GALATIANG KVDVNG 3:14 - ANU LUGOD N. T. (BSI)

¹⁴ Jc Abrahamkc akirba:ddc Kristo Jisukolo Ru:ncmc kinma:nc tani:kvdv:do gvangka:langka, odomvlo ngolu Yalodok pesunamdcm mc:jvgkokki pa:la:ycpc.

GALATIANG KVDVNG 3:14 ပူးပေါင်းရင်းမြစ်များ

1 KORINTIANG KVDVNG 12:13

Kapila:nc Yalo akodokki ngolu appvngc amvr akodc baptismongcm langka–Jiwudaggom cdcmanggom Girikdaggom, pagbodaggom cdcmanggom avkc mc:supc du:ncdaggom–odokkc appv:dcm Yalo akkongkolok tv:moto.

IPESIANG KVDVNG 2:18

Kapila:nc Bvkkokki ngolu anyipagc Yalo akkolo Abukodo:pc gva:napc gva:langcm pa:to.

GALATIANG KVDVNG 3:2

Ngom scmmong nolum taumotei: Nolu yalodcm lujvglurodok agerkokki:yc torvgsukan, cdcmanggom mc:jvgla tadla:yc? Nolu odokkvdvkoi monba:ba:ncn?

AGER KVDVNG 2:33

Cdcmpila Ru:ncpvnckc lagbvg alakdo:pc la:sa:langkula:yam, odokkc Abudokkcm Angunnc Yalodok pesubinamdcm pa:la:yam, Bv scm to:lvgtag okodcm nolu ka:begdu:nc odokkc tadbegdu:nc.

1 PITOR 1:22

Noluk yalokvdv:dcm narc:pc mopu:la:yam nolukkc arodcm lukamdcmpc tadla bvrrang kvdv:dcm mc:juppc aipc mc:mvnsula, akoncm akonc kvnggv:pc asinbokki aipc mc:mvnsulangka.

JO:N 7:39

Cdcmpc Bv cdcm Yalodok agomcm luto, sc:kobulu Bvm mc:jvgdagnc torvgsupcnammai; kapila:nc Yalodcm odosin bimangada, lcga:dc Jisumc odosin amin gvmomangada.

IPESIANG KVDVNG 4:30

Odokkc Ru:ncpvnckc Angunnc Yalodcm mc:nying moyoka, sckkolo nolum muworcm tubjettagji motunam longcdok lcgangc.

IPESIANG KVDVNG 3:16

jen Bvk mitc-mircmdok amin gvnamdcmpc Bv:jen nolum tornamki kvnggv:modopc Bvk Yalodokki asin arangkc amibo,

IPESIANG KVDVNG 2:22

sckkolo nolumsin Ru:ncpvnckc dungko okumpc Yalodokki motagji.

GALATIANG KVDVNG 4:6

Odokkc nolu awa:pc inamc, Ru:ncpvncbv Bvk Awodok Yalodcm noluk alakkvdv:do:pc mca:lvgto, jc:la lula, “Abba! Ba:ba!”

GALATIANG KVDVNG 3:16

Su:pak pesunamkvdv:dcm Abrahammc pebika odokkc bvkkolokkc lennckvdv:dcm cdc lumang, “Odokkc osetnamkvdv:do:pc,” bojcrungcm lukanna; cmpige:la akkongcm lukanna, “Odokkc akolokkc lennckvdv:dcm,” sc:kobv Kristobv:ji.

2 KORINTIANGKVDVNG 1:22

Bvk tubjedcm ngolukkolo tublvgto odokkc Bvk Yallom ngoluk asin ara:bo bino:la arorungc cmna bito.

AGER KVDVNG 5:32

Odokkc ngolu odo agomkvdv:dok lukanbinnc, odokkc cdcmv:pc Angunnc Yalodokkc Ru:ncpvncbv sc:kobulum Bvk agom lukamdcmpc tadnckvdv:dcm bitoji.”

AGER KVDVNG 4:12

Odokkc sckkolo:sin motur turnamc kamang, kapila:nc taycng kcyvgso oko amincsin kamang tani:kvdv:dok ara:lo okodokki ngolu mopvsupcnammcji.”

LU:KKC 24:49

Odokkc ka:toka, ngo ngok Ba:bukc pesula lunamcm nolukkolo tolvgdung; cmpige:la sc nogorso du:tedpo:toka, nolum tayc:tokkc ilang gvla:nanncm moru:lvgma:sisscm.”

LU:KKC 11:13

Nolu cdcmpcmvlo, sc:kobulu aima:nc, noluk ommangkvdv:dcm kapc ainc amancm bipcnammcji kindo, cdcm cddvko bojcya: pc taycng among Abubv Angunnc Yalodcm sc:ko koycnc bvm biycnc!”

1 PITOR 3:9

Aima:nc ager gernam lcgangc aima:nc agercm germvnsuyoka cdcmanggom ge:la lunam lcgangc ge:namcm; cmpige:la cdcmyam akirba:d bitoka, kapcnc odok lcga:pc nolum gogto, jen nolu akirba:dko pa:ycpc.