HIBRIUKVDVNG 13:7 - ANU LUGOD N. T. (BSI)

⁷ Noluk gvgurla gvgcbonc kvdv:dcm mc:pa:langka, cdc sc:kobulu nolum Ru:ncpvnckc agomcm lubitoji; Buluk turnamkvdv:dokki kapc ikaji cdcm ka:langka, odokkc buluk mc:jvgkvdv:dcm mc:jvgkaimvnsulang.

HIBRIUKVDVNG 13:7 ပူးပေါင်းရင်းမြစ်များ

HIBRIUKVDVNG 13:17

Noluk igur-gvgurbonc kvdv:dok lukam tadlangka odokkc bulukkolo tolvgsulangka; kapcnc bulu noluk yalokvdv:dcm kanggabya:la dung, isabcm bikupcnc tani:kvdv:dcmpc. Bulum mc:po-mcnganla scm germotoka, odokkc mc:dvrra ima:pc, kapcnc cdc nolukkcpc ipo-siyanncpc ima:yc.

PILIPIANG KVDVNG 3:17

Bvrokvdvnga, ngok gerkolo ka:yv:sula germvntoka, odokkc cdc sc:kobulu nolukkcmpc du:dagnc ngolukkolo lukannammcmpc idopc kanggaplangka.

HIBRIUKVDVNG 6:12

odomvlo jen nolu aso-aso:ma:ycpc, cmpige:la mc:jvgla odokkc mentumsunamki pesunamdcm pa:nckvdv:dcm ka:yi:sula imvnncpc incpc itoka.

1 TISSALONIANG 1:6

Odokkc nolu ngolukkclang Ru:tumkc iko gvkolo gvmvnncpc ikang, kapila:nc nolu kvnggv:pc du:glo agomdcm torvgsuto, Angunnc Yalodokki mc:pomola.

AGER KVDVNG 14:23

Odokkc cdvlo bulu mondoli: appv:lo buluk lcgangc abv:nc ka:sv:ncm agercm togc:lvgotonc, doma:pc menna kumnamki, bulu Ru:tumkolo tolvgto sc:kom bulu mc:jvgtoji.

METIU 24:45

“Sc:kon cmpcmvlo mc:dapnc odokkc kinnc ager gerya:ncdc, sc:kom bvk ru:tumdc bvk okumcra:d togc:lvgtonc, buluk apincm dodvdo bidopc?

1 TIMOTI: 3:5

kapcnc jodi tani:akonc bvk avkc okum cra:dcm kasv:mosvng kinma:yc, bv kapc Ru:ncpvnckc mondoli:dcm ka:sv:la:ycn?

HIBRIUKVDVNG 13:24

Noluk igur-gvgurbonc appv:dcm kumtadsulangka odokkc aipc kumjo:nc appv:dcm. Cdc sc:kobulu Itali:dokkc gvdu:nc nolum kumtadsunamcm mclvgamtag.

1 TISSALONIANG 2:13

Odokkc ngolusin Ru:ncpvncmc aipai bidung odok lcgangc mcma:ru:pc, jc cdvlo nolu Ru:ncpvnckc agomdcm torvgsutoji okodcm nolu ngolukkolokkcm tattoji, nolu cdcm tani:lok agomcmpc, torvgsutomang cmpige:la cdc okka:ji cdcmpc, Ru:ncpvnckc agomc, okodc noluk ara:do mc:jvgnckvdv:dcm ager gerra du:ji.

1 KORINTIANG KVDVNG 4:16

Ngo nolum kvnggv:pc lusv:la ludung, cmpcmvlo, ngom ka:yv:sula gvncpc itoka.

ROMANKVDVNG 10:17

Cdcmpinamc mc:jvgdc a:dag okodcm taddagji, odokkc okodcm taddagji Kristomc lutad lubinamdokkc a:dag.

AGER KVDVNG 4:31

Odokkc cdvlo bulu kumtoji, bulu oko mo:tagdo gvkumsukaji yonkukkang; odokkc bulu Angunnc Yalodokki bingkang odokkc Ru:ncpvnckc agomdcm asinang pvtala luto.

