2 Su:pak ngo, Poulbv, nolum ludung jc nolum gadpuktagmvlo, Kristobv nolukkcpc avpc ima:yc.
Cmpige:la Judia:dokkc tani:ckkc gvla bvrokvdv:dcm luyirra dungai, “Mose:kc itcnggvtc:dcmpc nolu gatpukma:mvru:lo nolum moturma:yc,”
Nolum agomkokki ngolukkosok tani:ckkcnc mc:dvrmcso:moto cmna ngolu tadla:yam, noluk asinkvdv:dcm mc:sat-sula:ma:la, ngolu bulum oko luyircmsin lukailvgmanggom,
Cmpige:la Parisi:kvdv:dok lckopc gvnc mc:jvgla gvmvnnckc dagrobkang odokkc luto, “Bulum gatpukpcnamc, odokkc bulum Mose:kc lujvglurodcm tadtvla du:dopc lupcnammc.”
Ngo, Poulbv, ngok avkc alakki sc aika:lang cmnamscm adlvgtung.
Ngo Poulbv, avyc nolum kumna:sola: ludung jc, Kristokc ansv:nc asinkokki odokkc aipc mc:jong gvjongkokki–ngo sc:kobv asinc ansv:do cdvlo ka:rvgmvnsudanna noluklcdulo, cmpige:la nolukkolo bottcpc lusula:do cdvlo ngo gerdoji!
Cmpige:la ngo idaggom, bvrokvdvnga, gadpuknamdcm su:paksin lutadbidu:mvlo, kapila ngo su:paksinci ipusire:kosuycn? Odo agomdo Kurusdok lcsudla otapbonc sv:tu:dcm la:paktobong.
Kapila:nc Kristo Jisukolo gadpuknammc cdcmanggom gadpukma:namc cmmum arrc kannc, cmpige:la mc:jvgdc aipc mc:namkokki agercm gerdung.
Kapila:nc ngolu nolukkodo:pc gvpc mc:dagai–ngo, Poulbv, lckko lckko:lo cmpige:la Satandc ngolum motumto.
Ngo, Poulbv, scm ngok avkc alagsokki adtag, ngo cdcm dorycku nokkc ngom okkomsin bikupcnam kamang cmpc nom avdcmsinci.
Ckvdaggom aipc mc:namdok lcgangc ngo nom lurcl lunamdcm mc:ya:to–ngo, Poulbv, migom lutad luya:binnc odokkc su:pak maka:na:lo du:ncsin Kristo Jisukc–
Kapila:nc tadponc lutaddc ngolukkodo:pc pvngangkang kappar bulukkolo:pc pvngangkaji; cmpige:la cdc bulu oko lutaddcm bulu tadtonc bulum avkamotomang, kapila:nc cdc tadnckvdv:dcm mc:jvgkokki mcnga:tomang.