HIBRIUKVDVNG 12:22 - ANU LUGOD N. T. (BSI)

²² Cmpige:la nolu Jion Adi:do:pc gva:to odokkc turnc Ru:ncpvnckc nogordo:pc, taycng dungkodo du:nc nogordo:pc, taycng dungkodo du:nc Jerusalempc, odokkc kvngapla:ma:nam taycng among lutad lunckvdv:dcm mc:popc dcngkonsunamc,

HIBRIUKVDVNG 12:22 ပူးပေါင်းရင်းမြစ်များ

PILIPIANG KVDVNG 3:20

Cmpige:la ngoluk appvngkc mitcmircmdc taycngamo:tc, odokkc tolokkc ngolu moturncko toka:do, Ru:tum Jisu Kristomc,

GALATIANG KVDVNG 4:26

Cmpige:la Jerusalem taycngkctc la:juppc la:namc, odokkc bv ngoluk annc.

LUNGOR LUNAM 14:1

Odo ngo nge:la ka:to, odokkc ka:toka, Jiondok Adi:tayc:do Me:r Awo sobendc dagsangkang, odokkc Bvk lcdulo lvngkolang yv:pi: lv:yingko sc:kobulu Bvk aminc dungaji odokkc Bvk Abudok amincm buluk tuptakvdv:do adtungai.

LUNGOR LUNAM 21:2

Odokkc ngo angunnc nogordcm ka:begto, anu Jerusalemdcm, taycng amongtokkc Ru:ncpvnckolokkc milbo:dok lcgangc, yamncdc gcru:sunncmpc ila dc:yi:dopc;

LUNGOR LUNAM 22:19

odokkc jodi akonc sc potinsok lungor lunamkvdv:dcm la:pakyc, Ru:ncpvncbv turnam vsv:dokkcm cdc angunnc nogordokkcm bvk pa:pcnamdcm la:pakyc, okodc:bulum sc potinso lukur lule:la adlenbitagji.

LUNGOR LUNAM 3:12

Sc:kobv mopvycji, ngo bvm ngok Ru:ncpvnckc kumko okumdok kuntapc moyc; cdvlosin bv odokkc gvlenkuma:yc, odokkc ngo bvkkolo ngok Ru:ncpvnckc amincm adlvgyc, odokkc ngok Ru:ncpvnckc nogordok amindcm, cdc anu Jerusalemdcm okodc ngok Ru:ncpvnckc taycng amongtokkc gvidagji, odokkc ngok avkc amincm.

HIBRIUKVDVNG 13:14

Kapcnc ngolukkc lo:dcm du:tvnc nogorko kamang, cmpige:la ngolu madung oko nogordc lenpcnammcji cdcm.

HIBRIUKVDVNG 11:10

Kapcnc bv mogabko du:nc nogordo:pc ka:lvgto, okodok moncdc:lang Ru:ncpvncdc.

LUNGOR LUNAM 21:10

cdc Awome:r sobendok yamncdcm.” Odokkc bottcru:nc Yalodokki bv ngom, owud den-dennc adi: taycngkolo:pc dc:pakbomkang, odokkc ngom cdc angunnc nogordcm taycng amongtokkc Ru:ncpvnckolokkc Jerusalemdcm dc:yidopc lcngkanto,

LUNGOR LUNAM 7:2

Odo ngo do:nyi sanggatokkc lennc taycng among lutad lunc akoda ka:begto, turnc Ru:ncpvncdok tubjet kancdokki, odokkc bv bottapakpc gomugki taycng among lutad lunc appv:dcm luto okodc:bulu scmpc lula mo:pvscmnang siycngdcm momvgdopc ilanggvlangcm bitoji,

JU:D 1:14

Cdc odogbulungvngkai jc Inosbv Adamkolokkc kvnvd opvndo scmpc lula, lungorlubika, “Ka:toka, Ru:tumbv Bvk appvng kvla kvngapla:ma:nam kokki kcbangcm bangkakupc gvka,

HIBRIUKVDVNG 10:31

Turra du:nc Ru:ncpvnckc alagdo owa:namdc pcsopcnamc.

HIBRIUKVDVNG 9:14

Kristokc i:dc cddvko abaya:pc, sc:kobv lo:dv-longkvpc du:nc Yalodc avdc atvko lumurko kama:pc Ru:ncpvnckolo:pc bisutonc, noluk mc:namsagnamcm narc:moycnc sinam agerkvdv:dokkcm turra du:nc Ru:ncpvncmc agerki kumpc.

HIBRIUKVDVNG 3:12

Ka:sv:mosv:toka, bvrrang kvdvnga, ckvdma:mvlo nolukkolok akonc jodi aima:nc ager gerckvdv:dokkcpc iyc, mc:jvgma:nc asinpc ila, turnc Ru:ncpv:ncdokkcpc gerdopc gvboycpc.

1 TISSALONIANG 1:9

Kapila:nc bulu av avkvdv:dc ngoluk agomcm lutadto kapinc torvgsunamc ngolu nolukkolo pa:toji, odokkc kapc nolu Ru:ncpvnckolo:pc gvlattokuji moimang monamkvdv:dokkc.

ROMANKVDVNG 11:26

cdcm adla lc:namdcmpc, “Jiondok motuncdc gvyc, Jakobkolokkcm Bv aisi:ma:nc ager gernamdcm la:pakyc.”

ROMANKVDVNG 9:26

“Odokkc odo okolo cdcmbulum lukaji, ‘Nolu ngok tani:mang,’ bulum luyc ‘Turra du:nc Ru:ncpvnckc awokvdvngc.’ ”

METIU 5:35

cdcmanggom mo:pvscmsin lutomma:pcka, kapila:nc sc Bvkkc alclcgcngc, cdcmanggom Jerusalemdok aminno:sinmang, kapila:nc clc bottaru:nc Migomkc nogorc.

METIU 16:16

Simon Pitorbv luto, “No:na Kristodc, turra du:nc Ru:ncpvnckc Awodc.”

IPESIANG KVDVNG 2:19

Cdcmpidag cmpinamc nolu kangkinma:nama:bong odokkc dunggcnna du:ncma:bong, cmpige:la nolu aipc kumnc tani:kvdv:dok du:jon ajonc odokkc Ru:ncpvnckc crang okumdok tani:yc,

2 TIMOTI 4:18

Ru:tumbv ngom appvng aima:nclokkc moturyc odokkc Bvk taycng dungkodok lcgangc mopvtag. Bvkkcpc amin gvnamdc ika:langka lo:dv-longkcm. Amen.

HIBRIUKVDVNG 11:16

Cmpige:la cdc kapc itonc, bulu aiya:nc dungko amongko pa:pc cmna mc:to, cdcmyam, taycng dungko ako. Cdcmpidag Ru:ncpvncbv buluk Ru:ncpvnnc cmna gokkosupc anyvtomang, kapcnc Bv buluk lcgangc nogorko mosv:to.