HIBRIUKVDVNG 2:10 - ANU LUGOD N. T. (BSI)

¹⁰ Kapcnc cdc aidagai jc Bv, sck lcngangc odokkc sckkokki appvng attarc du:pcnammcji, bojcrung aowom amin gvmopc, buluk motur pa:namdok igc-gvgcpo:ncpc ipcnammc ipusire: pa:namkokki pv:namkopc pv:dopc.

HIBRIUKVDVNG 2:10 ပူးပေါင်းရင်းမြစ်များ

ROMANKVDVNG 11:36

Kapila:nc Bvkkolokkc odokkc Bvkkokki odokkc Bvkkolo:pc appvng attarkvdv:dc. Lo:dvscm Bvkkolo:pc amin gvnamdc dungka:langka! Amen.

HIBRIUKVDVNG 12:2

Jisukolo:pc ka:la ka:la, sc:kobv Bvk kcra:pc lc:nam mc:podok lcga:pc kurusdcm mentumsula mc:tapsuto, any:dcm mcge:la, odokkc Ru:ncpvnckc migom tedkodo lagbvgpc tedkang.

HIBRIUKVDVNG 6:20

okolop Jisubv dugpo:la dugnckopc, lo:dvlongkkvpc du:nc dormo ager gernclok bottcncpc Melkijedekkc ikam-gvkamdok lcdudokkc ngoluk lcga:pc gvka:ji.

AGER KVDVNG 5:31

Ru:ncpvncbv Bvm Bvk lagbvg alak pa:rdo Gvgcboncpc du:motoku odokkc Moturncpc, Israel kvdv:dcm asincm mc:dvrra mc:latsumokupc cmna.

LU:KKC 24:46

odokkc bulum luto, “cdcmpila scmpc attak, jc Kristodc ipusire:ycm pa:pa:do odokkc lowum longcdo sikolokkc darobkupcnammc,

LU:KKC 24:26

Kristobv cdc ipusire: kvdv:dcm pa:pcnam mangalang odokkc Bvk ungjvgkolo dungkupcnamai?”

1 PITOR 5:10

Odokkc nolu adjio:ko ipusire:ycm pangge:la, appvng ayanglok Ru:ncpvncbv, sc:kobv nolum cdc Kristokc lo:dv longkvpc amin gvnamdo:pc gogtonc, Bv avdc mopvtyc, mogabyc, odokkc nolum kvnggv:moyc.

1 KORINTIANG KVDVNG 8:6

Ckvdaggom ngolukkcpc Ru:ncpvnc akkongko dung, Abudc, okolokkc appvng attarcm ru:lentoji odokkc okolokkc ngolu du:doji, odokkc Ru:tumako, Jisu Kristobv, sckkokki appvng attarkvdv:dc odokkc sckkokki ngolu du:du:ji.

HIBRIUKVDVNG 7:28

Aroru:pc, lujvglurodc tani:kvdv:dok ilang gvlangma:namlo dormo ager gernclok bottcncpc bidag, cmpige:la pesunamdc, okodc lujvglurodok lcdupc lenka:ji, Awoko tolvgto sc:kom lo:dv longkvpc du:yarra du:dopc germotoji.

IPESIANG KVDVNG 3:10

Jc mondoli:dokki Ru:ncpvnckc bojcrungkopc inc kinnamdcm jen su:pak kinmoycpc migom doko mo:pvkvdv:do odokkc ilang-gvlang kvdv:do taycng dungkokvdv:do.

LUNGOR LUNAM 4:11

“No arckancrungko, ngoluk Ru:tuma odokkc Ru:ncpvnc, amin gvnamclang mcnggcnammc, kapcnc no appvng attarcm ru:to, odokkc nok mcngkamki bulu du:dag odokkc ru:tungai.”

2 TIMOTI 2:10

Cdcmpidag ngo appvngcm balenna la:namkvdv:dok lcgangc mentumsula du:do jen bulusin Kristo Jisukolo turnamcm pa:ycpc odok lo:dv-longkvpc du:nc amin gvnamdokki:.

KOLOSIANG 3:4

Cdvlo Kristobv sc:ko ngoluk turnamc lcngkansuycji, odo nolusin amin gvla Bvk lcdulo lcnyckupc.

GALATIANG KVDVNG 3:26

Kapila:nc Kristo Jisukolo nolu mc:jvgkokki Ru:ncpvnckc awokvdvngc.

2 KORINTIANGKVDVNG 3:18

Odokkc ngolu appvngc, ungkomma:nam nappangkokki, Ru:tumkc amin gvnamdcm ka:la du:nckvdvngc kapc lcko dungaji odokkc cdc amingvnamdokkc akono:pc Ru:tumkcpc imvnla dung; kapila:nc cdc Ru:tumkolokkc pa:do sc:kobv Yalloa:ji.

