13 Nolu kindag jc cdc amvr kinamki nolukkolo lupo:danna tadponc lutaddcm lutadbito;
Odokkc ngo noluk lcdulo ilang gvla:ma:dom odokkc kvnggv:pc pcsodowcm odokkc jindom du:mvnka;
Ngo mcngapla:ma:pc idung jc nolu cddvko lomna mcpakdung Bvm sc:ko nolum Kristokc aya:lo gogtoji odokkc angu tadponc lutadkolo:pc mc:yotdung–
Ngo bottapc lubonru:sumvlo, ngo ngom rcmagdopc lcngkannc atvkvdv:do bottapc lusuyc.
Cdcmv:pci ngo agom lukolo lujo:ncmang, ngo kinncpa:ncmang; appvng lambclok ngolu scm nolum kinkur kinle:motung appvng agerlo.
Kapila:nc bulu ludag, “Bvk do:jvgkvdv:dc i:ddag odokkc tordag, cmpige:la bvk adin amvrpc du:mvnnamdc rcmakdag, odokkc bvk agomdc okopcsin aimang.”
Kapila:nc Bv ilang gvla:ma:dodo kuruslo pvtketo, cmpige:la Ru:ncpvnckc tornamkokki turdag. Kapila:nc ngolu Bvkkolo rcmakdag, cmpige:la nolukkokki ido-sa:dodcm ngolu Bvkkoki turyc Ru:ncpvnckc tornamkokki.
Odokkc bulu Pirgiangclang Galatiang mo:takvkvdv:do gvgo:to Asiado agomdcm lubinamdcm Angunnc Yalodokki lutumla:yam.
Odokkc Bv Galil among appv:do gvgo:to, buluk kumko okumkvdv:do Ru:ncpvnckc taycngamong migom donamdok tadponc lutaddcm lugo:bito odokkc tani:kvdv:dok appvng Kinam ramnamcm odokkc appvng mosimola:ma:namcm aimotoku.
Bvrokvdvnga, ngo nolum kumna ludung, ngokkcmpc imvntoka, kapila:nc ngo:sin nolugvngkcmpc imvntobong. Nolu ngom oko imurcmsin imang.
odokkc ngok du:nam-dagnamdc nolukkcpc ipusire:pc ikangaji, nolu ngom tayumtomang cdcmanggom ngom yodpaktomang, cmpige:la ngom Ru:ncpvnckc taycng lutadkoncmpc torvgsuto, Kristo Jisukcmpc.
Ainc mc:nam lcgangc lo:dcm cdc aipc lunamdc aidag, odokkc cdvlo ngo nolukkolo du:mvnycji oddo:mang.