HIBRIUKVDVNG 9:15 - ANU LUGOD N. T. (BSI)

¹⁵ Cdcmpidag Bv anu lugodkolok pongkokdo dungge:la igurbincdc, odomvlo jen cdc sc:kobulum gogtu:nc lo:dv-longkvpc dungkunamdok pesunamdcm pa:ycpc, sinamko a:la:yam okodc lupo:nam lugodokki buluk imur-siyarkvdv:dokkcm rcpvttagji.

HIBRIUKVDVNG 9:15 ပူးပေါင်းရင်းမြစ်များ

ROMANKVDVNG 8:30

Odokkc cdc sc:kobulum bv po:pcbong ru:lvgtoji bv gogtosin; odokkc cdc sc:kobulum bulu gogtoji Bv ainc cmna kcbang ba:tosin, odokkc cdc sc:kobulum bv ainc cmna kcbang ba:toji bv amincmsin gvmoto.

ROMANKVDVNG 8:28

Ngolu kindag jc appv:lo Ru:ncpvncbv ainam lcgangc agercm gerdag sc:kobulu Bvm aipc mc:dagji, sc:kobulu Bvk mcngkamppc gogtagji.

HIBRIUKVDVNG 9:12

sc ru:nampvnam kvdv: sokkcmang,) Bv lo:dvlokkcpc Angunnc Dungkodo:pc gva:to, sobenlokkcmba: so:bo awolok i:ycm la:ma:pc cmpige:la Bvk avkc i:ycm langge:la, cdcmpc lo:dvlongkvlcgangc rclennapc ito.

HIBRIUKVDVNG 10:36

Kapcnc nolukkc mentumsunamcm mapcnammc, odomvlojen nolu Ru:ncpvnckc mcngkamdcm iycpc odokkc okodcm pesutoji pa:ycpc.

1 TIMOTI: 2:5

Kapcnc Ru:ncpvncbv ako dung, odokkc Ru:ncpvnckclang tani:kvdv:dok pongkokdo du:yancko ako dung,

HIBRIUKVDVNG 12:24

cdc anu lugoddok pongkokdok dunggurncdc, odokkc crkat i:dcm cdc Abelkc i:dcmpcyam aya:ya:pc ludag.

HIBRIUKVDVNG 7:22

Sidc Jisumc aiya:nc lugotdok jaminpc modag.

1 PITOR 3:18

Kapcnc Kristobv:sin pa:plcganc lckkongko sikang, cdc dormo kancdc dormokama:ncdok lcgangc, jen Bv ngolum Ru:ncpvnckolo:pc langangkupc cmna, adinpc mokelvgla cmpige:la yalodo turmotoku;

HIBRIUKVDVNG 13:20

Su:pak mcngannok Ru:ncpvncbv sc:kobv ngoluk Ru:tum Jisumc sikolokkcm la:sa:tokunc me:r sobennok bottcru:nc kanggabya:ncdc, lo:dv-longkvpc du:nc lugoddok i:dokki,

ROMANKVDVNG 5:6

Nolu cdvlo mc:lang-gvla:ma:la dungaji, odo ayirardo Kristobv ngolu aisi:ma:pc inamkvdv:dok lcga:pc sikang.

HIBRIUKVDVNG 9:28

cdcmv:pc Kristobv, bojcru:lok pa:p lcgangc lenycku, pa:pkokki imvn gvmvnsupc cmna ilamang cmpige:la cdc sc:kobulu kvnggv:pc mc:tinna toya:la du:nc cdcmbulum mopvtpc cmna.

HIBRIUKVDVNG 6:13

Kapcnc cdvlo Ru:ncpvncbv Abrahammc pesunamko pesubitonc, Bvkkc sc:kosin bottcya:nc kama:nammc sckkokki pesula:ycji, Bv av avdc pesuto, scmpc lula,

HIBRIUKVDVNG 3:1

Cdcmpidag, angunnc bvrrangkvdvnga, sc:kobulu taycng gognamcm tadmvndonc, Jisumc mc:toka, ngoluk lude:sunamlok ager gernamdc odokkc kumnam agerlok bottcnc.

