GALATIANG KVDVNG 6:1 - ANU LUGOD N. T. (BSI)

¹ Bvrokvdvnga, tani: akonc jodi atv imurko iyc, nolu sc:kobulu yalodokki du:nc ainc asin gcla inamkokki yalokokki bvm motupa:do. Nolu avycm avyc ka:sutoka, ckvma:mvlo nolusin ankang ka:nampc iyc.

GALATIANG KVDVNG 6:1 ပူးပေါင်းရင်းမြစ်များ

ROMANKVDVNG 15:1

Ngolu sc:kobulu ilang gvla:dagji rcmagnc kvdv:dcm gerdumsupcnammc, odokkc ngolu avyc avycm aipc mc:tvngsupcnammang;

2 TISSALONIANG 3:15

Bvm mirupc ka:yoka, cmpige:la bvm bvrokoncmpc lulomla lutadlangka.

2 TIMOTI 2:25

airu:nc poyirncpc, mc:yinsuncpc, ainc agomki bvk biruddi:ncm lugabdopc lulangka. Ru:ncpvncbv kapcjila cdcm tolvgciycsong jc bulu asinc mc:dvrra mc:latsuyckupc odokkc arodcm kinkapc gva:ycpc,

1 JO:N 5:16

Jodi akonc bvk bvrodcm sima:nc pa:bcm inamko ka:begyc, bv tawuyc, odokkc Ru:ncpvncbv turnamcm biyc cdc sc:kobulu sima:nc pa:bcm idagji. Sima:nc pa:bcm innc dung; ngo cdcm lumang jc akonc odok lcgangc kumtoka cmna.

2 KORINTIANGKVDVNG 2:7

Cdcmpidag nolu cdcmyam bvm mc:yintoka odokkc ni:toka, ckvma:mvlo bv mc:dvrc abaya:la mctapsupckc.

HIBRIUKVDVNG 12:13

odokkc noluk alckvdv:dok lcgangc yvg cmnc lambcm motoka, odomvlojen okodc lcbe:dagji opansuma:ycpc cmpige:la cdcmyam aimoyckupc.

1 PITOR 3:15

cmpige:la noluk asinkvdv:do Kristomc Ru:tumpc mc:jubla mcnga:la. Nolukkolo du:nc mc:tindcm lo:dvscm mosv:sulangka sc:kobv kvlenna tadpc cmna morasupc cmnamc:ycji, ckvdaggom cdcm asin ansv:la:la mcnggcnam kumnamki ilangka;

ROMANKVDVNG 14:1

Sc:kobv mc:jvgnamdok mc:nam gvnam rcmagdagji cdc tani:dokkcpc, bvm gogrvgsutok, cmpige:la agom mcngkamdcm luker-luyermvnsupcdan gogma:pcka.

1 KORINTIANG KVDVNG 10:12

Cdcmpidag sc:kobv dagla dung cmna mc:sudagji ansumotoka ckvma:mvlo bv kcdtabyc.

1 KORINTIANG KVDVNG 4:21

Nolu okodcm mc:dang? Ngo nolukkodo:pc danggi:ko bomna gvycnci, cdcmanggom aipc mc:namkokki aipc asin ansv:nam yalokokkiyc?

JAKOB 3:2

Kapcnc ngolu appvngc bojcrungko lumurcm ludag, odokkc akonc jodi atv imurko ima:yc okodcm bv ludoji bv aiyo:pc ainc tani:yc, amvr appv:dcmsin motumsula:do.

2 KORINTIANGKVDVNG 10:1

Ngo Poulbv, avyc nolum kumna:sola: ludung jc, Kristokc ansv:nc asinkokki odokkc aipc mc:jong gvjongkokki–ngo sc:kobv asinc ansv:do cdvlo ka:rvgmvnsudanna noluklcdulo, cmpige:la nolukkolo bottcpc lusula:do cdvlo ngo gerdoji!

METIU 9:13

Gvkang odokkc cdc okkom cmdagnc ikita:ka, ‘Ngo ayang-abbom mado, odokkc lutomna palvgnammcm mamang.’ Kapila:nc ngo dhormokanc tani:kvdv:dcm gokkapc gvmang, cmpige:la pa:pkanckvdv:dcmomvn gokkapc gvdun.”

