GALATIANG KVDVNG 3:16 - ANU LUGOD N. T. (BSI)

¹⁶ Su:pak pesunamkvdv:dcm Abrahammc pebika odokkc bvkkolokkc lennckvdv:dcm cdc lumang, “Odokkc osetnamkvdv:do:pc,” bojcrungcm lukanna; cmpige:la akkongcm lukanna, “Odokkc akolokkc lennckvdv:dcm,” sc:kobv Kristobv:ji.

GALATIANG KVDVNG 3:16 ပူးပေါင်းရင်းမြစ်များ

ROMANKVDVNG 4:13

Abrahamkc odokkc bvk ope:ncgvngkvdv:do:pc pesubinamdc, jc bulu mo:pvscm dungkonsubompa:do, lujvg lurodokki gvmangai cmpige:la mc:jvgnamdok dormo inamkokkipak.

LU:KKC 1:55

Abrahammc odokkc Bvk awo ommang kvdv:do:pc lo:dv:pc Bv ngoluk abukvdv:dcm lukamdcmpc.”

ROMANKVDVNG 4:16

Cdcmpila:na cdc mc:jvgdok togc:dagnc, odomvlojen pesunamdc aya:lo du:ycpc odokkc bvk ope:ncgvng appv:dcm bito–lujvglurodc lukamdcmpc tannomang cmpige:la bulu Abrahamkc mc:jvgdokki mc:jgnckvdv:dcmsin, kapila:nc bv appv:lok abbo, cdcm adla lc:namdcmpc,

GALATIANG KVDVNG 3:8

Odokkc Ru:nckc agom jvgla lc:namdc, cdc ka:no:sula Ru:ncbv Bvm kinma:nc tani:kvdv:dcm mc:jvgkokki aidag cmna luyc, po:pcbong Abrahammc tadponc lutaddcm lubino:to, scmpc lula, “Nokkolo tani: opvnkvdv:dc aipaiycm pa:yc.”

AGER KVDVNG 3:25

Nolu lungor agom lunckvdv:dok awokvdv:dc odokkc lugoddokkc okodcm Ru:ncpvncbv noluk abukvdv:dcm bikaji, scmpc Abrahammc lula, ‘Odokkc nok pu:pojarpolo mo:pvsok crang appvngc gerncpu:ncpc iyc.’

KOLOSIANG 3:11

Sido Girikkolang Jiwukopc ilangcima:bong, gadpuknammclang odokkc gadpukma:namc, okkomsin kinma:nc tani:yc, Skiti:yc, pagbo, moge:lvgnam tani:yc, cmpige:la Kristobv appvngc, odokkc appv:lo.

1 KORINTIANG KVDVNG 12:27

Cdcmpinamc nolu Kristokc amvrc odokkc atckpc odok adinamvrc.

1 KORINTIANG KVDVNG 12:12

Kapila:nc amvrdc kapc akonc odokkc bojcrungko angu angu ajon amvr-ammo du:nc, odokkc amvrdok alc alag appv:dc, bojcrungko idaggom, amvr akkongko, cdcmpidag cdc Kristokolo dung.

ROMANKVDVNG 12:5

Kristokolo amvr atcrcngkonc, odokkc tani: akkongkopc akonkcpc akonc alcalagc.

KOLOSIANG 2:19

Odokkc Tukkudcm gaggabtvla du:ma:pc, okolo amvr appv:dc mosv:dagji odokkc lckopc ri:pumsutagji odok mosetsuko kvdv:dok odokkc i:rkvdv:dokki, sv:namdokki sv:do okodc Ru:ncpvnckolokkcji.

IPESIANG KVDVNG 5:32

Sc mcngapla:ma:nam agomsc kvnggv:pc orv:nc agomc odokkc ngo ludung jc cdc Kristomclang modoli:dcm lukanbidag;

METIU 1:1

Abrahamkc awo Dawid, Dawidkc awo Jisu Kristokc ope:lok potindc.

ROMANKVDVNG 9:4

Bulu Israeldo du:nc, odokkc bulu awo omma:pc idag, amin gvnamdc, ru:scg lujvg lurodc:bulu, lujvg lurodcm binamdc, kumnamdc;

2 KORINTIANGKVDVNG 11:22

Bulu Hibriuci? Ngo:sin cdcmpc. Bulu Israelici? Ngo:sin cdcmpc. Bulu Abrahamkolokkc lennci?

GALATIANG KVDVNG 3:19

Kapila cmpcmvlo lujvglurodcm bikan? Cdcm imur inamkvdv:dok lcgangc jvgsetlvgto, osetnamkvdv:dc lenma:sisscm sc:kom pesunamdcm pebikaji; odokkc cdcm taycng lutad lunckvdv:dokki lulvg-gvlvgka pongkokdok ager gernckokki.