HIBRIUKVDVNG 4:12 - ANU LUGOD N. T. (BSI)

¹² Kapcnc Ru:ncpvnckc agomdc turra du:nc odokkc ager gerla du:nc, kekon-kesagdok radnc matsvgcmsin radya:nc, yalodoklang atma:dok du:pansukodo:pc tu:setsukodo:pc odokkc ammobo:pc gva:nc, odokkc asinlok mc:namkvdvngclang odokkc mcngkam kvdvngcm kinabla.

HIBRIUKVDVNG 4:12 ပူးပေါင်းရင်းမြစ်များ

IPESIANG KVDVNG 6:17

Odokkc moturnamdok tornc dumlupdcm gctoka, odokkc Yalodok yogsadcm, okodcm Ru:ncpvnckc agomdc:ji.

1 PITOR 1:23

Nolum anupc otungkubong, yogpakpcnc ammolokkcmang cmpige:la yogpakma:nc-kokki,

LUNGOR LUNAM 1:16

Bvk lagbvg alagdo Bv takar kvnvdkok gagla dung, Bvk nappa:dokkc kekonkesagpc radnc madsvgko sadlento, odokkc Bvk nappa:dc kvnggv:pc ka:te:nc do:nycmpc idag.

1 TISSALONIANG 2:13

Odokkc ngolusin Ru:ncpvncmc aipai bidung odok lcgangc mcma:ru:pc, jc cdvlo nolu Ru:ncpvnckc agomdcm torvgsutoji okodcm nolu ngolukkolokkcm tattoji, nolu cdcm tani:lok agomcmpc, torvgsutomang cmpige:la cdc okka:ji cdcmpc, Ru:ncpvnckc agomc, okodc noluk ara:do mc:jvgnckvdv:dcm ager gerra du:ji.

ROMANKVDVNG 1:16

Kapcnc ngo tadponc lutaddcm lubipc anyi:mang: cdc Ru:ncpnckc ilang-gvlang turnam lcganc sckkc mc:jvgc du:ji appv:lo, Jiwu kvdv:do:pc lupo:danna odokkc Girik kvdv:do:pcsin.

LUNGOR LUNAM 19:15

Bvk nappa:dokkc kvnggv:pc radnc madsvgko lendag okodokki opvnkvdv:dcm papagamycji, odokkc bv bulum yogvr danggi: asongkokki ka:sv:la migom doyc; bv apo:mokodcm dungkinma:pc aglv:la sa:penyc cdc Appvngcm bottcya:nc Ru:ncpvnckc aglv:dokki.

IPESIANG KVDVNG 5:13

cmpige:la cdvloi atvko pva:dokki lcngkandagnc cdcm ka:begla:dag kapcnc atv ka:begla:namdc pvangc.

LU:KKC 8:11

“Su:pak cdc kvkanbila kvnam do:yv:dc sc:na: amni:dc Ru:ncpvnckc agomdc,

JO:N 6:51

Ngo:na turnc donamdc okodc taycng amo:tokkc gvidu:ji; sc:koiyc akonc sc donamscm domvlo, bv lo:dvscm turyc: odokkc mo:pvsok lcgangc turnam bipcnam donamdc ngok adinc.”

LUNGOR LUNAM 19:21

Odokkc cdc akedc Bvk madsvgdokki sc:kobv gure:do teddagaji papakto, cdc bvk nappa:dokkc lennc madsvgdokki; odokkc appvng pcttang kvdv:dc buluk adinkvdv:dokki aki:yc bingkang.

LUNGOR LUNAM 2:16

Cdcmpc ima:mvlo, ngo nokkolo:pc mcna:pc gvyc odokkc buluk birudi:pc ngok nappa:sok matsvgkokki mimagcm moyc.

HIBRIUKVDVNG 13:7

Noluk gvgurla gvgcbonc kvdv:dcm mc:pa:langka, cdc sc:kobulu nolum Ru:ncpvnckc agomcm lubitoji; Buluk turnamkvdv:dokki kapc ikaji cdcm ka:langka, odokkc buluk mc:jvgkvdv:dcm mc:jvgkaimvnsulang.

AGER KVDVNG 4:31

Odokkc cdvlo bulu kumtoji, bulu oko mo:tagdo gvkumsukaji yonkukkang; odokkc bulu Angunnc Yalodokki bingkang odokkc Ru:ncpvnckc agomdcm asinang pvtala luto.

