GALATIANG KVDVNG 5:19 - ANU LUGOD N. T. (BSI)

¹⁹ Su:pak adin amvrdok agerkvdv:dc lendanna dung: nc:ng milbo:pc gvmang la:ma:pc la:mvnsunam, narc:ma:nam, ka:bomc:bogo:la gvnamc,

GALATIANG KVDVNG 5:19 ပူးပေါင်းရင်းမြစ်များ

LUNGOR LUNAM 21:8

Ckvdaggom cdc asin adji:pc mc:la pcsonc kvdv:dokkcpc, cdc narc:ma:pc imonam kvdv:dokkcpc, kapc cdc tani:mokenc kvdv:dokkcpc, ami-miycng langgo:nc kvdv:dokkcpc, odokkc appvng lume: lunc kvdv:dokkcpc, buluk turnamdc cdc siycngcmpinc pa:ta:do vmvkilang gondogki ugncdo, okodc lckon sinamdc:ji.”

GALATIANG KVDVNG 6:8

Kapila:nc sc:kobv bvk avkc adin amvrdok lcgangc pidycnc adindokkcm aisi:ma:ncm gadycku; cmpige:la sc:kobv Yalodokkcpc pidycnc Yalodokkcm bv lo:dvpc turnamcm gadycku.

TITUS 3:3

Kapila:nc av avycsin po:pc lcko monsi-monba:dagai, agom tadmangai, gvyodla gvdungai bojcrung ilvng-sa:lv:lok mc:bo-ka:bolok pagboai, ngoluk longckvdv:dcm ncka:mvnsula odokkc ncgopogola mclvgla, tani:kvdv:dc tayumna odokkc akoncm akonc tayumla;

1 KORINTIANG KVDVNG 3:3

Kapila:nc nolu su:paksin adinamvrdokkc. Kapila:nc cdvloi ncka:mvnsunammclang pamvnsunamc nolukkolo du:ji nolu adin amvrdokkcma:lang, odokkc cmmum tani:ycmpc ima:sa:ma:lang?

ROMANKVDVNG 8:13

adin amvrdok lukampc turpc–kapila:nc nolu jodi adinamvrdokkcmpc turmvlo nolu siyc, cmpige:la Yalodokki adin amvrdok inamgvnam ager gernam kvdv:dcm sikolo mokemvlo nolu turyc.

ROMANKVDVNG 8:5

Kapila:nc cdc sc:kobulu adinamvrdcmpc turdoji buluk asinkvdv:dcm adinamvrpc mc:nam attarkvdv:do mcnggabdag, cmpige:la cdc sc:kobulu Yalodcmpc du:do-dagdoji buluk asinkvdv:dcm Yalodok attarkvdv:do mcdag.

LUNGOR LUNAM 22:15

Mo:rongkc kvdv:dc iki: kvdv:dc odokkc morunc kvdv:dc odokkc ami nc:ng lango:nckvdv:dc odokkc monam moimang kumgo:nc kvdv:dc, odokkc appv:dc sc:kobulu lume:lunamc ludagji odokkc aipc mc:dagji cdcbulu.

1 KORINTIANG KVDVNG 6:18

Aisi:ma:nc ager gernamcm mcpaktoka. Tani:akonc inam ake pa:p appv:dcm amvrdok ru:yido idag; cmpige:la aisi:ma:nc ager gernc tani:dc bvk avkc amvrdok birudivpc gerdag.

GALATIANG KVDVNG 5:17

Kapila:nc amvrdok mc:namkvdv:dc Yalodok birudi:dag, odokkc Yalodok mcngkam kvdv:dc adin-amvrdok birudi:dag; kapcnc sc:bulu akoncm akonc nvgka:mvnsudag, nolum motumpc nolu okodcm ipcma:namcji.

GALATIANG KVDVNG 5:13

Kapila:nc nolum motunam lcga:lo:pc gogtungai, bvrokvdvnga; noluk motunammcm adin amvr ipogvpo lcgangongc ina-sa:nayoka, cmpige:la aipc mc:namkokki akonc akonkc kcvgpc ager gerya:ncpc ilangka.

ROMANKVDVNG 8:9

Cmpige:la nolu adin amvrdo du:mang, nolu Yalodo dung, jodi aropakpc nolukkolo Ru:ncpvnckc Yalodc du:mvlo. Sc:kkci Kristokc Yalodc kama:ji Bvkkcmang.

ROMANKVDVNG 7:18

Kapila:nc ngo kindag jc ngokkolo oko aincsin du:ma:dagmang, cdcna, ngok adin amvrso. Ngo mc:la:dag okodc aro igod gvgoddagji, cmpige:la ngo cdcm ila:mang.

ROMANKVDVNG 7:5

Ngolu amvrsok mcngkampc turla du:dodcm, ngoluk pa:b ilv:la mc:namkvdv:dc, lujvglurodokki dowusa:la, sinamlokkcpc a:yc e:dopc ngoluk alcalak kvdv:dc ager gerla dungai.

JO:N 3:6

Adinkokki adinc, odokkc Yalokokki onamdc yallo.

ROMANKVDVNG 8:3

Kapila:nc Ru:ncpvncbv okodcm lujvglurodc, adin amvrdokki ilang gvlangma:mola gerla:toma:ji gerto: Bvk avkc Awodcm mclvgla pa:b inc adinamvrcmpc gcsumola odokkc pa:b lcga:pc, bv adin amvrdo pa:bcm aima:la mokepcnamc cmna luto,

ROMANKVDVNG 7:25

Ru:ncpvncmc aipai binampc ika:langka noluk Ru:tum Jisu Kristokokki! Odomvlo, ngo avyc avkcpc Ru:ncpvnckc lujvglurodcm lukamdcmpc ngok asinbokki ila:yc, cmpige:la ngok adin amvrdokki ngo pa:bdok lujvglurodok lukamdcmpc iycpc.

HIBRIUKVDVNG 13:4

Noluk ara:lo yamnc gvnam-la:namc aipc mcnggcsuka:langka, odokkc midang monamdok asubc narc:pc:scng ka:langka; kapcnc Ru:ncpvncbv aima:pc asin gcnckvdv:dcm odokkc ami miycng langgo:nckvdv:dcm kcbangcm ba:ycku.