LUNGOR LUNAM 6:9

Cdvlo bv anggo tubjetdcm moge:toji, ngo kumko palvgko kcvgdo cdc yalokvdv:dcm ka:begto sc:kobulu Ru:ncpvnckc agom lcgangc palvgtoji odokkc buluk lukanbinam lcgangc bulum onamai;

LUNGOR LUNAM 20:4

Odokkc ngo migom dungkokvdvngcm ka:to, odokkc odokbuluk tayc:do tednc kvdv:dc cdcbulu sc:kobulum kcbangcm ba:dopc tolvgtoji. Ngo cdc yalokvdv:dcmsin ka:to sc:kobulu Jisumc buluk lukanbinam kvdv:dok lcgang mittukkvdv:dcm papvrtoji odokkc Ru:ncpvnckc gomug lcgangc, odokkc sc:kobulu simvndcm kumtoji cdcmanggom odok monam moima:dcm odokkc odok mogoddcm bulu tuptakvdv:do cdcmanggom buluk alakkv:dv:do torvgsutoma:ji. Bulu turkangku, odokkc Kristokc lcdulo lv:ying dv:takkopc migomdomvnto.

LUNGOR LUNAM 1:9

Ngo noluk bvro Jo:nbv, sc:kobv noluk lcdulo Jisukolo asin mc:dvrdcm mc:mvndagnc odokkc cdc migom doko mo:pv:dcm odokkc cdc du:tvdanna mentumsula du:donc, Patmo cmnam siycng amongkolo Ru:ncpvnckc agomclang Jisu Kristokc lukan lubinam lcgangc dungai.

2 TISSALONIANG 3:9

Cdc ngolukkcjc: panggot kamangai cdcmpcmang, cmpige:la nolum ngoluk inam gvnamlo lcngkanko bipc imvngvmv nycpc cmnna:mvn.

1 KORINTIANG KVDVNG 11:1

Ngok gvkampc gvmvnncpc itoka, ngo kapc Kristokc lcdulo gvmvndoji.

LU:KKC 12:42

Odo Ru:tumbv luto, “sc:kobvn cmpcmvlo mc:jvgncla: mc:jvg kinncdc, sc:kom bvk ru:tumdc Bvk okumdok appv:dok ka:bomdagbomncpc togc:lvgycnc, bulum dodvlo donamcm bidopc?

LU:KKC 8:11

“Su:pak cdc kvkanbila kvnam do:yv:dc sc:na: amni:dc Ru:ncpvnckc agomdc,

2 TISSALONIANG 3:7

Kapcnc nolu avkvdv:dc avyc kindag kapc ngoluk ikam-gvkampc imvn-gvmvnpcnamcji;

1 KORINTIANG KVDVNG 10:13

Oko ankangka:namcsin nolum imurko imomang okodc tani:lokkcpc cmmo:pc ima:ji. Ru:ncpvncbv mc:jvgdag, odokkc bv noluk torasula:namdcmyam bottaya:nc ankang-ka:namcm imoma:yc, cmpige:la ankang ka:namdokkisin dugpvtsunanc lambcm biycpc, jc nolu cdcm menrasula:ycpc.

AGER KVDVNG 13:46

Odokkc Paul bv:lang Barnaba:bv kvnggv:pc a:ng pvtala lubito, scmpc lula, “Ru:ncpvnckc agomdcm nolum lubipo:pcnammai. Nolu odokkcm nv:paksula:mvn, odokkc turyartvla turnamdcm turpc arckamang cmna asin kcbangcm ba:sula:mvn, ka:toka, ngolu Ru:ncmc kinma:nc Angu ope: kvdv:do:pc gvdag.

LU:KKC 5:1

Ru:ncpvnckc agomcm tadpc cmna tani:kvdv:dc Bvm nv:rumbomnamc, Bv Genesaret siycng bottcnc pa:tang ru:yido dagla dungai.

1 PITOR 4:11

sc:kobv agom ludonc, kapc akonc Ru:ncpvnckc gombug bukkampc; sc:kobvi agercm gerbidonc, kapc akonc gergabbomdonc tornamki okodcm Ru:ncpvncbv bidonc; cdcmpc ipc jc appv:lo Ru:ncpvncmc Jisu Kristokokki amin gvmoycpc. Bvkkcpc amin gvnamdc odokkc migomdonamdc lo:dv longkvpc dungka:langka. Amen.