HIBRIUKVDVNG 2:14

Cdcmpila:yam ommangkvdv:dc adinclang i:kokki, Bv avdc:sin cdcmv:pc cdcmv:pin inam gvnamcm gcmvnto, jc sinamkokki jen Bvm mokela:ycpc sc:kobv sinamlok ilang gvlang du:ji, cdcyam, aima:n ager gerncdc,

LUNGOR LUNAM 5:9

odokkc bulu scmpc lula: lula, anu ni:tomko moto: “No yednam potindcm bompc arc kannc odokkc odok tubjetnam kvdv:dcm mopenpc, Kapcnc nom palvgto odokkc nok i:dokki Ru:ncpvnckc lcgangc tani:kvdv:dcm mogvt momatnamlokkcm rcpvtnato appvng rcngamlokkc odokkc agom lunclokkc odokkc tani:kvdv:lokkc odokkc opvnnokkc.

HIBRIUKVDVNG 8:13

Anu lugod agomko ludodcm Bv lupongarnamdcm agerro aitomang cmna luto. Odokkc okodc aima:pc ika:ji odokkc akubomna gvka:ji yogpcbong cmna ila dung.

TITUS 3:7

cdcmpimilo jen ngolum Bvk aya:pc mc:namkokki aidag cmna luycnc odokkc lo:dv longkvpc turnamlok mc:tomla du:namdok du:ngkonsumvnncpc iycpc.

TITUS 1:2

lo:dv-longkvpc turnamdok mc:tindcm okodcm Ru:ncpvncbv,

2 TIMOTI 2:10

Cdcmpidag ngo appvngcm balenna la:namkvdv:dok lcgangc mentumsula du:do jen bulusin Kristo Jisukolo turnamcm pa:ycpc odok lo:dv-longkvpc du:nc amin gvnamdokki:.

JO:N 10:28

odokkc ngo bulum lo:dvscm turyarla turla du:nam turnamcm bido, odokkc bulu cdvlosin yogpakma:yc, odokkc sc:kosin bulum Abudok alagdokkcm sopakla:ma:yc.

METIU 19:29

Odokkc sc:ko sc:kobvi okumkvdv:dcm mctonc cdcmanggom bvrrangcm cdcmanggom bvrmangcm cdcmmangcm abbom cdcmanggom anncm cdcmanggom ommangcm cdcmanggom amongcm, ngok amin lcgang, cdcmyam lvngkokopc, pa:ycku odokkc lo:dvscm turra dungkunam turnamdcm pa:ycku.

1 JO:N 2:25

Odokkc cdcna okodcm Bv ngolum pesubitonc, lo:dvnscm du:tvnc turnamdc.

1 PITOR 5:10

Odokkc nolu adjio:ko ipusire:ycm pangge:la, appvng ayanglok Ru:ncpvncbv, sc:kobv nolum cdc Kristokc lo:dv longkvpc amin gvnamdo:pc gogtonc, Bv avdc mopvtyc, mogabyc, odokkc nolum kvnggv:moyc.

JAKOB 1:12

Ipusire:ycm menrasula du:nctani:dc akirba:d pa:nc, kapcnc cdvlo bv ankang kangkvnamdcm dagrasutonc bv turnamdok migom dumlupdcm sc:kobulu Bvm aipc mc:dagji okodcm Ru:ncpvncbv pesubitoji pa:yc.

HIBRIUKVDVNG 11:13

Cdc appv:dc mc:jvgloi singapkang, okodcm cdcm pa:ma:pc pesutoji, cmpige:la cdcm kangge:la odokkc mo:tc:lokkc kumrvgsuto, odokkc arro cmna togcsuge:la jc bulu lambclok kinma:nam gvpatnnckkc odokkc mo:pvsokkc gvpakla gvnnc.

2 TISSALONIANG 2:14

Su:pakpc Bv nolum tadponc lutaddokki gogto, odomvlo jen nolu ngoluk Ru:tum Jisu Kristokc amin gvnamdcm pa:ycpc.

ROMANKVDVNG 6:23

Kapila:nc pa:bcm ila ircpa:namdc sinamc, cmpige:la Ru:ncpvnckc cpv:pc binam amandc ngoluk Ru:tum Kristo Jisukolo turyarla turnamdc.