ROMANKVDVNG 9:23

Bvk amin gvnamdok mircmdcm lcngkanpc ayangabodok lcgangdcm, okodcm bv po:pcbong amingvnam lcgangc mosv:toji, ngolumci sc:kom Bv gogtoji,

AGER KVDVNG 3:15

odokkc turnamsok gagbomncdcmc: moketo, sc:kom Ru:ncpvncbv sikolokkcm turmotokuji. Ngolu odok lukanbinckvdvngc.

LUNGOR LUNAM 7:9

Odok lcdupc ngo ka:to, odokkc ka:toka, bottcru:pc yadkumsunc tani:kcrcngko okodcm oko tani:ycsin kvla:ma:nc, appvng rcngamlokkc, appvng opvnlokkc odokkc tani:lokkc odokkc agom lunclokkc, migom tedko kcra:do dagla du:dopc odokkc Me:r Awodok kcra:do, kamponc rvbbcm yedlvgnammc,

1 PITOR 5:1

Cdcmpila ngo noluk ara:dok abv:nc kvdv:dcm abv:nckoncmpc lusvngcm ludo, odokkc Kristokc ipusire:ycm pa:mvnnamdok lukanbincpc ila cdc amin gvkupcnc lendoku longcdok pa:tc:mvnncpcsin ila.

1 PITOR 1:12

Cdc bulukkcpc lcngkansukang jc bulu av avkc lcgangc agercm gersumangai cmpige:la noluk lcgangcmvn, cdcmpinc agerkvdv:do okodcm nolum su:pak lu tadla lubitagbo:ji cdc sc:kobulu tadpon lutaddcm lubitoji nolum Angunnc Yalodokki tayc:tokkc mclvgla, oko agomkvdv:dcm taycng lutadkvdv:dc ka:lv:la dungai.

HIBRIUKVDVNG 7:26

Kapcnc cdc kvb-kab cmdagai jc ngolu cdcmpinc dormo ager gernamlok bottcncko pa:pcnammc, angunncko, lugc:ma:nam kancko, koiyang kama:ncko, papi:kvdv:dokkc langgunamko, taycngto la:sa:namko.

IPESIANG KVDVNG 2:7

jc a:pcnc dv:tak ayirkvdv:do Bv kvngapla:ma:nam Bvk aya:dok mitcmircm kvdv:dcm ngolum Kristo Jisukolo asin aipc mc:namki lcngkanycpc cmna.

2 KORINTIANGKVDVNG 6:18

Odokkc ngo nolukkcpc abupc iyc, odokkc nolu ngok awopclang omcpc ingapyc, appv:pc ilang-gvla:nc Ru:tumbv ludag.”

2 KORINTIANGKVDVNG 5:18

Cdc appv:dc Ru:ncpvnckolokkc, sc:kobv Kristokokki ngolum Bvkkolo lckomotokuji odokkc ngolum lckomokunam agerdcm bito;

2 KORINTIANGKVDVNG 4:17

Kapila:nc sc adji:oko vgcmpc ipusire: pa:namsc ngolum cdvlosin yogma:nc bottcru:nc amin gvnclo:pc mosv:dung okkomsin luyv:sunam kama:pc.

1 KORINTIANG KVDVNG 2:7

Cmpige:la ngolu lc:sula odokkc gagsila lc:nam Ru:nvcpnckc kinnam pa:nam bido, okodcm Ru:ncpvncbv ngolum amin gvmonam dv:takkvdv:dc aima:dapc kvnggv:pc lulvgla lutoji.

JO:N 19:30

Cdvlo Jisubv ku:sugnc ala:dcm tv:tonc, Bv luto, “Cdcm gerpvttobong;” odokkc Bvk mittukdcm dummapto odokkc Bvk yalodcm topaklvgtobong.

JO:N 11:52

Odokkc opvndok lcgango:mang, cmpige:la mo:tc: mo:tc:lo Ru:ncpvnckc ommangkvdv:dc okolo gvpitsula du:nc cdcmbulum akkongkopc gvkumsumokupcnammc.

LU:KKC 13:32

Odo Bv bulum lubito, “gvkang odokkc cdc mensuru:dcm lubita:k, ‘ka:ta:ka, ngo uikvdv:dcm mcnpakdung odokkc silola: yampo kinamcm aimodungku, odokkc lowum longcdo ngo ngok gerpcnam agercm gerpvtyc.

LU:KKC 2:14

“Appvngcm Oudaryangkoto Ru:ncsa:nckc Aipaiyc, odokkc, tani:amo:so Bvk aipc mc:lvgsunam tani:kvd:dok ara:lo mc:pomcnganc!”