idopc.

1 PITOR 4:11

sc:kobv agom ludonc, kapc akonc Ru:ncpvnckc gombug bukkampc; sc:kobvi agercm gerbidonc, kapc akonc gergabbomdonc tornamki okodcm Ru:ncpvncbv bidonc; cdcmpc ipc jc appv:lo Ru:ncpvncmc Jisu Kristokokki amin gvmoycpc. Bvkkcpc amin gvnamdc odokkc migomdonamdc lo:dv longkvpc dungka:langka. Amen.