HIBRIUKVDVNG 12:10 - ANU LUGOD N. T. (BSI)

¹⁰ Kapcnc bulu ngolum mogvtmomatto buluk adjioko mc:po lcgangc, cmpige:la Bv ngolum lujvg luyircm ludag ngoluk ainam lcgangc, odomvlo jen ngolu Bvk angundcm pa:mvnycpc.

HIBRIUKVDVNG 12:10 ပူးပေါင်းရင်းမြစ်များ

2 PITOR 1:4

okodokki Bv ngolum bitonc Bvk airu:pc arc kanc odokkc bottcru:nc pesubinamdcm, jc odokbulukki nolu aima:n ager gernamdokbulukkc dunggcnla:ycpc cdc mo:pvso du:ncdc mc:boka:bokokki, odokkc taycng dungkotok inam gvnam gctc:mvnncpc ikang.

TITUS 2:14

sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.

KOLOSIANG 1:22

Bv su:pak Bvk amvrdok adindo Bvk sinamdokki lckomotokubong, nolum angunpc odokkc aima:pc lugcngkama:dopc odokkc aimang cmna luka:la ludopc Bvk kcra:do,

IPESIANG KVDVNG 4:24

Ru:ncpvnck dumsimigmoru:pc ru:nam aropc dormokanamki odokkc angukokki.

1 PITOR 2:9

Cmpige:la nolu balennam opvnko, migom dormoager gernclok bottcnc incpc, angunnc opvnko, Ru:ncpvnckc avkc tani:yc, jen nolu Bvk mcngapla:ma:nam ager gernam kvdv:dcm lutadbiycpc sc:kobv nolum Bvk ka:rvgsula:ma:nam pva:do:pc goglentoji.

1 PITOR 2:5

odokkc turnc vlvngkoncmpc nolu av-avkvdvngc dormokanam yalokvdvng okumpc mosa:toka, angunnc dormo ager gerncpc, dormokanam yalolok palvgnampc bulu Jisu Kristokokki Ru:ncpvnckolo bisula:dopc.

HIBRIUKVDVNG 12:14

Appvng tani:kokki mc:nganna du:pc kvnggv:pc ilang sa:langka, odokkc angunnam lcgangc okodc:ma:mvloi sc:kosin Ru:tummc ka:begma:yc.