AGER KVDVNG 2:37

Cdcmpinamc bulu cdcm tadge:la buluk asinkvdv:dcm nvgjonamto, odokkc Pitormclang agom tadla gvmvnnc akekvdv:dcm luto, “Bvrokvdvnga, ngolu kapc iycn?”

LUNGOR LUNAM 2:23

Odokkc mondoli: appvngkvdv:dc kinyc jc ngo Bv sc:kobv mc:namclang asinangcm mago:dagji, odokkc ngo noluk appvngcm ako akko:pc noluk ager gernamdcmpc pa:pcnamdcmpc biyc.

LUNGOR LUNAM 20:4

Odokkc ngo migom dungkokvdvngcm ka:to, odokkc odokbuluk tayc:do tednc kvdv:dc cdcbulu sc:kobulum kcbangcm ba:dopc tolvgtoji. Ngo cdc yalokvdv:dcmsin ka:to sc:kobulu Jisumc buluk lukanbinam kvdv:dok lcgang mittukkvdv:dcm papvrtoji odokkc Ru:ncpvnckc gomug lcgangc, odokkc sc:kobulu simvndcm kumtoji cdcmanggom odok monam moima:dcm odokkc odok mogoddcm bulu tuptakvdv:do cdcmanggom buluk alakkv:dv:do torvgsutoma:ji. Bulu turkangku, odokkc Kristokc lcdulo lv:ying dv:takkopc migomdomvnto.

1 TISSALONIANG 5:23

Mcngannclok Ru:ncpvncbv avdc nolum appvngcm lckko:pc narc:moteika; odokkc noluk yalodc odokkc atma:dc odokkc amvrdcm lujckko kama:dopc anpola du:dopc Ru:tum Jisu Kristokc gvdokudo:pc lcngkanlangka.

2 KORINTIANGKVDVNG 4:2

Ngolu anyv:pcnam, lc:sila gernam lambckvdv:dcm mcpagamtobong; ngolu Ru:ncpvnkc agomlo aima:n agercm cdcmanggom lutcmlubangcm luge:ma:bong cmto cmpige:la aropc lunam mo:rong agomdokki ngolu av avyc appvng tani:lok mc:nam sagnamcm aidag cmna Ru:ncpvnckc kangkolo luyc.

JAKOB 1:18

Bvk avkc mc:suki bv ngolum aro agomdokki langa:toku jc ngolu e:pongarnc a:yckvdv:dok akoncmpc Bvk ru:pongarnam kvdv:dokkc.

2 KORINTIANGKVDVNG 2:17

Kapila:nc ngolu, bojcrungkcmpc, Ru:ncpvnckc agomcm tvryot tvrmatmoncpc imang; cmpige:la mc:jupmcngkappcnc tani:ycmpc innc, Ru:ncpvnckc togc:lvgnamcmpc innc, Ru:ncpvnckc kangkolo ngolu Kristokokki agom ludo.

1 KORINTIANG KVDVNG 1:24

ckvdaggom sc:kobulum gogtagnc, Jiwuclang Girik anyipagcm, Kristobv Ru:ncpvnckc ilang gvlangc odokkc Ru:ncpvnckc kinnampa:namc.

AGER KVDVNG 5:33

Bulu cdcm tadge:la bulu aglvngc dorsangkang odokkc bulum mokelvngkang.

JO:N 12:48

Sc:kobv ngom lupakycnc odokkc ngok agom lunamkvdv:dcm torvgsuma:ycnc kcbang ba:namko du:do; ngok lunam agomkvdv:dc:na du:tcr longcdo bvk kcba:pc iycku.

AGER KVDVNG 7:38

Cdcna bv:a:nc sc:kobv yumra:do tani: kcrc:do dungaji taycng among lutad lunckvdv:dokki sc:kobv Sinai Adi:do agom lubitoji, odokkc ngoluk abukvdv:dokki, odokkc bv turnc agomcm ngolum bipc cmna torvgsuka.

IPESIANG KVDVNG 5:26

Jc bv bvm narc: pc:sc:mola:ycpc cmna, bvm agom asidokki vrpu:la:yam.

HIBRIUKVDVNG 6:5

odokkc Ru:ncpvnckc agomdok ainamdcm pangkvtobo:ji odokkc a:pcnc dv:tag ayirkvdv:dok ilang–gvlangkvdv:dcm, jodi bulu angu dormom iyc odokkc,