HIBRIUKVDVNG 6:9 - ANU LUGOD N. T. (BSI)

⁹ Ngolu cdcmpc ludaggom, cdcmpc idaggom noluk agomlo, aipc mc:bomsunam kvdvnga, ngolu turnam pa:namdok atvcm aiya:pc mc:dag.

HIBRIUKVDVNG 6:9 ပူးပေါင်းရင်းမြစ်များ

MARKKC 16:16

Sc:kobv mc:jvgycnc odokkc baptismongcm la:ycnc bv moturnam pa:yc; cmpige:la sc:ko mc:jvgma:ycnc, sika:langka cmna tolvgyc.

AGER KVDVNG 11:18

Cdvlo bulu cdcm tadtoji bulu aso:pc dungapkang odokkc bulu Ru:ncpvncmc amincm gvmoto, scmpc lula, “Cmpcmvlo Angu opvnkvdv:dcmsin Ru:ncpvncbv turnamcm pa:dokupc asin mc:dvrra mcngkutsunamcm bitu:bong.”

AGER KVDVNG 20:21

Jiwucmnang Girik kvdvng anyipaklo Ru:ncpvnc kolo:pc asinc mc:dvrra mc:latsukunammcm nang Ru:tum Jisu Kristokolo mc:jvgnammcm.

1 KORINTIANG KVDVNG 10:14

Cdcmpidag, ngok mc:bomsunam ajonkvdvnga, monam moimang kumnamdcm mcpaktoka.

2 KORINTIANGKVDVNG 12:19

Siddv longcko ngolukkc gvmurc kamang cmna yaddung cmnai mc:du:n? Cdc Ru:ncpvnckc kangkolo:jc ngolu Kristokolo agom ludung, odokkc nolum appvngcm aimopc cmna:mvn aipc mc:bomsunam kvdvnga.

2 KORINTIANGKVDVNG 7:1

Cdcmpc ngolukkc cdcmpc pesubinam kvdv:dc du:namc, aipc mc:bomsunamkvdvnga, kajc ngolu avyc avycm narcmosulai appvng narc:ma:nckvdv:dcm amvrrokkcmang yalolokkc, odokkc Ru:ncpvncmc pcsonamki angunnammcm ncrkvgpc angunnai.

2 KORINTIANGKVDVNG 7:10

Kapila:nc Ru:ncpvnckc mcngkampc asinc mc:dvrra mc:namdc mcngkutsula mcngkunamko mcnga:modag cdc mopvtnamlo:pc mcnga:bodag mc:dvrkupcnam okkosin kakumang, cmpige:la mo:pvsok asin mc:dvrra mc:namdc sinamcm mcnga:bodag.

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

HIBRIUKVDVNG 10:34

Kapcnc nolukkc makana:lo tumnam kvdv:dok lcgangc aya:sitapc mc:namc dungai, odokkc nolu mc:popc noluk kanam-sv:namkvdv:dok rotkutnam kvdv:dcm torvgsuto, kapcnc nolu kindagai jc nolu avkvdv:dokkc aiya:nc kanam-sv:namc dungai odokkc du:mvntvnc ako.

HIBRIUKVDVNG 10:39

Cmpige:la ngolu cdc ngedlatsukunc kvdv:dokkcmang odokkc momvgnam kvdv:dokkc, cmpige:la cdc sc:kobulukkc mc:jvgc du:ji odokkc buluk yalokvdv:dcm lc:do.

HIBRIUKVDVNG 2:3

kapc ngolu gagsila:ycn jodi ngolu cddvnc bottcnc moturdcm mc:yamc:samvlo? Cdcm lupo:danpc Ru:tumkokki lulenbito, odokkc cdcm ngolum arro cmna lubito cdc sc:kobulu Bvm tadtoji,

HIBRIUKVDVNG 5:9

odokkc pv:namkopc aimola Bv lo:dvlongkvpc moturnamlok lenkopc ikang Bvm sc:kobulu agom lukamcm tadlvngka:ji,

HIBRIUKVDVNG 6:10

Kapcnc Ru:ncpvncbv cdcmpinc aro kama:ncmang noluk agercmnang aipc mc:namdc okodcm nolu Bvk lcga:pc aipc kumnc tani:kvdv:dcm lcngkantoji, kapc nolu su:paksin idoji.

1 PITOR 2:11

Aipc mc:bomsunam kvdvnga, ngo nolum kumna:sola: ludung amikc amonglo du:nc odokkc yc:bomla lcngkunampc adin amvrdok mc:boka:bodcm mcma:pc du:dopc cdc noluk yalo kvdv:dok birudi:pc mimagcm modag.

2 PITOR 3:1

Sc su:pak lcdukc borkon do:jvgc nolukkolo:pc ngok adnamc, aipc mc:bomsunam kvdvnga, odokkc ngo noluk mc:jubmcngkabnc asindcmbulum mc:sa:lvgto odo anyido mc:pa:monam kokki;

1 JO:N 2:7

Aipc mc:bomsunamkvdvnga, ngo nolum anu lulvg agomko lumang, cmpige:la aku lulvg agomko okodcm nolu gagla dunganc lekelokkcbbong; leke lulvg lunamdc cdc okodcm nolu tattoji.

JU:D 1:3

Mc:bomsunam kvdvnga, ngoluk appvngc pa:nam mopvtdok agomcm kvnggv:pc nolukkolo:pc adlv:la ngo cdcm nolum lugotpc lula adpcnamdcm aidopc ka:to mc:jvgdok lcgangc gagtvla du:nam lcgangc okodcm lcko atcro:lo aipc kumnc tani:kvdv:dcm bitobo:ji.