GALATIANG KVDVNG 2:7 - ANU LUGOD N. T. (BSI)

⁷ Cmpige:la odok kekonpc, cdvlo bulu ka:to jc ngom tadponc lutaddcm gadpukma:nam kvdv:dok lcga:pc togc:lvgtak, kapc Pitormc tadponc lutaddokki gadpukma:nam kvdv:do:pc togc:lvgtagji.

GALATIANG KVDVNG 2:7 ပူးပေါင်းရင်းမြစ်များ

AGER KVDVNG 15:12

Odokkc kcba:dok appv:dc aso:pc dungapto; odokkc bulu Barnaba:mclang Poulkc lunamdcm tatto bulu angu tani:kvdv:dok dungkolo oko kanggodcmnang kangaksunamcm lcngkanto cmna lubila:yam.

AGER KVDVNG 18:6

Odokkc cdlo bulu bvm lunamdcm lutumtoji odokkc aima:si:ma:pc lutoji, bvk gcnam attarkvdv:dcm bv pvtto odokkc bulum luto, “Noluk i:yc nolukkolo dungka:langka! Ngo okkomsin kintc:mang. Su:pakkolokkc ngo Angutani: ope:kvdv:do:pc gvycbong.”

AGER KVDVNG 28:28

“Cdcmpcmvlo cdcm nolum kinabmokang ka:langka jc sc Ru:ncpvnckc mopvtsc Ru:ncmc kinma:nc kvdv:do:pc mclvgtagbong; bulu tadycpc.”

AGER KVDVNG 9:15

Cmpige:la Ru:tumbv bvm luto, “Gvkang, kapila:nc bvk ngok balennamko ngok amincm Angu opvn kvdvdcmna: migomkvdv:dcm odokkc Israeldok ommang kvdv:dcm, lutadbigo:dopc;

ROMANKVDVNG 1:5

sckkokki ngolu ayangcm pa:toji odokkc appvng ope:lo:pc bvk amin lcgangc mc:jvgdok lukampc gvdopc mclvgla ager gerncpc ila lubidopc,

ROMANKVDVNG 11:13

Su:pak ngo Angu tani:kvdv:dcm ludung. Ngo cddvkopcjc mclvgla ager germonammcnc;

1 KORINTIANG KVDVNG 9:17

Kapila:nc ngo jodi cdcm ngok mcngkamkokki iyc, ngok amanc dung; cmpige:la ngok avkc ilvngkokki ima:mvlo, ngom bottapc gerpcnam agerkokki lulvgtag.

GALATIANG KVDVNG 1:16

Bvk Awodcm ngom lcngkannvngkang, cdcmpc ikang jc ngo jen Bvm Ru:ncmc kinma:nc tani:kvdv:dok ara:lo lutadbigo:ycpc cmna, ngo adin amvrkokki lumangai,

GALATIANG KVDVNG 1:18

Odokkc dv:tak tagum lcdudo ngo Jerusalempc gvka Kepa:mc gvla ka:pc cmna, odokkc bvk lcdulo dv:tak tagyvngkolang tagngoko du:to.

GALATIANG KVDVNG 1:6

Ngo mcngapla:ma:pc idung jc nolu cddvko lomna mcpakdung Bvm sc:ko nolum Kristokc aya:lo gogtoji odokkc angu tadponc lutadkolo:pc mc:yotdung–

GALATIANG KVDVNG 2:11

Cmpige:la cdvlo Kepa:bv Antiokpc gvtoji bvm ngo ka:de:pc lutumka, Kapila:nc bvm aimang cmna lunamai.

GALATIANG KVDVNG 2:14

Cmpige:la cdvlo ngo ka:to jc bulu yvgcmpc agomcm tadponc lutaddok arodcm ludodcm lumang, ngo luto buluk appv:dok kcra:do Kepa:mc, “Ngo jodi, Jiwuge:la:gom, Ru:ncmc kinma:nc tani:ycmpc du:yc odokkc Jiwucmpc du:mang, kapc no Ru:ncmc kinma:nc kvdv:dcm Jiwucmpc du:dopc du:moru:la:ycn?”

GALATIANG KVDVNG 2:9

Odokkc cdvlo bulu ngom binam aya:dcm mcngkinto, Jakobbv:lang Kepa:bv odokkc Jo:nbv, sc:kobulu vlvng kuntc cmna bottcru:pc amin gvdaganc, ngomna Barnaba:mc ajon jonsunamdok lagbvg alagdcm bito, jc ngo Ru:ncmc kinma:nc tani:kvdv:do:pc gvpcnammc odokkc bulu gadpuknam kvdv:do:pc;

1 TISSALONIANG 2:4

Cmpige:la kapc ngolum tadponc lutaddcm togc:lvgdopc Ru:ncpvnc bvkkokki tolvgtonc, cdcmpila ngolu agomdcm ludo, tani:kvdv:dcm mc:lvgsumopc cmna imang, cmpige:la Ru:ncpvncmc mc:lvgsudopc sc:kobv ngoluk asinkvdv:dcm anka:la ka:dagji,

1 TIMOTI: 1:11

Ru:cpvnckc akirba:d pa:nc tadponc lutaddokkcmpc ima:ji ngom okodokki lugablvgtagji.

1 TIMOTI: 2:7

Odok lcgangc ngom lutad luyirncpclang mclvgla ager gerncpc mclvgbito kapc ngo arodcm lubitu:ji, ngo lume:ycm lumang, Angu tani:kvdv:dok poyirnc mc:jvglo:lang arolo.

2 TIMOTI 1:11

Sc tadponc lutadsok lcgangc ngom lutadbigo:ncpc agercm togc:lvgtungai odokkc cdcmpidag ngo ipusire:ycm pa:do ngo kapc idoji.

2 PITOR 3:15

Odokkc ngoluk Ru:tumkc mentumsula du:tedpo:la du:namdcm mopvnammc cmna kvlangka. Cdcmv:pc ngoluk aipc mc:bomsunam Bvro Poulbv:sin nolukkolo:pc bvm kinnam agom binamdcmpc adka,