GALATIANG KVDVNG 4:4 - ANU LUGOD N. T. (BSI)

⁴ Cmpige:la cdvlo ayirdc pvngangka:nc, Ru:ncpvncbv Bvk Awodcm mclvgto, nc:ngc onamdcm, lujvglurodokkcm onamdc,

GALATIANG KVDVNG 4:4 ပူးပေါင်းရင်းမြစ်များ

ROMANKVDVNG 1:3

tadponc lutaddcm Bvk awodok agomcm, sc:kobv Dawidkolokkc lenka:ji adinamvrdcmpc;

JO:N 1:14

Odokkc Gomugdc adinpc ikang odokkc ngoluk ara:lo du:mvnto, ayang abbola: arro pv:namkopc, ngolu Bvk amin gvnamcm ka:to, Abukotokkc Awo atcrdc cmna ka:to.

MARKKC 1:15

“Ayirdc pvngka:bong, Ru:ncpvnckc migompc dungko mo:pvdc pvnga:dandobong; mc:dvrra mc:latsutokuka, odokkc tadponc lutaddcm mc:jvgtoka.”

JO:N 3:16

Kapila:nc Ru:ncpvncbv mo:pvscm cddvpcjc aipc mc:tonc Bv avkc atcr Awodcm bito, Bvm mc:jvgnc takamci sima:yc cmpige:la turyarla turla du:namcm pa:yc.

METIU 1:23

“Ka:tok, mvmbvrko:ncngkonc amvrro du:yc odokkc ko:ko pa:yc, odokkc bvk amincm Imma:nuel cmna gogyc.” (Okodcm, Ru:ncpvncbv ngoluk dungkolo dung cmdonc.)

1 JO:N 4:14

Odokkc ngolu ka:tobong jc lukancm lubitu:bong jc Abudc Rcngamsok Mopvtncpc idopc Bvk Awodcm mclvgto.

IPESIANG KVDVNG 1:10

appvngcm Bvkkolo lckomopc cmna, attarkvdv:dcm taycng amongtokkc kvdv:dcm odokkc mo:pvsokkc kvdv:dcm.

LU:KKC 2:7

Odokkc bvk pa:pongarnam awodcm oto odokkc kowao bonanc nvscgkokki bvm yetto, odokkc bvm so:bo ncsin kungkangkolo boyubto, Kapila:nc mibo dungko okumdo bulu:kkc dungko katomang.

ROMANKVDVNG 8:3

Kapila:nc Ru:ncpvncbv okodcm lujvglurodc, adin amvrdokki ilang gvlangma:mola gerla:toma:ji gerto: Bvk avkc Awodcm mclvgla pa:b inc adinamvrcmpc gcsumola odokkc pa:b lcga:pc, bv adin amvrdo pa:bcm aima:la mokepcnamc cmna luto,

LU:KKC 1:35

Odokkc taycng lutad luncdc bvm luto, “Angunnc Yalodc nom pa:yc, odokkc Tayc:rungyankotok owudya:nardok ilang-gvlang ugyumdc nom vgtidyc. “Cdcmpidag cdc opcnam ko:dcm angunnc cmna luyc, “Ru:ncpvnckc Awodc cmna.

JO:N 6:38

Kapila:nc ngo taycng amo:tokkc gvidung, ngok avkc mcngkamdcmpc gerkapcmang, cmpige:la sc:kobv ngom mclvgtagnc Bvk mcngkamcm gerkapc;

HIBRIUKVDVNG 2:14

Cdcmpila:yam ommangkvdv:dc adinclang i:kokki, Bv avdc:sin cdcmv:pc cdcmv:pin inam gvnamcm gcmvnto, jc sinamkokki jen Bvm mokela:ycpc sc:kobv sinamlok ilang gvlang du:ji, cdcyam, aima:n ager gerncdc,

JO:N 10:36

nolu ludonci Bvm sc:kom Abudc bipaktonc mo:pvso:pc mclvgtonc, ‘no aima:pc lugcgcdung,’ ngok lunam lcgangc, ‘Ngo Ru:ncpvnckc Awodc cmna?’

