HIBRIUKVDVNG 3:12 - ANU LUGOD N. T. (BSI)

¹² Ka:sv:mosv:toka, bvrrang kvdvnga, ckvdma:mvlo nolukkolok akonc jodi aima:nc ager gerckvdv:dokkcpc iyc, mc:jvgma:nc asinpc ila, turnc Ru:ncpv:ncdokkcpc gerdopc gvboycpc.

HIBRIUKVDVNG 3:12 ပူးပေါင်းရင်းမြစ်များ

METIU 16:16

Simon Pitorbv luto, “No:na Kristodc, turra du:nc Ru:ncpvnckc Awodc.”

METIU 24:4

Odokkc Jisubv bulum lubito “Ansu-ka:sutoka nolum sc:kosin yadyodbomma:dopc.

MARKKC 13:23

Ckvdaggom ansuka:sulangka; ngo nolum appvngcm luno:la lubitu:bong.

MARKKC 13:33

Ansutoka, darra du:lang; kapila:nc cdvlo ayirdc pvnga:ycsong nolu kinmang.

MARKKC 13:9

“Cmpige:la nolu avkvdv:dc ansulangka; kapila:nc bulu nolum kcba:lo tolvgyc; odokkc nolum kumko okumkvdv:do dcmyc; odokkc nolu amo: ru:tumnoklang migomkvdv:dok kcra:lo dakkansuyc ngok lcgangc, buluk kcra:lo lukansubidopc.

LU:KKC 21:8

Odo Bv luto, “Nolumjen gvyodla gvbopckc ansutoka; kapila:nc bojcrungc ngok aminno scmpc lula: lula gvyc, ‘Ngo Bv!’ Odokkc ‘Ayirdc aninpc pvnga:dandu:bong!’ Buluk lcdulo gvyoka.

ROMANKVDVNG 11:21

Kapila:nc Ru:ncpvncbv jodi aiyo:pc rc:lennc rcngke:kvdv:dcm cpv:pc mc:tomang, nolumsin cpv:pc mc:ma:yc.

1 KORINTIANG KVDVNG 10:12

Cdcmpidag sc:kobv dagla dung cmna mc:sudagji ansumotoka ckvma:mvlo bv kcdtabyc.

KOLOSIANG 2:8

Cdcm ka:tok jc nolum sc:kosin asin kangkurla kinnam agom odokkc cpv:pc yadnamlok ki:rugpc rugkosuyoka, tani:kvdv:dok lutcng gvtcngkvdv:dcmpc, mo:pvsok ncrkvg yalokvdv: dokkcmpc, odokkc Kristokcdcmpc ima:pc.

1 TISSALONIANG 1:9

Kapila:nc bulu av avkvdv:dc ngoluk agomcm lutadto kapinc torvgsunamc ngolu nolukkolo pa:toji, odokkc kapc nolu Ru:ncpvnckolo:pc gvlattokuji moimang monamkvdv:dokkc.

HIBRIUKVDVNG 10:31

Turra du:nc Ru:ncpvnckc alagdo owa:namdc pcsopcnamc.

HIBRIUKVDVNG 10:38

cdcmpidag ngok dormo kancdc mc:jvgkokki turyc, odokkc jodi bv lamkupc ngedtedyc, ngok yalosc bvkkolo mc:poma:yc.”

HIBRIUKVDVNG 12:15

Ka:toka cdcm jc sc:kobv:sin Ru:ncpvnckc aya:pc mc:namdcm pa:ma:pc ipc lagimang; jc oko “Konc appvrcsin” pvrsa:pc odokkc ipu sire:lok lcga:pc imopc lagimang, odokkc odokki bojcrungc napvnarc:ma:pc idag;

HIBRIUKVDVNG 12:22

Cmpige:la nolu Jion Adi:do:pc gva:to odokkc turnc Ru:ncpvnckc nogordo:pc, taycng dungkodo du:nc nogordo:pc, taycng dungkodo du:nc Jerusalempc, odokkc kvngapla:ma:nam taycng among lutad lunckvdv:dcm mc:popc dcngkonsunamc,

HIBRIUKVDVNG 12:25

Ka:toka jc nolu bvm lupaksuma:pc sc:kobv lula du:ji. Kapcnc jodi bulu cdvlo Bvm lupaksutoji mo:pvso sc:kobv bulum lurvdla lutadtoji bulu basila:mang, aipc adji:ya:pc basila:yc jodi ngolu Bvm lupakyc sc:kobv taycngtokkc lurvdla, lutadycji.

HIBRIUKVDVNG 3:1

Cdcmpidag, angunnc bvrrangkvdvnga, sc:kobulu taycng gognamcm tadmvndonc, Jisumc mc:toka, ngoluk lude:sunamlok ager gernamdc odokkc kumnam agerlok bottcnc.

HIBRIUKVDVNG 3:10

Cdcmpidag ngom cdc opvndokki aglvngcm sa:moto, odokkc luto, ‘Bulu lo:dcm asin kvdv:dokki mc:yotla mc:dag; bulu ngok lambc kvdv:dcm kintomang.’

HIBRIUKVDVNG 3:19

Cdcmpidag ngolu ka:dag jc bulu gva:la:mangai jc buluk mc:jvgma:nam lcgangki.

HIBRIUKVDVNG 9:14

Kristokc i:dc cddvko abaya:pc, sc:kobv lo:dv-longkvpc du:nc Yalodc avdc atvko lumurko kama:pc Ru:ncpvnckolo:pc bisutonc, noluk mc:namsagnamcm narc:moycnc sinam agerkvdv:dokkcm turra du:nc Ru:ncpvncmc agerki kumpc.