HIBRIUKVDVNG 2:14 - ANU LUGOD N. T. (BSI)

¹⁴ Cdcmpila:yam ommangkvdv:dc adinclang i:kokki, Bv avdc:sin cdcmv:pc cdcmv:pin inam gvnamcm gcmvnto, jc sinamkokki jen Bvm mokela:ycpc sc:kobv sinamlok ilang gvlang du:ji, cdcyam, aima:n ager gerncdc,

HIBRIUKVDVNG 2:14 ပူးပေါင်းရင်းမြစ်များ

2 TIMOTI 1:10

odokkc su:pak ngoluk Moturnc Kristo Jisukc lennamdokkc lcngkantag, sc:kobv sinamcm la:paktonc odokkc turnamclang lo:dv longkvpc dornc mcrupc tadponc lutaddokki.

ROMANKVDVNG 8:3

Kapila:nc Ru:ncpvncbv okodcm lujvglurodc, adin amvrdokki ilang gvlangma:mola gerla:toma:ji gerto: Bvk avkc Awodcm mclvgla pa:b inc adinamvrcmpc gcsumola odokkc pa:b lcga:pc, bv adin amvrdo pa:bcm aima:la mokepcnamc cmna luto,

KOLOSIANG 2:15

Bv migomdoko among odokkc ilanggvlangkvdv:dcm mimagmonanc kvdv:dcm la:pagamto odokkc appvngc ka:pa: kanggotpc bulum ito, Bvkkolo bulum moppamge:la.

JO:N 1:14

Odokkc Gomugdc adinpc ikang odokkc ngoluk ara:lo du:mvnto, ayang abbola: arro pv:namkopc, ngolu Bvk amin gvnamcm ka:to, Abukotokkc Awo atcrdc cmna ka:to.

HIBRIUKVDVNG 9:15

Cdcmpidag Bv anu lugodkolok pongkokdo dungge:la igurbincdc, odomvlo jen cdc sc:kobulum gogtu:nc lo:dv-longkvpc dungkunamdok pesunamdcm pa:ycpc, sinamko a:la:yam okodc lupo:nam lugodokki buluk imur-siyarkvdv:dokkcm rcpvttagji.

1 KORINTIANG KVDVNG 15:50

Ngo scm nolum lubidung, bvrrangkvdvnga: adinclang i:yc Ru:ncpvnckc migomdokodcm pa:mvnmang, cdcmpcmanggom yogpagpcncdc yogpakpcma:ncdcmpc pa:tcng itc:mvnmang.

LUNGOR LUNAM 1:18

Nngo sito, odokkc ka:toka ngo lo:dv longkvpc turra dung, odokkc ngokkc Turnamdokkc odokkc Sinam kekonbok sabi:kvdv:dc dung. 1

ROMANKVDVNG 14:9

Kapila:nc odok lcgangci Kristobv sikang odokkc lckoda turkangku, odomvlojen Bv sinc kvdv:doklang turnckvdvng anyipaklok Ru:tumpc ila:dopc cmna.

HIBRIUKVDVNG 2:18

Kapcnc Bv avdc:sinci du:gcm gvto odokkc mc:boka:bo ankangkvla ka:to, Bv idumgvdumsula:dag cdc sc:kobulum ankang ka:namcji.

LUNGOR LUNAM 2:10

No oko ipusire:dcm adjio:komvlo pa:ycji pcsoyok. Ka:toka, uidc noluk akkem makana:lo lvgpc cmna idung, jc nolum anka:la ka:dopc cmna, odokkc lo:yvng longckopc nolu irvsinyom pa:ycpc. Sidodo:pc mc:jvg jvrvgla du:toka, odokkc ngo nolum turnamsok dumlubcm biyc.

HIBRIUKVDVNG 4:15

Kapcnc ngolukkc dormo ager gerncko kamang sc:kobv ngoluk ilang-gvlang aya:sitapc mc:ma:pc ima:yc, cmpige:la sc:kobv appvng agerlo anka:la kangkvcm pa:tonc kapcji ngolu, ckvdaggom pa:b ima:pc.

