IPESIANG KVDVNG 1:13 - ANU LUGOD N. T. (BSI)

¹³ Bvkkolo nolusin, sc:kobulu aro agomdcm attonc, noluk moturnamdok tadponc lutaddcm, odokkc Bvm mc:jvgtonc, pesunam angunnc Yalodokki tubjet lvgtungai.

IPESIANG KVDVNG 1:13 ပူးပေါင်းရင်းမြစ်များ

LU:KKC 11:13

Nolu cdcmpcmvlo, sc:kobulu aima:nc, noluk ommangkvdv:dcm kapc ainc amancm bipcnammcji kindo, cdcm cddvko bojcya: pc taycng among Abubv Angunnc Yalodcm sc:ko koycnc bvm biycnc!”

LU:KKC 24:49

Odokkc ka:toka, ngo ngok Ba:bukc pesula lunamcm nolukkolo tolvgdung; cmpige:la sc nogorso du:tedpo:toka, nolum tayc:tokkc ilang gvla:nanncm moru:lvgma:sisscm.”

JO:N 1:17

Kapila:nc Mose:kokki lujvglurodcm bitungai; ayangclang arodc Jisu Kristokokki gvido.

JO:N 14:26

Cmpige:la cdc Luyirncdc, Angunnc Yalodc, sc:kom cdc Abudc ngok aminno mclvgycnc, bv nolum appvng agom luyiryc, odokkc ngok lunam agom appv:dcm nolum mc:pangammoycku.

JO:N 15:26

“Cmpige:la cdvlo Luyirncdc gviycnc, sc:kom ngo nolukkolo:pc Abukodokkc mclvgycnc, cdc arodok Yalodcmcina, sc:kobv Abudokkc gvlendagnc, Bv ngok agomcm lukanbiycpc;

JO:N 3:33

sc:kobv Bvk lukamdcm taddagnc Bvk tubjeddcm scmpc tublvgdag, jc Ru:ncpvncbv arro.

JO:N 6:27

Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”

AGER KVDVNG 1:4

Odokkc odo buluk lcdulo du:dodcm Bv bulum Jerusalemdcm mcge:la gvpakma:dopc luto, cmpige:la Abudok pesubinamdok lcgangc toya:la du:dopc luto, okodcm, Bv luto,

AGER KVDVNG 13:26

“Bvrrang kvdvnga, Abrahamkc ope:lok awangkvdvnga, odokkc nolukkolok sc:kobulu Ru:ncpvncmc pcsodagnc, ngolukkolo:pc sc moturnam lutadscm mclvgtagai.

AGER KVDVNG 2:33

Cdcmpila Ru:ncpvnckc lagbvg alakdo:pc la:sa:langkula:yam, odokkc Abudokkcm Angunnc Yalodok pesubinamdcm pa:la:yam, Bv scm to:lvgtag okodcm nolu ka:begdu:nc odokkc tadbegdu:nc.

ROMANKVDVNG 1:16

Kapcnc ngo tadponc lutaddcm lubipc anyi:mang: cdc Ru:ncpnckc ilang-gvlang turnam lcganc sckkc mc:jvgc du:ji appv:lo, Jiwu kvdv:do:pc lupo:danna odokkc Girik kvdv:do:pcsin.

ROMANKVDVNG 4:11

Bv kanggodkoncmpc cdcmanggom muorkoncmpc torvgsuto dormo kanamdokkcm bvk gadpukmanggv:dapc bvk mc:jvg kanamdokki. Mc:namdc bvm appv:lok Abupc badmopc cmna gadma:pc sc:kobulum dormokannc cmna kvdagji,

ROMANKVDVNG 6:17

Cmpige:la Ru:ncpvncmc aipai binampc ika:langka, jc nolu sc:kobulu lckoncm pa:blok pagbopc ikaji asinbokki luyir agom tadncpc ikang okodcm nolu tadpc cmna tolvgtoji;

2 KORINTIANGKVDVNG 1:22

Bvk tubjedcm ngolukkolo tublvgto odokkc Bvk Yallom ngoluk asin ara:bo bino:la arorungc cmna bito.

