GALATIANG KVDVNG 2:21 - ANU LUGOD N. T. (BSI)

²¹ Ngo Ru:ncpvnckc aya:dcm lupakmang; kapila:nc jodi aidag cmnamdc lujvglurodokki ludagamvlo, cmpcmvlo Kristobv atv agom kama:pc sikang.

GALATIANG KVDVNG 2:21 ပူးပေါင်းရင်းမြစ်များ

ROMANKVDVNG 11:6

Cmpige:la cdc ayangkokkimvlo, cdc ager gernamdokkima:bong; ckvma:mvlo ayang abodc cdvlosin ayang abbopc ila du:ma:bong.

GALATIANG KVDVNG 3:21

Cmpcmvlo lujvglurodc Ru:ncpvnckc pesunamdok birudi:yci? Cdcmpcru:mangkc; Kapila:nc jodi lujvgluro abangkoncm okodc turmodokupc bitungamvlo, cmpcmvlo dormokanamdc aroru:pc lujvglurodokki pa:yc.

HIBRIUKVDVNG 7:11

Cdcmpinamc aiyo:pc ainamc jodi Lebi:kvdv:dok dormo ager gernam kvdv:dokki pa:la:dagmvlo (kapcnc odokki tani:kvdv:dc lujvglurodcm pa:to.) Oko bojcyangko odo lagidagabo:n Melkijedekkc ikamdcmpc lcdudokkc dormo ager gerncko lenpc, Aronkc amin minnamdok lcdudo ako minnamdcmyam?

1 KORINTIANG KVDVNG 15:14

jodi Kristomc turmotokumang odomvlo ngoluk lutadbinamdc cmmumc.

GALATIANG KVDVNG 2:16

Ckvdaggom sc:ko kindag jc tani:akonc lujvg lurodok agerkvdv:dokki ainc cmna lumang cmpige:la Jisu Kristomc mc:jvgnamdokki, anki ngolu Kristo Jisukolo mc:jvglo, Kristokolo mc:jvgla ainc cmna ludopc, odokkc lujvglurodok agerkvdv:dokki sc:kosin ainc cmna luma:yc.

ROMANKVDVNG 10:3

Kapila:nc, dormokanamdcm kinma:pc du:la cdc Ru:ncpvnc kodokkc gvncdcm, odokkc buluk avkcdcm mogablvgpc cmna, bulu Ru:ncpvnckc dormokanamdo:pc tolvg tomang.

1 KORINTIANG KVDVNG 15:2

okodokki nolu turdu:ji, cdcm nolu kvnggv:pc gagla du:mvlo–ckvma:mvlo nolu cmmumpc mc:jvgto.

GALATIANG KVDVNG 2:18

Cmpige:la ngo jodi cdc attarkvdv:dcm motenycku okodcmbulum mosedamtoji, odo ngo avycm pa:b innc cmna avyc lukansudung.

ROMANKVDVNG 8:31

Ngolu okkom cdcmvlo scm luycn? Ru:ncpvncbv ngolukkcpc imvlo, sc:kon ngoluk birudi:dc?

MARKKC 7:9

Odokkc Bv bulum luto, “Nolukkc Ru:ncsa:nckc lulvgnamdcm tadma:pc mc:nanc ainc lambc dung, noluk itcng-gvtcng kvdv:dcm itvla du:pc cmna.

1 KORINTIANG KVDVNG 15:17

Jodi Kristomc turmotokumang, noluk mc:jvgdc mc:murc odokkc nolu su:paksin noluk pa:pkvdv:do dung.

ROMANKVDVNG 4:25

sc:komc ngolum imur siyarnamkokki sidopc tolvgtoji odokkc ngoluk aikunam lcgangc turmotokuji.