GALATIANG KVDVNG 4:4

Cmpige:la cdvlo ayirdc pvngangka:nc, Ru:ncpvncbv Bvk Awodcm mclvgto, nc:ngc onamdcm, lujvglurodokkcm onamdc,

JO:N 12:24

Aroru:pc, aroru:pc, ngo nolum lubidung, geu a:m apirkonc amo:bo kcdledla sa:ma:sisscm, cdc apirongkopc ila du:dag; cmpige:la cdc simvlo, cdc bojcrungko a:yc e:dag.

LUNGOR LUNAM 20:2

Odokkc bv alap kanc tabvdcm ycnggabto, cdc leketo:dvkc tabvdcm, okodc Uidc:ji odokkc Satandc, odokkc bvm lv:ying dv:takkopc ycnggabla lc:to, odokkc bvm jiko:do cryi:lvgto,

LUNGOR LUNAM 12:9

Odokkc cdc bottcru:nc alapkanc tabvdcm crpakletto, cdc leke:to:dvkc tabvdcm, okodcm Uiyc odokkc Satanc cmna ludagaji, mo:pv appv:sok yadgo:ncdc bvm mo:pvso:pc crpakletto, odokkc bvk taycng lutadkvdv:dcm bvk lcdulo crredtc:mvnto.

1 TIMOTI: 3:16

Bottcru:pc aropakpc, ngolu lude:sudo, mcngapla:ma:nam ngoluk dormodc: Bv adin-amvrpc lcngkansuka, Yalolo imurcm la:pakka, taycng lutad lunckvdv:dc ka:to. Opvnkvdv:dok ara:la lutadcm lugo:to, mo:pvso mc:jvgto, tayc:pc amin gvla la:sa:toku.

METIU 25:41

“Odokkc Bvk lakkekc du:nckvdv:dcm Bv luyc, ‘Gc:ramkang ngokkolokkc, nolu pelvgnamkvdvnga, uidcm odokkc bvk lutad lunckvdv:dok lcga:pc romla lc:nam cdvlosin midma:nc vmvdo:pc;

METIU 16:17

Odokkc Jisubv bvm luto, “No aipai pa:nc, Simon Bar-Jonanga! Kapila:nc i:adinki cdcm nom lukanbimang, cmpige:la taycngamo:tok ngok Abubvc: lumoto.

1 KORINTIANG KVDVNG 1:28

Ru:ncpvncbv okodcm adji:pc ka:dagji odokkc yoppaktagji cdcm rcngamsokkcm torvgsuto, cdcm mcge:la atvma:nc attar kvdv:dcmsinci,

HIBRIUKVDVNG 2:17

Cdcmpidag Bvm Bvk bvrrangcmpc appvng agerlo ru:to, odomvlo jen Bv aya:ngaboncpc iycpc odokkc mc:jvg jvrvgnc kumnam ager gernclok bottcncpc iycpc Ru:ncpvnckc ager gernamlo, tani:kvdv:dok pa:pkvdv:dok lcgangc ipu:sunam lcgangc.

HIBRIUKVDVNG 10:5

Odokkokki, cdvlo Kristobv mo:pvso:pc gvtonc, bv luto: “Palvgnam kvdv:dc odokkc binamkvdv:dcm no matomang, cmpige:la no ngok lcgangc amvrko ru:to;

HIBRIUKVDVNG 10:10

Odokkc odo mcngkamdokki ngolum narcdopc mopu:to Jisu Kristokc amvrdcm tolvgla bila lckkattcrcm lo:dvlongkv lcgangc.

1 PITOR 1:20

Sc:kobv mo:pvscm mosa:ma:dapc ru:pvlvgtonc cmpigge:la noluk lcgangc ayir du:tcrdo lenmotonc.