1 TIMOTI: 3:16

Bottcru:pc aropakpc, ngolu lude:sudo, mcngapla:ma:nam ngoluk dormodc: Bv adin-amvrpc lcngkansuka, Yalolo imurcm la:pakka, taycng lutad lunckvdv:dc ka:to. Opvnkvdv:dok ara:la lutadcm lugo:to, mo:pvso mc:jvgto, tayc:pc amin gvla la:sa:toku.

ROMANKVDVNG 15:8

Kapila:nc ngo nolum lubidung jc Kristobv ager gerya:ncpc ikang Ru:ncpvnckc aro ager gernamkvdv:dcm gadpuknamkvdv:dcm lcngkanpc lenpo:nc abukvdv:dcm binam kvdv:dcm,

AGER KVDVNG 1:7

Bv bulum luto, “Nolukkcpc cdc oko ayirdc cdcmanggom oko po:lodcm Abudc ru:la lc:tagnc Bvk avkc ilanggvlangki cdcm kinpcnammang.

LU:KKC 1:31

Odokkc ka:toka, nok aki:bo ommang du:yc odokkc milbong awoko pa:yc, odokkc no Bvk amincm Jisu cmna minnvglang.

METIU 3:15

Ckvdaggom Jisubv bvm lubito, “Scmpc su:pak imopo:tok; kapila:nc cdcmpc appvng dormo agercm ipvtgvpvtpcnamc.” Odo bv cdcmpc imoto.

1 JO:N 4:2

Odokki nolu Ru:ncpvnckc yalodcm kinycpc: appvng yallo okodc lude:sudagji jc Jisu Kristobv adinamvrpc gvika cmna cdc Ru:ncpnckc,

HIBRIUKVDVNG 9:10

cmpige:la donamlo:la odokkc tv:namlo bidag odokkc angu angu vrnamc, amvrdok lcgangc binam igod gvgodkvdvngc lckoda igod gvgod itengvtenkuma:dasisscm.

KOLOSIANG 2:14

oko yc:tumnamdc ngoluk birudi:pc dagridagji odok lugot lujcmdokki luncdcm la:pakge:la; scm bv angupc lc:to, cdcm Kurusdo pvtlvgge:la.

ROMANKVDVNG 9:5

odokkc bulukkc lenpo:nc tani:kvdv:dc, odokkc buluk ope:kvdv:dc, adinamvrpc, Kristokolo. Ru:ncpvncbv sc:kobv appvngcm bottcya:n akirba:d pa:ncpc lo:dv:pc ika:langka. Amen.

JO:N 8:42

Jisubv bulum lubito, “Ru:ncpvncbv noluk Abuya:mvlo, nolu ngom aipc mc:ya:pc, kapcnc ngo Ru:ncpvnc kolokkc lennc odokkc gvnnc; ngo avkc mcngkampc gvmang, cmpige:la Bv ngom mclvgtung.

METIU 5:17

“Nolu mc:yoka ngo lujvg lurrom odokkc lungorla lunam agom kvdv:dcm la:pakkapc gvdung cmna; ngo cdcmbulum la:pakkapc gvmang cmpige:la buluk lukamdcmpci imopc cmna gvdung.

ROMANKVDVNG 5:6

Nolu cdvlo mc:lang-gvla:ma:la dungaji, odo ayirardo Kristobv ngolu aisi:ma:pc inamkvdv:dok lcga:pc sikang.

1 TIMOTI: 2:6

cdc Kristo Jisu tani:dc, sc:kobv avdc appvngkc lcgangc dorrennakupc bipaksutonc, lukanbinamdc akodc ayir pv:dardo lubikaji.

LU:KKC 20:44

Dawidbv Bvm Ru:tum cmdag; cdcmpidag kapc bv Bvk awopc ika:nc?”