GALATIANG KVDVNG 4:19 - ANU LUGOD N. T. (BSI)

¹⁹ Ngok awo kvdvnga, ngo sckkokki lckoda agercm geryckun Kristomc nolukkolo mokuma:sisscm!

GALATIANG KVDVNG 4:19 ပူးပေါင်းရင်းမြစ်များ

ROMANKVDVNG 8:29

Kapila:nc cdc sc:kobulum Bvk po:pcbong kindagji Bv Bvk Awodok migomdcmpc imopc cmna:sin po:pcbong cmmo:pc ru:tag, cdcmpc idopc jc bv:jen bojcrung bvrokvdv:dok bv opongarnampc idopc.

IPESIANG KVDVNG 4:13

Ngolu mc:jvgdok lckko:pc du:namdcm pa:ma:sisscm odokkc Ru:ncpvnckc kinnam agomdcm, tani:pc inamdcm mc:jvsumopc, Kristokc pv:namdok owuddcm kvpc.

ROMANKVDVNG 13:14

Cmpige:la Ru:tum Jisumc gctoka, odokkc adin amvrdokkcpc okkomsin lc:yoka, odok mc:namdcm mc:tcsumopc cmna.

IPESIANG KVDVNG 4:24

Ru:ncpvnck dumsimigmoru:pc ru:nam aropc dormokanamki odokkc angukokki.

KOLOSIANG 4:12

Ipapra:bv sc:kobv nolukkologvng akoncji, Kristo Jisukc pagbo akoncji, nolum kumtadsudag, lo:dv:scm airu:pc bvk kumkolo mc:pa:la, jc nolu kinncpa:ncpc du:ycpc odokkc Ru:ncpvnckc appvng mcnggodlo pv:namkopc arro cmna mc:la.

KOLOSIANG 3:10

Okodcm kinnamlo anumotakji odok ru:ncdok dumsimigmo ila.

PILIPIANG KVDVNG 2:5

Sc asinsc nolukkolo gctoka, okodc noluk Kristo Jisukolo du:ji, sc:kobv,

JAKOB 1:18

Bvk avkc mc:suki bv ngolum aro agomdokki langa:toku jc ngolu e:pongarnc a:yckvdv:dok akoncmpc Bvk ru:pongarnam kvdv:dokkc.

PILEMON 1:10

ngo nom kumna ludung ngok awodok, Onesimuskc lcgangc, sc:kokc abupc ngo ika:ji ngok makana:lo du:dodcm.

KOLOSIANG 1:27

Bulum Ru:ncpvncbv kinmopc bala la:to cddvko Ru:ncmc kinma:nc tani:kvdv:dok ara:do cddvko Bvk mcngapla:ma:nam amin gvnamkvdv:dc bottadagji, okodc Kristobv noluk ara:do du:ji, amin gvnamdok mc:tindc.

KOLOSIANG 2:1

Kapila:nc ngo nolum kintoka cmna mc:dag cddvko bojcpc ngo noluk lcgangc ankv kangkvdoji, odokkc cdc Laodokia:dok kvdv:dok lcgangc, odokkc ngok dumsimigmom kangkvma:nc kvdv:dcm,

PILIPIANG KVDVNG 2:17

Cddo:mang ngom noluk mc:jvgdo tolvgla palvgnamdo palvgdaggom, ngo noluk appvngkc lcdulo mc:podag.

PILIPIANG KVDVNG 1:8

Kapcnc Ru:ncpvncbv ngok lukanbinnc, kapc ngo noluk appvngkc lcgangc aipc mcngkesula sitoji Kristo Jisukc aipc mc:namki.

1 JO:N 5:21

Ameo:nc ommangkvdvnga, nolu avyc moimang kvdv:dokkc gc:rla du:langka.

1 JO:N 2:12

Ngo nolum addung, ame:onc ommang kvdvnga, lcga:dc noluk pa:pkvdv:dcm Bvk lcgangc mc:yinsutobong.

1 JO:N 2:1

Ngokkc adji:onc ame:yo:nc ommang kvdvnga, ngo scm nolukkolo:pc addung odomvlojen nolu pa:bcm ima:ycpc; cmpige:la jodi sc:kaiyc pa:bcm iyc, ngolukkc Abudcm lubiya:ncko dung, Jisu Kristobv dormokancdc;

HIBRIUKVDVNG 5:7

Bvk adinamvrki inamdok lcdudo, Jisubv kumnamclang amikc lcgang bottcru:pc kabla odokkc miksi dvla kumnamcm kumka, Bvm sc:kobv Bvm sikolokkc motula:dagaji, odokkc Bvm Bvk dormokanam pcsokokki taddungai.

TITUS 1:4

Tituskolo:pc, ngok awodc lo:dcm mc:jvgnamlo: Ayangc odokkc mcnganc Ru:ncpvnc cdc Abudokkc odokkc Kristo Jisubv ngoluk Morturnckolokkc.

PILEMON 1:19

Ngo, Poulbv, scm ngok avkc alagsokki adtag, ngo cdcm dorycku nokkc ngom okkomsin bikupcnam kamang cmpc nom avdcmsinci.

1 TIMOTI: 1:2

Timoti:kolo:pc, ngok aro awodo:pc mc:jvglo: Ayangc, mc:yinsunamc, odokkc mcnganc Ru:ncpvncnkolokkc Abudokkc odokkc Kristo Jisu ngoluk Ru:ncpvnckolokkc.

LU:KKC 22:44

Odokkc sinamcmpc du:la:ma:la Bv kvnggv:ya:pc kumto; odokkc angkirc i:ycmpc amo:bo abug abugpc bidledrobbomkang.

2 KORINTIANGKVDVNG 12:14

Su:pak ngo lcwumpc nolukkodo:pc gvpc cmna mosv:sudung. Odokkc ngo jo:nampc ima:yc, kapila:nc ngo nolukkc okodc:ji mamang cmpige:la nolu; kapila:nc ko:kangkvdv:dc buluk anc abukvdv:dok lcgangc lcngkumsubipcnam kamang, cmpige:la ancabukvdv:dc buluk ommang kvdv:dok lcgang.

1 TISSALONIANG 2:7

Cmpige:la ngolu asin ansv:dagai noluk ara:lo, ka:sv:mosv:nc nc:ngc bvk ommangcm mosv:nammcmpc.

3 JO:N 1:4

Ngok ommangc arodcm lukamdcmpc taddag cmnamdcmpcyam, ngokkc bottcya:pc mc:pobatsunammc kamang.