GALATIANG KVDVNG 6:8 - ANU LUGOD N. T. (BSI)

⁸ Kapila:nc sc:kobv bvk avkc adin amvrdok lcgangc pidycnc adindokkcm aisi:ma:ncm gadycku; cmpige:la sc:kobv Yalodokkcpc pidycnc Yalodokkcm bv lo:dvpc turnamcm gadycku.

GALATIANG KVDVNG 6:8 ပူးပေါင်းရင်းမြစ်များ

ROMANKVDVNG 8:13

adin amvrdok lukampc turpc–kapila:nc nolu jodi adinamvrdokkcmpc turmvlo nolu siyc, cmpige:la Yalodokki adin amvrdok inamgvnam ager gernam kvdv:dcm sikolo mokemvlo nolu turyc.

JAKOB 3:18

Odokkc mcngannok amni: pidnckvdv:dokki mcnganna la:lennam dormokanam agerdok a:ycm langkumsudo.

2 PITOR 2:19

Bulu avkc mcngkam mcngkampc agomcm pesula lubidag, cmpige:la bulu avkvdv:dc imursiyarnclok pagbo; kapcnc okodci tani:akoncm mopvdagnc, odokkcpc bv pagbopc idag.

GALATIANG KVDVNG 6:7

Yadkosuyoka; Ru:ncpvncmc moyomoka:nammang, kapila:nc tani:akonc okodcmci piddonc cdcmvng bv:sin gadycku.

ROMANKVDVNG 13:14

Cmpige:la Ru:tum Jisumc gctoka, odokkc adin amvrdokkcpc okkomsin lc:yoka, odok mc:namdcm mc:tcsumopc cmna.

LUNGOR LUNAM 22:11

Aima:pc ager gernckvdv:dcm aima:nc agercm su:paksin gertvla du:po:motoka, odokkc narc:ma:ncdcm su:paksin narc:ma:po:motoka, odokkc dormokancdcm su:paksin dormo kanamcm ipo:motoka, odokkc angunncdcm su:paksin angun mopo:toka.”

JO:N 4:36

Sc:kobv gadycnc bv garrcm pa:dag, odokkc turyarla turnamdok a:ycm pvrdag, odomvlo a:m pidncdc:la gadncdc lckko:pc mc:poyc.

JU:D 1:21

nolu avyc Ru:ncpvnckc aipc mc:namlo du:sulangka; Ru:tum Jisu Kristokc lo:dcm du:tvnc turnamdcm pa:ma:dodo:pc toya:la du:langka.

JO:N 6:27

Yogpakpcnc donam tv:namdok lcgangc agercm geryoka, cmpige:la oko donamdc turyarla turnamdokkcpc du:tvdagnc odok lcga:pc ilangka, okodcm tani:kc Awodc nolum biycji; kapila:nc bvkkolo Abu Ru:ncpvncbv bvk muorcm tubjedlvgdag.”

ROMANKVDVNG 6:13

Noluk amvramokvdv:dcm pa:plo:pc mclvgyoka aisi:ma:nc agergernanc attarpc idopc, cmpige:la nolu av avkvdv:dcm Ru:ncpvnc kolo:pc tolvglangka sc:ko tani:kvdv:dcm sikolokkcm turmotokuji cdcmpc, odokkc noluk alc alagkvdv:dcm Ru:nc pvnckolo:pc dormo inamlok ager gernanc attarcmpc.

METIU 19:29

Odokkc sc:ko sc:kobvi okumkvdv:dcm mctonc cdcmanggom bvrrangcm cdcmanggom bvrmangcm cdcmmangcm abbom cdcmanggom anncm cdcmanggom ommangcm cdcmanggom amongcm, ngok amin lcgang, cdcmyam lvngkokopc, pa:ycku odokkc lo:dvscm turra dungkunam turnamdcm pa:ycku.

TITUS 3:7

cdcmpimilo jen ngolum Bvk aya:pc mc:namkokki aidag cmna luycnc odokkc lo:dv longkvpc turnamlok mc:tomla du:namdok du:ngkonsumvnncpc iycpc.

JO:N 4:14

cmpige:la sc:kobvi ngok binam asidcm tv:ycnc, cdvlosin tv:lvngkuma:ycbong; ngok bvm binam asidc bvkkolo jili:pc iyc turyarla turnamdok appv:dc bidlentvla du:yc.”

LU:KKC 18:30

aipc bojcrungko su:pakkc ayirso, odokkc angkupcnc du:yarnc ayirdo sc:kobv turyarla turnamdcm pangkuma:ycji.”

2 PITOR 2:12

Cmpige:la sc:kobulu, okkomsin kinma:nc simvncmpinc kvdv:dc, simvnsirapc ru:namkvdv:sc, sogabge:la mokedopc onamkvdv:dc, bulu okodcm kinma:nc cdc agerkvdv:dcm ge:la aima:pc lula, cdc mokekamv:dcmpc buluk lcdulo mokeycpc.

1 TIMOTI: 1:16

Odokkc ngo papi:kvdv:dok pa:pkayangarncdc; cmpige:la ngo mc:yinsunam ayangcm odok lcgangc pa:to, jc ngokkolo, kayangarncpc ila, Jisu Kristobv Bvk pv:dannnc mentumsunamdcm kanggod akopc lcngkanpc ila cdc sc:kobulu cdcmbulum Bvm lo:dv longkcm turyarla turnamdok lcgangc mc:jvgpcnamcji.

METIU 25:46

Odokkc bulu lo:dvscm du:tvnc dcmke-mokekodo:pc gvyc, cmpige:la dormokanc kvdv:dc lo:dvscm du:tvnc turnamdo:pc gvyc.”

ROMANKVDVNG 6:23

Kapila:nc pa:bcm ila ircpa:namdc sinamc, cmpige:la Ru:ncpvnckc cpv:pc binam amandc ngoluk Ru:tum Kristo Jisukolo turyarla turnamdc.

ROMANKVDVNG 8:6

Adin amvrdo asin mcnga:namdc sinamc, cmpige:la Yalodo asin mcngga:namdc turnamclang mc:pomcnganc.

ROMANKVDVNG 8:11

Bvk yalodc sc:kobv Jisumc sikolokkcm turmotokuji nolukkolo du:mv-dagmvlo, sc:kobv Jisumc sikolokkcm turmotokuji noluk sikunc amvrkvdv:dcmsin turnamcm Bvk Yalodokki biyc okodc nolukkolo du:do dagdoji.

1 KORINTIANG KVDVNG 15:42

Cdcmpidag cdcmpc sinckvdv:dok turkunamdc okodcm pittonc kapcnc, okodcm turmotonc sipcma:nc.