HIBRIUKVDVNG 6:17 - ANU LUGOD N. T. (BSI)

¹⁷ Cdcmpidag cdvlo Ru:ncpvncbv mc:jvgya:dopc lcngkanpc mc:dagji pesunamdcm pa:nckvdv:dcm Bvk angumola:ma:nc soritdok mcngkamdcm,

HIBRIUKVDVNG 6:17 ပူးပေါင်းရင်းမြစ်များ

HIBRIUKVDVNG 6:18

Bv pesubinamkokki pongkokdo du:bito, odomvlojen angumola:ma:nam attarki, okodokki cdcm ila:mang jc Ru:ncpvncbv lume:yc cmna aropc lcngkanpa:mang, ngolu sc:kobulu dugrasula dungkodo:pc dugsitoji kvnggv:pc lusv:lvgnam mc:motonc ngoluk ka:pc lcngkanpc mc:tindcm motumdopc.

HIBRIUKVDVNG 11:9

Mc:jvgkokki pesubinam amo:do:pc gvto, amikc dungko amo:lo:pc gvkampc, tombu po:yublo Isahakokki du:bomla odokkc Jakob, cdc pesubinamvngdok dungkonsunam kvdv:dc.

JO:N 10:10

Dopsongkvdv:dc dopsongkapclang mokekapc odokkc mopen-moyenkapc gvdag; Ngo gvka bulujen turnamcm pa:ycpc cmna, odokkc cdcm pv:se-pv:yedopc pa:ycpc cmna.

1 PITOR 3:7

Cdcmv:pc nolu milbongkvdvnga, noluk nc:ng kvdv:dokki mcngcsagcla mc:jo:langka, nc:ngkvdv:dcm mcnggcla mc:la bulum rcmagncpc ru:namla:yam, kapc turnamsok aya:pc mc:namila:yam, cdcmpc ipc cmna jc noluk kumnamdcm motum morumma:dopc.

1 PITOR 1:3

Ngoluk Ru:tum Jisukc Abudc akirba:d pa:ncpc ika:langka! Bvkkc bottcru:nc aya:pc mc:namki ngolu anupc turkangku Jisu Kristokc sikolokkc lckoda turkunamdokki mc:tintvla du:tvnamdo:pc,

JAKOB 1:17

Appvng ainc aman binamkvdv:dc odokkc appvng aiyo:pc ainc bipaknam amanc tayc:tokkc, pva:lok Abukotokkc gvido sckkolo mcngumcnge:yc kamang cdcmanggom langkonsunam, lcgangc.

HIBRIUKVDVNG 6:16

Tani:yc aroru:pci bulum bottcya:nc aminki pesudo, odokkc buluk appvng lukur-lure:ycm pesunamkokki arro cmna lunamki lutcrdo.

HIBRIUKVDVNG 6:12

odomvlo jen nolu aso-aso:ma:ycpc, cmpige:la mc:jvgla odokkc mentumsunamki pesunamdcm pa:nckvdv:dcm ka:yi:sula imvnncpc incpc itoka.

GALATIANG KVDVNG 3:29

Odokkc nolu jodi Kristokcmvlo, cmpcmvlo nolu Abrahamkolokkc lennc ommangc, pesunamdcmpc attar pa:pcnckvdv:dc.

ROMANKVDVNG 11:29

Kapila:nc amandc:lang odokkc Ru:ncpvnckc gognamdc angu angumang.

HIBRIUKVDVNG 11:7

Mc:jvgkokki Noabv, Ru:ncpvncbv luno:la ansudopc lula a:pcnc agom kvdv:dokkc okodcmbulum ka:begmangaji, aropc ansuto odokkc ollungcm pato bvk cra:dcm turbonapc cmna; odokki Bv rcngamscm aisi:mang cmna kcbang ba:to odokkc dormo kanamlok dungkonsunckopc ikang okodc mc:jvgkokki ika:ji.

ROMANKVDVNG 8:17

odokkc ommangcmvlo, odomvlo lcdupc pa:pcdopcnc, Ru:ncpvnckc lcdupc pa:pcdopcnc odokkc Kristokki ajonpc pa:pc dopcnc, Bvk lcdulo:dan ipusire:ycm pa:mvnpa:yc cdcmpc ipcnanammc jc ngolusin Bvk lcdulo amin gvmvndopc.

JAKOB 2:5

Tattoka, ngok aipc mc:nam bvrrangkvdv:nga. Ru:ncpvncbv cdc sc:kobulu opandagnc Balenna mc:jvglo mircmdopc la:ma:lang odokkc migom doko amo:dok du:sonsuncpc sc:kobulu Bvm aipc mc:dagji okodcm cdcmbulum pesubitoji?

IPESIANG KVDVNG 1:11

Bvkkolo Bvk asin mc:namdok mcngkamdcmpc sc:kobv appvng agercm gerpvtdagnc Bvk luyirnamdok mcngkamdcmpc,