HIBRIUKVDVNG 11:6 - ANU LUGOD N. T. (BSI)

⁶ Odokkc mc:jvgkama:pc Bvm mc:lvgsumopc mc:lvgsumola:mang. Kapcnc sc:kobvi Ru:ncpvnckc kcra:pc gva:ycnc mc:jvgru:pa:yc jc Bv dung sc:kobulu Bvm madagji.

HIBRIUKVDVNG 11:6 ပူးပေါင်းရင်းမြစ်များ

METIU 11:26

C: Ba:ba, kapila:nc cdcmpci nok ayang-abonc asin mc:namdc.

METIU 5:12

Mc:polangka odokkc mc:yumsutoka, kapila:nc taycng amo:tc noluk amanc bojcrungko dung. Kapila:nc cdcmv:pc tani:kvdv:dc agom lungorla lunckvdv:dcm ipusire:la ika noluk po:pcbong.

METIU 6:16

“Odokkc cdvlo nolu menna doma:pc du:donc, nappangcm napvnarc:ma:pc kangkosuyoka, agom lc:sula lunckvdv:dcmpc, kapila:nc bulu dumsi migmom ka:nyi:modag buluk menna du:namdcm tani:kvdv:dc ka:begycpc cmna. Aropakpc, ngo nolum lubidung, buluk amancm bulu pa:toibong.

METIU 6:33

Cmpige:la maa:danna Bvk migom dokodcm mapo:lang odokkc Bvk dormo agomdcm odokkc cdc appv:dcm nolum biycpc.

METIU 6:5

“Odokkc cdvlo nolu kumdonc, nolu agom lc:sila lunckvdv:dcmpc iyorungka; kapila:nc bulu kumko okum okumno odokkc nogorlok lambckvdv:dok r:uyi ru:yilo dagsa:la kumnamcm kumnv:dag, bulum tani:kvdv:dc ka:ycpc cmna. Aropakpc, ngo nolum ludung, buluk amancm bulu pa:toibong.

MARKKC 16:17

Odokkc mc:jvgnckvdv:dok lcdulo sc: kanggodkvdv:sc gvmvnycpc; ngok aminno bulu uiycm mcnpakyc; bulu anu ayoki agomcm luyc;

LU:KKC 12:31

Cdcmyam, Bvk migom doko mo:pvdcm matoka, odokkc cdc attar kvdv:dc nolu:kkcpc cdcmv:pc iycpc.

LU:KKC 6:35

Cmpige:la noluk mirukvdv:dcm aipc mc:langka, odokkc ainc agercm gerrangka, odokkc murkongcm bipo:langka, okkomsin pa:latkupc cmna mc:ma:pc; odokkc noluk amanc bojcru:yc, odokkc Appvng Udbo:ya:pc Du:ncdok omma:pc iyc; kapila:nc ainc agerko ibincdcm mcngkinma:ncdcmlang avwongkcpc mc:suncdcm ayangabodag.

JO:N 14:6

Jisubv bvm luto, “Ngo lambcdc, odokkc arodc, odokkc turnamdc; sc:kosin Abudo:pc gva:mang, ngokkokkima:mvlo.

JO:N 8:24

Ngo nolum lubidung noluk pa:pkvdv:dokki nolu siycku, kapila:nc ngo Bv cmna mc:jvgma:sisscm noluk pa:pkvdv:do nolu siycku.”

ROMANKVDVNG 10:14

Cmpige:la kapc tani:kvdv:dc Bvm gogycn sc:kom bulu mc:jvgma:ji? Odokkc kapc bulu Bvm mc:jvgycn sc:kokc agomcm bulu cdvlosin tadkvma:ji? Odokkc bulu kapc tadycn agom lutadbinc ako kama:pc?

GALATIANG KVDVNG 5:6

Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.

HIBRIUKVDVNG 11:26

Bv Kristokc lcgangc ipusire:pa:nam-gvnamdcm Igiptolok mitc-mircmdcmyam bottcya:nc mitcmircmpc mcngkang, kapcnc bv amandcm kanggcla ka:to.

HIBRIUKVDVNG 3:12

Ka:sv:mosv:toka, bvrrang kvdvnga, ckvdma:mvlo nolukkolok akonc jodi aima:nc ager gerckvdv:dokkcpc iyc, mc:jvgma:nc asinpc ila, turnc Ru:ncpv:ncdokkcpc gerdopc gvboycpc.

HIBRIUKVDVNG 4:2

Kapila:nc tadponc lutaddc ngolukkodo:pc pvngangkang kappar bulukkolo:pc pvngangkaji; cmpige:la cdc bulu oko lutaddcm bulu tadtonc bulum avkamotomang, kapila:nc cdc tadnckvdv:dcm mc:jvgkokki mcnga:tomang.

HIBRIUKVDVNG 4:6

Cdcmpinamc cdcmpila akelokkcpc odo gva:pcnam dungkang, odokkc cdc sc:kobulu po:pcbong tadponc lutaddcm torvgsutonc agom lukam tadma:namdokki gva:la:tomang, lckoda Bv anguru:nc longcko lc:to,

HIBRIUKVDVNG 7:19

(Kapcnc lujvglurodc okkomsin pv:dopc ila:tomang;) akon alagdo, aiya:nc lulennvgto, okodokki ngolu Ru:ncpvnckc kcra:do gva:doji.

HIBRIUKVDVNG 7:25

Odokkokki ila Bv lo:dcm cdc sc:kobulu Ru:ncpvnckc kcra:lo:pc gva:dagnc Bvkkokki motula:dag, Bv lo:dvscm buluk lcgangc kumbipc turra du: la:yam.

2 PITOR 1:10

Cdcmpidag, bvrrangkvdvnga, bojcya:pc mc:bola ager gerncpc itoka nolum gognamdcmlang balennamdcm aroru:pc mcnga:supc, kapcnc jodi nolu cdcm iyc nolu cdvlosin ilang gvla:ma:pc ima:yc;

2 PITOR 1:5

Sok lcgangarpc appvng ankvla inamcm ilangka noluk mc:jvgcm ainc asin mc:namkokki,

2 PITOR 3:14

Cdcmpidag, aipc mc:bomsunamkvdvnga, nolu scmbulum toya:la du:namc, Bvkkokki oko koiyangcmsin kama:pc pa:dokupc cdcmanggom imursiyar kama:dopc, odokkc mcnganna mcngandopc.

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”