HIBRIUKVDVNG 9:16

Kapcnc okolo mc:namko mc:doji, cdcm sc:ko motoji odok sinamdc cngunma:ru:pa:yc.

2 KORINTIANGKVDVNG 3:6

sc:kobv ru:toji anu lugoddok migom ager gerncpc ngolum motoji, jvgnam lujvglurolo:mang cmpige:la Yalodo; kapila:nc adnam lujvglurodc mokedag, cmpige:la Yalodc turnamcm bidag.

ROMANKVDVNG 9:24

Jiwu kvdvngodokkcmmang cmpige:la Angu tani:kvdv:dokkcmsin?

ROMANKVDVNG 5:10

Kapila:nc cdvlo ngolu mirua:ji ngolu Ru:ncpvnckolo lckotokubong Bvk awodok sinamdokki, airu:pc bojcya:pc, ngolu jc lckotokubong, Bvk turnamdokki ngolum moturyc.

ROMANKVDVNG 5:8

Cmpige:la Ru:ncpvncbv ngoluk lcgangc ayangcm lcngkandag odo cdvlo ngolu papi:la dungaji Kristobv ngoluk lcgangc sibikang.

LU:KKC 18:18

Odokkc ya:me:opc migom donckonc Bvm tawuto, “Airu:nc Luyirna, turyarla turnamdcm pa:pc ngo o:ko ipcnammcn?”

MARKKC 10:17

Odokkc Bvk gvtc:lok gvbomnammc, tani:akonc duga:la Bvk kcra:do lcbvng tumangkang, odokkc Bvm tawuto, “Airu:nc Luyirna, turyarla turnamdcm pa:pc ngo okkardcm ipcru:nammcn?”

METIU 25:36

“Ngo akudali:la dungai odokkc nolu ngom molvgto, ngo mola:mangai odokkc nolu ngom gvka:la ka:to, ngo makana:lo dungai odokkc nolu ngokkolo:pc gvto.’

METIU 25:34

Odo cdc Migomdc alag lagbvgpc du:nckvdv:dcm luyc, ‘Kajc, ngok Abukc aipai pa:nckvdvnga, noluk lcga:pc mosv:la lc:nam migom mo:pvdcm dungkonsubomtoka tani:amo:scm mododokkcbong.

IPESIANG KVDVNG 1:7

Bvkkolo ngolukkc arc bila rcpvtnammc Bvk i:dokki dung, ngoluk imurgvmurkvdv:dok lcgangc mc:yinsunamc,

METIU 22:3

Odokkc bvk mida:do:pc gognam tani:kvdv:dcm gogdopc bvk ager gerya:nckvdv:dcm mclvgto; ckvdaggom bulu gvtomang.

LU:KKC 22:20

Ngom mc:pa:la cdcm ilangka” odokkc cdcmv:pc bati:dcm dodag lcdudo, scmpc lula, “Sc bati:scm noluk lcgangc pvlennammc cdc ngok i:kokki anu lugodc.

AGER KVDVNG 20:32

Odokkc Bvk ayang abonamdok agomdo:pc tolvgdung, okodc nolum mosa:pc mosa:ladagji odokkc nolum sc:kobulum narc:pc mopu:tonc buluk du:tcngcm du:bomdopc imola:dagji.

GALATIANG KVDVNG 3:20

Su:pak pongkokdok ager gerncdc akokoncm bojcyangko; cmpige:la Ru:ncpvncbv akkongko.

HIBRIUKVDVNG 6:15

Odokkc cdcmpila Abrahambv, mentumsula du:to, pesunamdcm pa:to.

HIBRIUKVDVNG 10:34

Kapcnc nolukkc makana:lo tumnam kvdv:dok lcgangc aya:sitapc mc:namc dungai, odokkc nolu mc:popc noluk kanam-sv:namkvdv:dok rotkutnam kvdv:dcm torvgsuto, kapcnc nolu kindagai jc nolu avkvdv:dokkc aiya:nc kanam-sv:namc dungai odokkc du:mvntvnc ako.