IPESIANG KVDVNG 1:14 - ANU LUGOD N. T. (BSI)

¹⁴ Okodc ngolu cdcm pangkuma:dodo:pc ngoluk pa:mvnkunamdok bigapla lc:namcji.

IPESIANG KVDVNG 1:14 ပူးပေါင်းရင်းမြစ်များ

LU:KKC 21:28

Cdcmpinamc cdvlo cdcbulu irobbompc iycji, nge:sa:lang odokkc noluk mittukkvdv:dcm vsa:lang, kapila:nc noluk mopvnammc anin aninna gvdu:bong.”

AGER KVDVNG 20:28

okodo Angunnc Yalodcm nolum kanggabya:ncpc itu:ji, Ru:ncpvnckc mondoli:dcm ka:sv:mosv:dopc okodcm bv Avkc Awodok i:kokki pa:tokuji.”

AGER KVDVNG 20:32

Odokkc Bvk ayang abonamdok agomdo:pc tolvgdung, okodc nolum mosa:pc mosa:ladagji odokkc nolum sc:kobulum narc:pc mopu:tonc buluk du:tcngcm du:bomdopc imola:dagji.

ROMANKVDVNG 8:23

Odokkc ru:namo:dc:mang, cmpige:la ngolu avycsin, sckkc Yalodok e:pongarnc a:ycdc du:ji, asin ara:bo svgvn-gvnna kabla dung ngolu unam awa:pc inamdcm toya:la du:la:yam, ngoluk amvrkvdv:dok arc bila rclenkunam moturkunam kvdv:dcm.

1 KORINTIANG KVDVNG 1:30

Bv:na noluk Kristo Jisukolo turnamkvdv:dok lenkodc:nc, sc:kom Ru:ncpvncbv ngoluk kinnampa:nampc itoji, ngoluk dormo kanamcm odokkc mopu:la narc:pc:sc:monamcm odokkc rcpvtnammcm;

2 KORINTIANGKVDVNG 1:22

Bvk tubjedcm ngolukkolo tublvgto odokkc Bvk Yallom ngoluk asin ara:bo bino:la arorungc cmna bito.

2 KORINTIANGKVDVNG 5:5

Sc:kobv ngolum sc attarsok lcgangarc mosv:tonc Ru:ncpvncbv, sc:kobv ngolum Yalodcm aroru:ngc lcngkanpc bitu:ji.

GALATIANG KVDVNG 4:6

Odokkc nolu awa:pc inamc, Ru:ncpvncbv Bvk Awodok Yalodcm noluk alakkvdv:do:pc mca:lvgto, jc:la lula, “Abba! Ba:ba!”

IPESIANG KVDVNG 1:11

Bvkkolo Bvk asin mc:namdok mcngkamdcmpc sc:kobv appvng agercm gerpvtdagnc Bvk luyirnamdok mcngkamdcmpc,

IPESIANG KVDVNG 1:12

ngolu sc:kobulu mcnga:po:dannc Kristokolo mctinsutonc Bvm aipai bila amin gvnam lcgangc turdopc tolvgtag odokkc agercm bitung.

IPESIANG KVDVNG 4:30

Odokkc Ru:ncpvnckc Angunnc Yalodcm mc:nying moyoka, sckkolo nolum muworcm tubjettagji motunam longcdok lcgangc.

1 PITOR 2:9

Cmpige:la nolu balennam opvnko, migom dormoager gernclok bottcnc incpc, angunnc opvnko, Ru:ncpvnckc avkc tani:yc, jen nolu Bvk mcngapla:ma:nam ager gernam kvdv:dcm lutadbiycpc sc:kobv nolum Bvk ka:rvgsula:ma:nam pva:do:pc goglentoji.