2 Bv mc:jvg jvrvgnckkai Bvm sc:kobv agercm bikaji, kappar Mose:bv:sin Ru:ncpvnckc okum ara:do mc:jvgdagaji.
jodi ngo lcdupc gvyc, nolu kinpa:yc jc kapc Ru:ncpvnckc okumcra:dcm ka:sv:mosv:pcnamcji, okodc turnc Ru:ncpvnckc mondoli:ycji, arolok du:rasunc gai kunta odokkc gcrinamdc.
sckkolo nolumsin Ru:ncpvnckc dungko okumpc Yalodokki motagji.
Cdcmpidag Bvm Bvk bvrrangcmpc appvng agerlo ru:to, odomvlo jen Bv aya:ngaboncpc iycpc odokkc mc:jvg jvrvgnc kumnam ager gernclok bottcncpc iycpc Ru:ncpvnckc ager gernamlo, tani:kvdv:dok pa:pkvdv:dok lcgangc ipu:sunam lcgangc.
Ngo nom mo:pvso amincm gvmotobong, agerdcm gerpvtla no okodcm ngom gerpvttoka cmna lutungaji;
Ngo Bvm aipai bido sc:kobv ngom sc tornamscm bitu:ji odok lcgangc, kapila:nc Bv ngom mc:jvg-jvrvgncko cmna kcbangba:to Bvk agerlo ngom gerdopc togc:lvgla,
Nolu ngok lulvgnam agomkvdv:dcm mcnggabla tadmvlo, nolu ngok aipc mc:namdo du:tvyc, ngok Abukc lulvgnam agomkvdv:dcm mcnggabla tadkamardcmpc odokkc Bvk aipc mc:namdo du:do.
Odokkc sc:kobv ngom mclvgtagji ngok lcdulo dung; Bv ngom atcrc mcpakmang, kapila:nc ngo lo:dvscm Bv okodcm mc:podagji ido.”
Sc:kobv avkc lulang-gvlangkokki luycnc avkc amin gvnamcm masudag; cmpige:la sc:kobv Bvm mclvgncdok amin gvnamcm maycji bv arro, odokkc bvkkolo lume: lunamc kamang.