GALATIANG KVDVNG 2:20 - ANU LUGOD N. T. (BSI)

²⁰ Ngom Kristokokki kurusdo pvtketo; cdc ngo:ma:bong sc:kobv turdu:ji, cmpige:la Kristobv sc:ko ngokkolo turdu:ji; odokkc ngok adinamvrki turnamdc ngo su:pak Ru:ncpvnckc Awodo mc:jvgdo turdung, sc:kobv ngom aya:tonc odokkc Bv avdc ngok lcgangc bitoji.

GALATIANG KVDVNG 2:20 ပူးပေါင်းရင်းမြစ်များ

GALATIANG KVDVNG 5:24

Odokkc cdc sc:kobulu Kristokcpc idagji Jisukcjc adin amvrdcm kurusdo pvtketo odok mc:nam sagnam dc:mang.

2 KORINTIANGKVDVNG 5:15

Odokkc Bv appvngkc lcgangc sikang, jc cdc sc:kobulu turycji buluk avkc lcganc cdvlosin turma:bong cmpige:la Bvk lcgangc sc:kobv buluk lcgangc sikaji odokkc turmotokuji.

ROMANKVDVNG 6:8

Cmpige:la ngolu Kristokc lcdulo sitomvlo, ngolu mc:jvgdo jc ngolusin Bvk lcdulo turyc.

GALATIANG KVDVNG 6:14

Ckvdaggom Ru:tum Jisu Kristokc Kurusdokma:pc ngokkolokkc cdc amin gvnamdc mo:tcngka:langka, odokkci rcngamscm ngokkcpc Kurusdo lvgto, odokkc ngo rcngamsokkcpc.

2 KORINTIANGKVDVNG 13:5

Avycm avyc anka:sula ka:sutoka, noluk mc:jvgcm mcnggaptvla du:ji du:ma:ji. Avycm avyc ankang kangkvsutoka. Nolu mcngkvsuma:nci nolujc Jisu Kristokolo du:nc?– aroru:pc nolu ankang kangkvnamdcm ka:la:ma:mvlo!

ROMANKVDVNG 6:13

Noluk amvramokvdv:dcm pa:plo:pc mclvgyoka aisi:ma:nc agergernanc attarpc idopc, cmpige:la nolu av avkvdv:dcm Ru:ncpvnc kolo:pc tolvglangka sc:ko tani:kvdv:dcm sikolokkcm turmotokuji cdcmpc, odokkc noluk alc alagkvdv:dcm Ru:nc pvnckolo:pc dormo inamlok ager gernanc attarcmpc.

1 TISSALONIANG 5:10

sc:kobv ngoluk lcgangc sika:ji odomvlo jen ngolu darra du:daggom cdcmanggom yubla du:daggom ngolu Bvk lcdulo turra du:ycpc.

TITUS 2:14

sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.

GALATIANG KVDVNG 1:4

sc:kobv ngoluk pa:pkvdv:dok lcngangc avdcm tolvgsutoji ngolum aima:nc du:nam dv:takkvdv: sokkcm mopvtpc cmna, ngoluk Ru:ncpvnc odokkc Abudok mcngkampc;

JO:N 17:21

nokkcmpcsinci, Abba, ngokkolo, odokkc ngo nokkolo, bulusinjen ngolukkolo, odomvlojen rcngamsc mc:jvgycpc no ngom mclvgtung cmna.

ROMANKVDVNG 8:37

Ma: cdc appvng ara:do ngolu mopvncmsinyam mopvya:nc ngolum sc:kob aipc mc:tonc bvkkoki.

1 JO:N 5:20

Odokkc ngolu kindag jc Ru:ncpvnckc Awodc gvka odokkc ngolum mcngkinsunamcm sc:kobv arroji Bvm kindopc bito; odokkc ngolu Bvkkolo dung sc:kobv arroji, Bvk Awo Jisu Kristokolo. Sc:na aro Ru:ncpvncdc odokkc lo:dv longkvpc turra du:namdc.

IPESIANG KVDVNG 5:2

Odokkc aipc mcnamlo lambcm gvlangka, kapc Kristobv ngolum aipc mc:toji odokkc Bv avdc ngoluk lcgang sigcbitoji, Ru:ncpvnckolo:pc namponc to:lvgnam odokkc palvgnammcmpc.

PILIPIANG KVDVNG 4:13

Bvkkolo ngo appvng agercm gerra:dag sc:kobv ngom kvnggv:modagji.

IPESIANG KVDVNG 3:17

odokkc jc Kristobv:jen noluk asin arangkvdv:do mc:jvgkokki du:ycdagycpc; jc nolu, aipc mc:namlo appvrc amo:bo pvrgabycpc.

