GALATIANG KVDVNG 3:5 - ANU LUGOD N. T. (BSI)

⁵ Nolum Yalodcm bincdc odokkc mcngapla:ma:nam ager gerncdc noluk ara:do cdcmpc lujvglurodokki gerdonci, cdcmanggom mc:jvgkokki tadla?

GALATIANG KVDVNG 3:5 ပူးပေါင်းရင်းမြစ်များ

GALATIANG KVDVNG 3:2

Ngom scmmong nolum taumotei: Nolu yalodcm lujvglurodok agerkokki:yc torvgsukan, cdcmanggom mc:jvgla tadla:yc? Nolu odokkvdvkoi monba:ba:ncn?

2 KORINTIANGKVDVNG 13:3

Kristobv:jc ngokkokki agom ludag cmnamdcm kangodko ka:lvgdagnc. Bv nolum iko-sangkolo tornam kama:pc imang, cmpige:la Bv nolukkolo torncrungc.

AGER KVDVNG 14:3

Cmpige:la bulu bojcrung ayirkopc Ru:tumkc lcgangc agom lula du:to, sc:ko aya:nam agomdok lukamcm lubitoji, kanggodcmnang kangaksunamcm buluk alakvdv:dokki gerra:dopc bila.

2 KORINTIANGKVDVNG 12:12

Aropc mclvgla ager germonam tani:lok kanggod kvdv:dcm nolukkolo mcntumsula appv:pc lcngkanto, Kanggod kvdv:dokki odokkc mcngapla:ma:nam agerki odokkc kvnggv:pc bottanc agerkvdv:dokki.

2 KORINTIANGKVDVNG 10:4

Kapila:nc ngoluk mimag monanc gvdv:-yoktung kvdv:dc mo:pvsokkcmang cmpige:la kvnggv:pc morasula dungkodok momvgla:nanc taycng among ilang gvlangc,

ROMANKVDVNG 15:19

Angunnc Yalodok ilang gvlangkokki, odomvlo jen Jerusalemdokkc odokkc dunggong appvngc Illirikumdo:pc ngo pv:namkopc Kristokc tadponc lutaddcm lugo:bito,

2 KORINTIANGKVDVNG 3:8

Yalodok adla lc:nam agomdc cdcmyam unjvgya:pc lcngkansuma:yclang?

1 KORINTIANG KVDVNG 12:10

akonkoncm mcngapla:ma:nam ager gernamcm, akonkoncm lungor lunamcm, akonkoncm yalokvdv:dcm angu angupc kangkinna lubila:dopc, akoncm angu angu agom lula:namcm akondcm agom lunamkvdv:dcm lukurbila:dopc.

ROMANKVDVNG 10:17

Cdcmpinamc mc:jvgdc a:dag okodcm taddagji, odokkc okodcm taddagji Kristomc lutad lubinamdokkc a:dag.

2 KORINTIANGKVDVNG 9:10

Sc:kobv amni: pidncdcm amni:ycm biya:doji odokkc donam lcgangc pitangcm biycji noluk kanamcm bi:ya:ycpc odokkc bojcrungko imoycpc odokkc noluk dormo kanamdok arvgcm bojcmoycpc.

PILIPIANG KVDVNG 1:19

Kapila:nc ngo kindag jc noluk kumnamkoki odokkc Jisu Kristokc Yalodok bidumsunamdokki sc ngok motunam lcga:pc iycku.