2 KORINTIANGKVDVNG 6:7

dormokanamdok yoktung-katokki lagbvk alakdok lcgangc odokkc lakkedok lcgangc;

GALATIANG KVDVNG 3:14

Jc Abrahamkc akirba:ddc Kristo Jisukolo Ru:ncmc kinma:nc tani:kvdv:do gvangka:langka, odomvlo ngolu Yalodok pesunamdcm mc:jvgkokki pa:la:ycpc.

IPESIANG KVDVNG 4:21

Mc:jvgla jc nolu Bvk agomcm tadtobong odokkc bvkkolo luyirkosuto, kapc arodc Jisukolo:ji.

IPESIANG KVDVNG 4:30

Odokkc Ru:ncpvnckc Angunnc Yalodcm mc:nying moyoka, sckkolo nolum muworcm tubjettagji motunam longcdok lcgangc.

1 TISSALONIANG 2:13

Odokkc ngolusin Ru:ncpvncmc aipai bidung odok lcgangc mcma:ru:pc, jc cdvlo nolu Ru:ncpvnckc agomdcm torvgsutoji okodcm nolu ngolukkolokkcm tattoji, nolu cdcm tani:lok agomcmpc, torvgsutomang cmpige:la cdc okka:ji cdcmpc, Ru:ncpvnckc agomc, okodc noluk ara:do mc:jvgnckvdv:dcm ager gerra du:ji.

2 TIMOTI 2:15

Noluk aiyanggerncm gertoka nolu avyc avycm Ru:ncpvnckolo tolvgnam akoncmpc, ager gerncko sc:kobv anyi:supcnammc kama:dopc, aropc aro agomdcm gagdopc.

2 TIMOTI 2:19

Cmpige:la Ru:ncpvnckc kvnggv:nc dunggabkodc du:dag, sc muhorscm bomna: “Ru:tumdc kindag cdc sc:kobulu Bvkkcji,” odokkc, “Kajc appvngc sc:ko Ru:tumkc amindcm mindagji aima:nc agerlokkc germa:pc du:la:jc.”

2 TIMOTI 3:15

sckkolok no cdcm kintoji odokkc kapc kowawdokkc no angunnc adnamkvdv:dcm kintoji okodc:bulu nom moturnam lcgangc luyirla:dagji Kristo Jisukolo mc:jvgla.

TITUS 2:11

Kapila:nc Ru:ncpvnckc aya:dc tani:kvdv:dok moturlcgangc lenkang,

HIBRIUKVDVNG 2:3

kapc ngolu gagsila:ycn jodi ngolu cddvnc bottcnc moturdcm mc:yamc:samvlo? Cdcm lupo:danpc Ru:tumkokki lulenbito, odokkc cdcm ngolum arro cmna lubito cdc sc:kobulu Bvm tadtoji,

JAKOB 1:18

Bvk avkc mc:suki bv ngolum aro agomdokki langa:toku jc ngolu e:pongarnc a:yckvdv:dok akoncmpc Bvk ru:pongarnam kvdv:dokkc.

JAKOB 1:21

Cdcmpidag appvng ya:nc agomcm odokkc aima: aima:pc gernam agerkvdv:dcm mcpaktoka odokkc asin ansv:la torvgsulangka kvnggv:pc lugablvgla lunam agomdcm, okodc noluk yalokvdv:dcm mopvla:dagji.

1 PITOR 2:10

Lcko nolu taniycimangai cmpige:la nolu su:pak Ru:ncpvnckc tani:yc; lcko nolu mc:yinsunamcm pa:mangai cmpige:la su:pak nolu mcyinsunamcm pa:to.

LUNGOR LUNAM 7:2

Odo ngo do:nyi sanggatokkc lennc taycng among lutad lunc akoda ka:begto, turnc Ru:ncpvncdok tubjet kancdokki, odokkc bv bottapakpc gomugki taycng among lutad lunc appv:dcm luto okodc:bulu scmpc lula mo:pvscmnang siycngdcm momvgdopc ilanggvlangcm bitoji,