GALATIANG KVDVNG 2:4 - ANU LUGOD N. T. (BSI)

⁴ Cmpige:la lume:lunc bvrrangcm kinmango:pc gva:bola, sc:ko ngo mcngkampc du:namcm ruyugla tadlenpc cmna gva:tonc okodc ngolukkc Kristokolo du:ji, jc bulu ngolum makana:lo tumla:dopc cmna–

GALATIANG KVDVNG 2:4 ပူးပေါင်းရင်းမြစ်များ

LU:KKC 5:38

Cmpige:la anu angur ala:dcm alang pvgcngkolo pvpa:ru:yc.

AGER KVDVNG 15:1

Cmpige:la Judia:dokkc tani:ckkc gvla bvrokvdv:dcm luyirra dungai, “Mose:kc itcnggvtc:dcmpc nolu gatpukma:mvru:lo nolum moturma:yc,”

AGER KVDVNG 15:24

Nolum agomkokki ngolukkosok tani:ckkcnc mc:dvrmcso:moto cmna ngolu tadla:yam, noluk asinkvdv:dcm mc:sat-sula:ma:la, ngolu bulum oko luyircmsin lukailvgmanggom,

AGER KVDVNG 20:30

odokkc nolukkolok avyvngkolokkc tani:kvdvngc lenna tu:ladnc agomcm luyc, buluk lcdulo:pc mc:jvgnc gvmvnnc tani:kvdv:dcm gvpakdopc cmna.

ROMANKVDVNG 8:15

Kapila:nc nolu pcsokupc cmna pagbolok yallom torvgsumangai, cmpige:la nolu awo:lok yalodcm torvgsuto. Cdvlo ngolu “Abba!” Cmna gogtoji;

2 KORINTIANGKVDVNG 11:13

Kapila:nc cdcmpinc tani:kvdv:dc lume:pc lunc mclvgla ager germonamkvdvngc, yadgo:nc ager gernc, av avkvdv:dc Kristokc mclvgla ager germonammc cmna lc:sula lcngkansudag.

2 KORINTIANGKVDVNG 11:17

(Okodcm ngo ludonc ngo Ru:tumkc ilanggvla:dokki ludo cmpige:la monba:ba:nc koncmpc, sc bottapc mc:sunamsokki.

2 KORINTIANGKVDVNG 11:20

Kapila:nc noluk pagbo tani: akonc iycmvlo cdcm mc:yinsudo, cdcmanggom nolum moyetycmvlo, cdcmanggom nolum mcge:la mc:namko ipc mc:ycmvlo, cdcmanggom nolum yc:bomna gvycku, cdcmanggom nappa:dok nolum piyc.

2 KORINTIANGKVDVNG 11:26

lckko lckko:lo mo:dopc gvddcm, a:nclok pcsopcnamlo, rodkudnclok pcsopcnamlo, ngok avkc tani:kvdv:dokkc pcsopcnamc, Angu Tani:kvdv:dok pcsopcnamc, nogorlo pcsopcnamc, yumra:lo pcsopcnamc, siycnglo pcsopcnamc, lume: lunc bvrokvdv:dokkc pcsopcnamc;

2 KORINTIANGKVDVNG 3:17

Su:pak Ru:tumbv Yalodo, odokkc okoloi Ru:tumkc Yalodc du:nc, odo mc:sarc dung oddoi mo:ro:mo:tiyc.

GALATIANG KVDVNG 1:7

angu tadponc lutadkojc dung cdcmang, cmpige:la akke dung sc:kobulu nolu moki:moatdu:nc odokkc Kristokc tadponc lutaddcm aima:pc imolv:dag.

GALATIANG KVDVNG 4:25

Su:pak Hagardc Sinai Adi:dc Arabiangclc; bv su:pak Jerusalemdcm lckodag, kapila:nc bvk ommangkvdv:dokki bv pagncpc ila dung.

GALATIANG KVDVNG 4:3

Cdcmpila ngoluk lcdulo; cdvlo ngolu ko:kanga:ji, ngolu mo:pvsok lenpo:nc ncrkvg yalokvdv:dok pagbai.

GALATIANG KVDVNG 5:1

Kapila:nc ami kcvglo du:ma:nam lcgangc Kristobv ngolum motuto; kvnggv:la du:toka cdcmpidag, odokkc pagbolok jungoli:lo tuogsuyoka.

GALATIANG KVDVNG 5:10

Ngokkc Ru:tumkolo asin kvnggv:pc mc:tinc dung jc nolu ngokkcdcmyam angu oko mc:namcm mcma:yc; odokkc nolum sc:kobv ipusireycm idu:nc bvk kcba:ba:namcm pa:yc, bv sc:koibv:daggom.

2 TIMOTI 3:6

Kapcnc buluk ara:dok cdc sc:kobulu cra:lo:pc buluk lambcm gva:dag odokkc milbomago:nc nc:ngkvdv:dcm gagdag, pa:bcm jo:dag odokkc angu angu mc:nam agercm gerdag,

JAKOB 1:25

Cmpige:la sc:kobv aiyo:pc ainc lujvg lurodo:pc ka:dagji, appvngcm aipc mc:mvnsunamlok lujvg lurodcm, odokkc mcmang-ke:ke:pc lukam tadtvla tadyc, mitpankunc tadncpc imang cmpige:la gerncpc cdc incdcmbulumpc iyc, bv bvk inam gvnamlo:bulu akirba:d pa:yc.

1 PITOR 2:16

Av mcngkampc du:ncpc turla du:langka, cdcmanggom noluk av mcngkampc du:namdcm aima:nc ager gernapc iyoka; cmpige:la Ru:ncpvnckc ager gerya:ncpc ilangka. Appvng tani:ycm mcnggclangka.

2 PITOR 2:19

Bulu avkc mcngkam mcngkampc agomcm pesula lubidag, cmpige:la bulu avkvdv:dc imursiyarnclok pagbo; kapcnc okodci tani:akoncm mopvdagnc, odokkcpc bv pagbopc idag.

1 JO:N 4:1

Aipc mc:bomsunam kvdvnga, appvng yallom mc:jvgyok, cmpige:la yalokvdv:dcm anka:la ka:langka Ru:ncpvnckcji: bvkkcma:ji; kapcnc bojcrung lume:pc lungor-lunnc mo:pvsc gvlenamka:bong.

JU:D 1:4

Kapcnc akke lc:sula gva:nammcm avpc pa:tobong sc:ko bojcrungko po:pcbong cdc lukenamdcm lulvgtungaji, dormokama:nc amikvdv:dc sc:kobulu ngoluk Ru:ncpvnckc aya:pc mc:namdcm aima:pc luyotla lubidagji mc:bo-ka:bogo:namlo:pc odokkc ngoluk Gvgurbonclang Ru:tum, atcrongdcm Jisu Kristomc lupakla ludagji.