GALATIANG KVDVNG 3:11

Su:pak cdc kinnamcbong jc oko tani:ycsin Ru:ncpvnckc kcra:do ainc cmna lujvglurodokki lumang; kapila:nc “Sc:kobv mc:jvgkokki dormo kadagji turyc.”

JO:N 3:16

Kapila:nc Ru:ncpvncbv mo:pvscm cddvpcjc aipc mc:tonc Bv avkc atcr Awodcm bito, Bvm mc:jvgnc takamci sima:yc cmpige:la turyarla turla du:namcm pa:yc.

1 JO:N 1:7

cmpige:la ngolu jodi pva:lo lambcm gvyc, kapc Bv pva:lo du:nc, ngolukkc akonki akonc ajonc jonsunammc dung, odokkc Jisukc Bvk Awodok i:dc ngolum appvng pa:plokkcm la:pakdag.

KOLOSIANG 1:27

Bulum Ru:ncpvncbv kinmopc bala la:to cddvko Ru:ncmc kinma:nc tani:kvdv:dok ara:do cddvko Bvk mcngapla:ma:nam amin gvnamkvdv:dc bottadagji, okodc Kristobv noluk ara:do du:ji, amin gvnamdok mc:tindc.

ROMANKVDVNG 5:2

Bvkkokki ngolu sc aya:so:pc gva:begto ngolu oko ara:lo dagdu:ji, odokkc ngolu Ru:ncpvnck aipaidcm ngolu lukonsula mc:pomola:do.

ROMANKVDVNG 1:17

Kapila:nc Ru:ncpvnckc dormo kanamdc mc:jvgkokki mc:jvglcgangc lenkang; cdcm kapc adla lc:tagji, “Sc:kobv mc:jvgki dormokadagaji turyc.”

2 KORINTIANGKVDVNG 13:3

Kristobv:jc ngokkokki agom ludag cmnamdcm kangodko ka:lvgdagnc. Bv nolum iko-sangkolo tornam kama:pc imang, cmpige:la Bv nolukkolo torncrungc.

LUNGOR LUNAM 1:5

odokkc Jisu Kristokolokkc cdc mc:jvg jvrvgnc lukanbincdc, sinckvdv:dok opongarnamdc, odokkc mo:pvsok migomkvdv:dcm ka:sv:mosv:ncdc.

1 TISSALONIANG 1:10

Turra du:nc odokkc aro Ru:ncpvnckolok agerko gerpc, odokkc tayc:tokkcm Bvk Awodok lcgangc toya:la du:pc, sc:kom Bv sikolokkcm turmotokuji, Jisumc sc:kobv a:pcnc palvg lvgnamdokkcm ngolum mopvtyckuji.

JO:N 10:11

“Ngo:na ainc bera soben kanggabya:ncdc. Ainc bera soben kanggabya:ncdc bvk turnamdcmci bera sobenkvdv:dok lcgangc tolvgdag.

JO:N 6:57

Turra du:nc Abudc kapc ngom mclvgtoji, odokkc ngo Abukc lcgangkokki turdu:nc, cdcmpc sc:kobv ngom doycnc ngok lcgangkokki turyc.

LUNGOR LUNAM 3:20

Ka:toka, ngo yabgodo dagla dungge:la piku:do: jodi sc:kai akonc ngok gomugdcm tadbegyc odokkc yabgodcm moge:yc, ngo bvkkolo:pc gva:yc odokkc bvk lcdulo du:mvnyc, odokkc bv:sin gnokkolo.

1 PITOR 1:8

Bvm ka:begma:pci Bvm nolu aipc mc:dag; su:pak nolu Bvm ka:begmanggomci nolu Bvm mc:jvgdag odokkc mcngkinla odokkc mc:pobadsula mc:podag.

METIU 20:28

Cdcmyam tani:kc Awodci ila:sa:la bikosukapcmang ikasangkapc gvto, odokkc Bvk turnamcm bojcrungcm rclatnakupc cmna bikapc gvka.”

JO:N 15:13

Tani:akonc bvk ajondok lcgangc turnamcmci tolvgbinamcmyam, bottcya:pc aipc mc:namc kamang.

GALATIANG KVDVNG 2:16

Ckvdaggom sc:ko kindag jc tani:akonc lujvg lurodok agerkvdv:dokki ainc cmna lumang cmpige:la Jisu Kristomc mc:jvgnamdokki, anki ngolu Kristo Jisukolo mc:jvglo, Kristokolo mc:jvgla ainc cmna ludopc, odokkc lujvglurodok agerkvdv:dokki sc:kosin ainc cmna luma:yc.

