GALATIANG KVDVNG 3:15 - ANU LUGOD N. T. (BSI)

¹⁵ Tani: lukam gvkampc luyv:sunamko lubipc, bvrokvdvnga: sc:kosin tani: akolok mc:namcm motumla:mang, cdcmpcmanggom odo moset lvgla:mang, lcko cdcm tolvgycbo:mvlo.

GALATIANG KVDVNG 3:15 ပူးပေါင်းရင်းမြစ်များ

HIBRIUKVDVNG 9:17

Kapcnc mc:namkonc kvnggv:pc ilang-gvlangma:la:yam cdvlo:pc sc:ko cdc turdopc mokuma:dodo:pc cdc sinamo:lo mc:lvgdag.

ROMANKVDVNG 6:19

Ngo tani: lukampc ludung, kapila:nc noluk mo:pvsok tadkino:la:namdokki. Kapila:nc noluk lckoncm alc-alagkvdv:dcm napv:narcmangkolo:pc mclvgnamdcmpc odokkc bottcyangkolokkc bottcya:nc asi:ma:nc agerlo:pc, cdcmpila su:pak noluk alc alakkvdv:dcm dormoagerlo:pc mclvgtoka angunnammcm pa:dopc.

ROMANKVDVNG 3:5

Ckvdaggom ngoluk aima:namki dormo kamangkoki Ru:ncpvncmc dormo innc cmna lcngkandagmvlo, ngolu okkomna luycn?

1 KORINTIANG KVDVNG 15:32

Ngo okkom arckapc pa:don jodi, tani:lukampc ludung, Ipesusolo simvnkokki momvnsuka cmmvlo? Sinckvdv:dcm turmokuma:mvlo “Kajc dola: tv:lai, kapila:nc yampo ngolu sipakyc.”

AGER KVDVNG 1:15

Odo longckvdv:do Pitorbv bvrokvdv:dok ara:do dagrobto (tani:kvdv:dc lckko:pc lvngkokolang yi:nyikai,) odokkc luto,

ROMANKVDVNG 1:13

Ngo nolum kintoka cmna mc:dag, bvrokvdvnga, jc ngo mcna:mcna:pc nolukkolo:pc gvpc cmna mc:to (cmpige:la su:paklo:pc motumna lc:tag,) cdcmpc ila jc ngo:jen nolukkolok arvgcm gaddopc Ru:ncpvncmc kinma:nc tani:kvdvng ara:do:pc cdcmv:pc.

GALATIANG KVDVNG 6:18

Ngolum Ru:tum Jisu Kristokc ayangc noluk yalokvdv:do du:mvnka:langka, bvrokvdvnga. Amen.

HIBRIUKVDVNG 6:13

Kapcnc cdvlo Ru:ncpvncbv Abrahammc pesunamko pesubitonc, Bvkkc sc:kosin bottcya:nc kama:nammc sckkokki pesula:ycji, Bv av avdc pesuto, scmpc lula,

HIBRIUKVDVNG 6:16

Tani:yc aroru:pci bulum bottcya:nc aminki pesudo, odokkc buluk appvng lukur-lure:ycm pesunamkokki arro cmna lunamki lutcrdo.