HIBRIUKVDVNG 12:14 - ANU LUGOD N. T. (BSI)

¹⁴ Appvng tani:kokki mc:nganna du:pc kvnggv:pc ilang sa:langka, odokkc angunnam lcgangc okodc:ma:mvloi sc:kosin Ru:tummc ka:begma:yc.

HIBRIUKVDVNG 12:14 ပူးပေါင်းရင်းမြစ်များ

2 KORINTIANGKVDVNG 7:1

Cdcmpc ngolukkc cdcmpc pesubinam kvdv:dc du:namc, aipc mc:bomsunamkvdvnga, kajc ngolu avyc avycm narcmosulai appvng narc:ma:nckvdv:dcm amvrrokkcmang yalolokkc, odokkc Ru:ncpvncmc pcsonamki angunnammcm ncrkvgpc angunnai.

1 TISSALONIANG 4:7

Kapcnc Ru:ncpvncbv ngolum napvnarc:ma:namlo:pc gogmang. Cmpige:la angunno:pcmvn.

1 PITOR 3:11

Bvm aima:nclokkcm gc:rmotoka odokkc aincm germotoka; bvm mcngancm mamotoka odokkc cdcm mcnna gvmotoka.

ROMANKVDVNG 12:18

Pagycmvlo, ila:ycmvlo, cdc nolukkolo noluk agompc idag, appvngkc lcdulo mc:posagpo:pc du:la:daglangka.

ROMANKVDVNG 14:19

Kajc cmpcmvlo okodc mcnganmodagji luyirra lubilai odokkc lckolakkopc owudpc mosa:dagji.

1 TISSALONIANG 3:13

odomvlo jc Bv noluk asinkvdv:dcm lujckko kama:dopc angunno ngoluk Ru:ncpvnckc odokkc Abukc kcra:lo, ngoluk Ru:tum Jisukc Bvk aipc kumnc tani: appv:dokkc gvdokudo.

ROMANKVDVNG 6:22

Cmpige:la su:pak jc nolum pa:blokkc mopvtto odokkc Ru:ncpvnckc pagbopc ikang, pa:latkunamdc nolukkc angunnammc odokkc odok gerterdc, turyarnc turnamdc.

3 JO:N 1:11

Aipc mc:bomsunam kvdvnga, aima:ncdcm ka:yv:sula gvyoka cmpige:la aincdcm ka:yv:sula imvngvmvnnangka. Sc:kobv aincm idagji Ru:ncpvnckc; sc:kobv aima:ncm idagnc Ru:ncpvncmc kangkvmang.

IPESIANG KVDVNG 5:5

Scm arorung cmna mc:toka, jc oko ami nc:ng la:nc cdcmanggom narc:ma:nc tani:yc, cdcmanggom sc:kobv ka:bo mc:bodagji cdc, monam moimang kumnc, kapcsin Kristokc migom doko amo:dcm pa:mvnkuma:yc odokkc Ru:ncpvnckcdcm.

HIBRIUKVDVNG 12:10

Kapcnc bulu ngolum mogvtmomatto buluk adjioko mc:po lcgangc, cmpige:la Bv ngolum lujvg luyircm ludag ngoluk ainam lcgangc, odomvlo jen ngolu Bvk angundcm pa:mvnycpc.

1 TIMOTI: 6:11

Cdcmpige:la kapc nokkcpc, Ru:ncpvnckc tani:pc ila, cdc appv:dcm mcpaktoka; dormokanamdcm ka:mi:toka, ainc ager gernam, mc:jvgc, aipc mc:namc, mcmangke:ke:pc du:tvnammc, asin aipc inam gvnamcm.

1 PITOR 3:13

Su:pak cdc sc:kobv:nu du:n nolum atvaima:ncko ipcnc jodi nolu okodc aidagji cdcm airu:pc ilvgmvlo?

MARKKC 9:50

Allo aidag; cmpige:la alodok ti:namdc alodo kama:bo:mvlo, kapc cdcm nolu ti:moyckun? Nolukkolo allo dungka:lang, odokkc akoncm akonkokki mc:pomcnganna du:langka.”

2 PITOR 3:11

Cdcmpinamc sc appvng attarkvdv:sc cdcmpila jitpagamycnc, kapinc tani:pc nolu ipcnammcn angunna turnamlo:bulu odokkc dormokanamlo,

1 KORINTIANG KVDVNG 1:10

Ngo nolum kumna ludung, bvrokvdvnga, ngoluk Ru:tum Jisu Kristokc aminkokki, jc noluk ara:lo luker luyermvnsunammc kapcma:namc, cmpige:la jc nolu asin akko:do lckotoka odokkc c:mo:pinc kcbangcm ba:toka.

LU:KKC 1:75

angunna odokkc dormokanamkokki Bvk kcra:lo odokkc ngoluk turradu:dag appv:so.

2 TIMOTI 2:22

Cdcmpidag ya:me: sv:sang aima:pc mc:namcm mcpaktoka odokkc dormokama:ncm ka:mi:toka, mc:jvgcm, aipc mc:namcm, odokkc mcngancm, cdc sc:kobulu Ru:tummc gogdagji narcngo:nc asinki.

1 TISSALONIANG 5:15

Ka:langka jc nolukkolok sc:kosin aima:pc inamlok aimangcm ikutsuyoka, cmpige:la lo:dcm aincm akoncm akonc imvnsupc cmna malangka odokkc appv:lo:pc.

2 PITOR 3:18

Cmpige:la ngoluk Ru:tumkc odokkc Mopvtnc Jisu Kristokc ayangki odokkc kinnamki sv:sa:toka. Bvkkcpc su:paksin odokkc lo:dv-longkvpc amin gvka:langka! Amen.

PILIPIANG KVDVNG 3:12

Ngo sc pa:tobong cmmang cdcmanggom ngo pv:namkopc aipakka:bong cmmang; cmpige:la ngo cdcm ngokkcpc imopc cmna itvla gvdo, kapila:nc Kristo Jisubv ngom Bvkkcpc imoto.

2 KORINTIANGKVDVNG 6:17

Cdcmpidag buluk ara:dokkc gvlentoka odokkc bulukkolokkc angutoka, Ru:tumbv ludag, odokkc narc:ma:nc okkomsin gakkvyoka; odo ngo nolum gogrvgsuyc.

1 KORINTIANG KVDVNG 13:12

Kapila:nc su:pak ngolu arsilo ka:soka:mola ka:do, cmpige:la odo dagrvgsudanna ka:begyc. Ngo su:pak intagongko kindag; odo ngo appv:dcm kinyc, ngo kapc appv:scmci kintoji

GALATIANG KVDVNG 3:21

Cmpcmvlo lujvglurodc Ru:ncpvnckc pesunamdok birudi:yci? Cdcmpcru:mangkc; Kapila:nc jodi lujvgluro abangkoncm okodc turmodokupc bitungamvlo, cmpcmvlo dormokanamdc aroru:pc lujvglurodokki pa:yc.

HIBRIUKVDVNG 9:28

cdcmv:pc Kristobv, bojcru:lok pa:p lcgangc lenycku, pa:pkokki imvn gvmvnsupc cmna ilamang cmpige:la cdc sc:kobulu kvnggv:pc mc:tinna toya:la du:nc cdcmbulum mopvtpc cmna.