2 KORINTIANGKVDVNG 10:3

Kapila:nc ngolu mo:pvso turra dunggom ngolu mo:pvsok mimagcm mola du:mang,

JO:N 6:69

Odokkc ngolu mc:jvgtobong, odokkc ngolu kintobong jc no Ru:ncpvnckc angunncdc.”

JO:N 1:49

Natanaelbv bvm lubito, “Rabbiya, no Ru:ncpvnckc Awodc:na No:na Israelodok migomdc!” Jisubv bvm lubito.

2 KORINTIANGKVDVNG 1:24

Cdc cdcmang jc ngolu noluk mc:jvgdok tayc:do ru:tumpc imang; ngolu noluk lcdulo agercm gerto noluk mc:ponam lcganc, kapila noluk mc:jvglo nolu kvnggv:la dung.

AGER KVDVNG 9:20

Odokkc kumko okumkvdv:do oddung bv Jisumc lutadgo:to, scmpc lula, “Bv Ru:ncpvnckc Aowo.”

IPESIANG KVDVNG 5:25

Milbongkvdv:dc, noluk nc:ngkvdv:dcm aipc mc:langka, kapc Kristobv mondoli:dcm aipc mc:dagji odokkc bvk lcgang avdc Bv sigclvgtoji.

2 KORINTIANGKVDVNG 5:7

Kapila:nc ngolu mc:jvgkki lambcm gvdo, ka:namkimang.

JO:N 3:35

Abudc Awodcm aipc mc:dag, odokkc appvng attarcm Bvk alaglo bito.

1 JO:N 4:14

Odokkc ngolu ka:tobong jc lukancm lubitu:bong jc Abudc Rcngamsok Mopvtncpc idopc Bvk Awodcm mclvgto.

AGER KVDVNG 8:36

Odokkc bulu asiko gvpa:suto, odokkc magma:ncdc luto, “Ka:toka, sc:na assc du:nc!

METIU 4:3

Odokkc ka:bomc:bomoka:ncdc gva:la bvm luto, “No Ru:ncpvnckc Awomvlo, sc vlvngkvdv:scm pita:pc idopc lulvgkvka,”

ROMANKVDVNG 3:22

Ru:ncpvnckc dormokanamdc Jisu Kristom mc:jvgnamkokki appvngkc lcgang sc:kobulu mc:jvgdagji. Kapila:nc angupc lcngkannammc kamang;

ROMANKVDVNG 4:25

sc:komc ngolum imur siyarnamkokki sidopc tolvgtoji odokkc ngoluk aikunam lcgangc turmotokuji.

ROMANKVDVNG 5:6

Nolu cdvlo mc:lang-gvla:ma:la dungaji, odo ayirardo Kristobv ngolu aisi:ma:pc inamkvdv:dok lcga:pc sikang.

ROMANKVDVNG 5:8

Cmpige:la Ru:ncpvncbv ngoluk lcgangc ayangcm lcngkandag odo cdvlo ngolu papi:la dungaji Kristobv ngoluk lcgangc sibikang.

ROMANKVDVNG 8:10

Cmpige:la Kristobv nolukkolo du:mvlo, noluk amvrkvdv:dc sidagcigom pa:p lcgangki, noluk yalokvdv:dc dormo agerkokki turra dung.

ROMANKVDVNG 14:7

Ngolukkolok sc:kosin avkcpc turmang, odokkc ngolukkolok sc:kosin avkcpc simang.

1 KORINTIANG KVDVNG 6:17

Cmpige:la sc:kobv Ru:tumkokki lckoka:ji Bvk lcdulo yalo akkongkopc idag.

2 KORINTIANGKVDVNG 5:14

Kapila:nc Kristokc aipc mc:namdc ngolum kanggabbomdag, kapila:nc ngolum kinmotag jc akonc appvngkc lcgangc sikang; cdcmpidag appvngc sikang.

2 KORINTIANGKVDVNG 11:10

Kapc Kristokc arodc ngokkolo du:ji, sc ngok bottapc lusunamsc Akhaya mo:takdo aso:pc du:ma:yc.

PILIPIANG KVDVNG 1:21

Kapcnc ngokkcpc turra du:namdc Kristobv, odokkc sinamdc avnammc.

HIBRIUKVDVNG 8:3

Kapcnc dormo ager gernc bottcnc appvngcm aman kvdvngcm odokkc palvgcm bidopc tolvgtag; cdcmpidag sc dormo ager gerncscmsin o:kaiko bidopc ipc lagidag.