12 Cdcmv:pc Jisubv:gom yabgo mo:rongolo ipusire:ycm pa:to tani:kvdv:dcm avkc i:dokki mopu:pc cmna.
Cmpige:la nolum vrpu:to, nolum narc:pc:scmoto, nolum Ru:tum Jisu Kristokc aminno ainc cmna kcbangcm ba:tobong odokkc ngoluk Ru:ncpvnckc Yalodo.
Odo bulu bvm nogordokkcm la:lenge:la vlvngkokki crrobomkang; odokkc ka:nckvdv:dc cdcm inckvdv:dc buluk gcnam-bomnamkvdv:dcm Soul cmnam ya:me tani:kolok kcra:lo lc:to.
Jc bv bvm narc: pc:sc:mola:ycpc cmna, bvm agom asidokki vrpu:la:yam.
cddvko bojcya:pc palvgcm pa:pcnamcm sc:kobv Ru:ncpvnckc Awodcm mc:yamc:sancdc, odokkc lugoddok i:dcm narc:ma:pc imoncdc okodokki bvm narc:motagaji, odokkc aya:nc Yalodcm ipusire:ncdcm?
Odokkc buluk lcgangc ngo avyc tolvgsudung, bulusinjen arolo tolvgsuycpc cmna.
Kapila:nc Bv sc:ko palvgdagnc odokkc cdc sc:kobulum angumodagnc appv:dokkc lenko akkongko.
Ckvdaggom mimagmonckvdv:dok akonc gvdvngkokki Bvk angketdok nvgjogto, odokkc oddung i:yclang assc lenkang.
Odokkc bulu darobla Bvm nogordokkcm solennvgto, odokkc oko adi:do buluk nogordcm motagaji odo adi:dok tu:bokto:pc sosa:bomkang, Bvm bulu kcvgbo:pc nv:ledlvgpc cmna.
Odokkc odo mcngkamdokki ngolum narcdopc mopu:to Jisu Kristokc amvrdcm tolvgla bila lckkattcrcm lo:dvlongkv lcgangc.
odokkc apo:langkodcm nogordok mo:ro:do sa:mvgto, odokkc apo: tonkodokkc i:yc bidkang, cdcmpc owudpc jc gure:lok lckam kvdvkopc owudpc, lv:ying akolang lv:ying akkcngkolang lvngko akkcng mailkopc dc:bungkang.