1 KORINTIANG KVDVNG 14:37

Akonc jodi bv lungor luncko cmna mc:suyc, cdcmanggom yalo agom lukampc gvncko, bv togcsupa:do jc nolukkolo:pc ngo okodcm do:jvg jvgtu:ji cdc Ru:tumkolokkc kvnggv:pc lulvgc.

1 KORINTIANG KVDVNG 7:5

Akoncm akonc nv:paksuyoka asudowko mcngkvla tolvgsunamdok ma:mvlo, jc no avyc kumnamno kumna du:ma:mvlo; cmpige:la odokkc lckoda gvpumsulangkuk, ckvma:mvlo nolum ka:bomc:bomoyc avyc asinc mc:tumsula:ma:la.

1 KORINTIANG KVDVNG 2:15

Taycng among agom kinnc tani:dc appvng attarcm kcba: ba:la ka:dag, cmpige:la bv avdc sckkokkisin kcba:ba:nampc imang.

ROMANKVDVNG 8:6

Adin amvrdo asin mcnga:namdc sinamc, cmpige:la Yalodo asin mcngga:namdc turnamclang mc:pomcnganc.

METIU 11:29

Ngok jungoli:ycm nolu tulvgsutok, odokkc ngokkolokkcm luyir-poyirnammcm torvgsutok; kapila:nc ngo ainc odokkc asinc rcmagnc tani:yc, odokkc noluk yalokvdv:dok lcga:pc du:rasukkom pa:ycpc.

JAKOB 3:13

Noluk ara:lo kinncpa:ncdc:lang mcngkinncdc sc:kon? Bvkkc ainc turnamdokki bvk ainc agerkvdv:dcm lcngkanmotok asinc ansv:pc mc:sula kinnam pa:namki.

HIBRIUKVDVNG 13:3

Mc:pa:langka cdc sc:kobulu makana:lo tumtu:ji, buluk lcdulo makana:lo tumnamvngcmpc; odokkc cdc sc:kobbulum aisi:ma:pc itag-gvtagji, kapc nolusin cdc amvr atcrdo du:la:yam.

GALATIANG KVDVNG 5:23

aikamponammc, mc:jvg-jvrvgnammc, ainc asin gcla inamc, avycm mentumsula du:namc; cdcmbulumpinclok birudi:pc oko lujvglurrosin kamang.

1 KORINTIANG KVDVNG 3:1

Cmpidag ngo, bvrokvdvnga, nolum taycng among agom kinnc tani:ycmpc lusa:la:tomang, cmpige:la adinamvr tani:kvdv:dcmpcpak, kowocmpc Kristokolo.

METIU 26:75

Odokkc Pitorbv Jisukc po:pckc lunamdcm mc:pa:toku, “Porogc kogma:dapc, no ngom lcwumkopc kinmang cmna lupaksuyc.” Odokkc bv mo:ro:pc gvlento odokkc kvnggv:pc mc:dvrra kapto.

METIU 26:69

Cdcmpidodcm Pitorbv lottadok moro:pc tedtu:la dungai. Odokkc ager gerya:nc ko:ncng akonc bvkkolo:pc gva:to, odokkc luto, “No:sin Galilolokkc Jisukc lcdulo dunggai.”

GALATIANG KVDVNG 6:18

Ngolum Ru:tum Jisu Kristokc ayangc noluk yalokvdv:do du:mvnka:langka, bvrokvdvnga. Amen.

1 TISSALONIANG 4:1

Adtcrso, bvrokvdvnga, ngolu kumna odokkc luyirla ludung nolum Ru:tum Jisukolo, jc nolu kapc ngolukkolokkcm kapc turpcnammcnc odokkc Ru:ncpvncmc mc:lvgsumopcnamcnc kinto, kappar nolu ila du:nc, nolu asudkoda bojc bojcyangko itvtoka.

2 KORINTIANGKVDVNG 2:8

Cdcmpiga:lok ngo nolum kumna:sola ludung bvk lcgangc nolum aipc mc:namdcm lckoda mc:tentokuka.