8 Bv Awoka:gom, Bv agom lukam tadnamcm tadkaisuto okodcm Bv odokki du:gpa:toji;
Odokkc tani:ycmpc idopc pa:la:yam Bv avdc asinc ansv:sukang odokkc sidodo:pc agom lukamdcmpc tadkang, cddo:mang Kurus tayc:do sigcdodo:pci.
Jisubv bulum luto, “Ngok apindc Bvk mcngkampc ager gernamdc sc:kobv ngom mclvgtagji, odokkc Bvk agerdcm ingapdopc.
Nolu ngok lulvgnam agomkvdv:dcm mcnggabla tadmvlo, nolu ngok aipc mc:namdo du:tvyc, ngok Abukc lulvgnam agomkvdv:dcm mcnggabla tadkamardcmpc odokkc Bvk aipc mc:namdo du:do.
Kapila:nc ngo taycng amo:tokkc gvidung, ngok avkc mcngkamdcmpc gerkapcmang, cmpige:la sc:kobv ngom mclvgtagnc Bvk mcngkamcm gerkapc;
cmpige:la Kristobv awo akoncmpc Ru:ncpvnckc okumdo mc:jvgjvrvgdagai. Odokkc ngolu Bvk okumc ngolu jodi mc:tinsutvla du:mvlo odokkc ngoluk mc:tinno bottcpc mc:sutvmvlo.
Cmpige:la Awodok agomcm bv ludag, “Nok migom dungkodc, O Ru:ncpvnc, lo:dv longkcm du:yc! Dormo kanc migom ilang–gvla:namdc nok migom doko mo:pvdok ilanggvla:nammc.
Kapcnc taycng lutad lunckvdv:dc lekelokkcbong Ru:ncpvncbv sc:kom okkomna lukanc, “No ngok Aowo, Silo ngo nom otobong?” Cdcmanggom lckoda, “Ngo Bvkkcpc abukcpc badyc, odokkc Bv ngokkcpc awokopc iyc?”
Ckvdaggom Jisubv bvm lubito, “Scmpc su:pak imopo:tok; kapila:nc cdcmpc appvng dormo agercm ipvtgvpvtpcnamc.” Odo bv cdcmpc imoto.
cmpige:la sc du:tcr longckvdv:so Bv ngolum Awo akokokki luto, sc:kom Bv appvng attarlo pangkonsuncpc tolvgtoji, sckkokki Bv Mo:pvscm ru:toji.
Sc:kobvsin cdcm ngokkolokkcm la:mang, ckvdaggom ngo cdcm ngok mcngkampc tolvgdo. Ngokkc cdcm lc:nanc lc:lang-gvlangc dung, odokkc ngokkc cdcm langkunannc la:lang-gvlangc dung; cdc lulvgdcm ngok Abukolokkcm ngo pa:to.”