GALATIANG KVDVNG 2:19 - ANU LUGOD N. T. (BSI)

¹⁹ Kapila:nc ngo lujvglurodokki lujvglurodokkcpc sito, jc ngo Ru:ncpvnckcpc turra:dopc.

GALATIANG KVDVNG 2:19 ပူးပေါင်းရင်းမြစ်များ

ROMANKVDVNG 7:4

Cdcmv:pc, ngo bvrokvdvnga, nolu lujvglurodokkcpc sitobong Kristokc amvrdokki, odomvlojen nolu amikcpc idopc bvkkcpc sc:kom sikolokkcm turmotokuji ngolujen Ru:ncpvnckcpc a:ycm e:dopc.

ROMANKVDVNG 6:2

Kapcsin imang! Kapc ngolu sc:kobulu pa:plcgang sinckvdv:dc odo lckoda turra du:ycn?

1 TISSALONIANG 5:10

sc:kobv ngoluk lcgangc sika:ji odomvlo jen ngolu darra du:daggom cdcmanggom yubla du:daggom ngolu Bvk lcdulo turra du:ycpc.

2 KORINTIANGKVDVNG 5:15

Odokkc Bv appvngkc lcgangc sikang, jc cdc sc:kobulu turycji buluk avkc lcganc cdvlosin turma:bong cmpige:la Bvk lcgangc sc:kobv buluk lcgangc sikaji odokkc turmotokuji.

ROMANKVDVNG 6:11

Cdcmpidag nolusin av avkvdvngc pa:b lcgangc sinnc cmna mcngkinsupcnammc odokkc Ru:ncpvnckcpc Kristo Jisu kolo turpcru:nammc.

ROMANKVDVNG 8:2

Kapila:nc Yalodo du:nc Kristo Jisukolok du:nam dagnamdok lujvglurodc ngom pa:bdokkclang sinamdok lujvg-lurodokkcm motuto.

1 PITOR 2:24

Bv avdc ngoluk pa:pkvdv:dcm Bvk avkc amvrdo Kurus talc:do jonggcbito, jc ngolu pa:p lcgangc siycpc odokkc dormo kanamlokkcpc turycpc. Bvk tarckvdv:dokki nolum csa:motoku.

ROMANKVDVNG 6:14

Kapcnc pa:bc nolum motapla:ma:ycbong, kapcnc nolu lujvg lurodok kcvgma:bong cmpige:la aya:dok kcvglo:mvn du:la.

1 PITOR 4:6

Kapcnc cdcmpila:na cdc tadponc lutaddcm sinckvdv:dcmsin lutadbikanc, jc tani:kvdv:dcmpc adin amvrro kcbangcm ba:daggomsinci, bulu Ru:ncpvnckcmpc yalodo turla du:la:ycpc.

HIBRIUKVDVNG 9:14

Kristokc i:dc cddvko abaya:pc, sc:kobv lo:dv-longkvpc du:nc Yalodc avdc atvko lumurko kama:pc Ru:ncpvnckolo:pc bisutonc, noluk mc:namsagnamcm narc:moycnc sinam agerkvdv:dokkcm turra du:nc Ru:ncpvncmc agerki kumpc.

TITUS 2:14

sc:kobv avdc ngolum rcpvtkupc cmna appvng Bvk avkc lcgangc Bvk avkc tani:ckkc sc:kobulu ainc ager lcgangc anguru:nc tani:yc.

KOLOSIANG 2:20

Nolu jodi Kristokc lcdulo simvnkang Mo:pvsok ncrkvg yalokvdv:do sika:bong, kapila nolu su:paksin mo:pvsokkcmpc turdon? Kapila nolu lujvglurokvdv:do tolvgsudon.

GALATIANG KVDVNG 3:24

Odomvlojen lujvglurodc Kristobv gvma:dodo:pc ngolum kanggapya:nai, jc ngolum mc:jvgkokki ainc cmna lunampc iycpc cmna.

GALATIANG KVDVNG 2:20

Ngom Kristokokki kurusdo pvtketo; cdc ngo:ma:bong sc:kobv turdu:ji, cmpige:la Kristobv sc:ko ngokkolo turdu:ji; odokkc ngok adinamvrki turnamdc ngo su:pak Ru:ncpvnckc Awodo mc:jvgdo turdung, sc:kobv ngom aya:tonc odokkc Bv avdc ngok lcgangc bitoji.

KOLOSIANG 3:3

Kapila:nc nolu sikang odokkc, odokkc noluk Ru:ncpvnckolo Kristokokki lc:sula lc:tung.

GALATIANG KVDVNG 3:10

Kapcnc sc:kobulu lujvglurodok agerkvdv:do mc:jvgla kcgc:donc pelvgnammc; kapila:nc cdcm adtag, “lujvgluro potindok adnam appv:dcm adkamdcmpc imanggvma:nc appv:dcm pelvgnampc ika:langka, odokkc cdcmbulum ima:nc.”

1 KORINTIANG KVDVNG 10:31

Cdcmpidag, nolu dodaggomba tv:daggom, cdcmanggom okodcmci no idonc, Ru:ncpvnckc amin gvnam lcgangonc itoka.

ROMANKVDVNG 7:14

Ngolu kindag jc lujvglurodc yalodok agompc innc; cmpige:la ngo adinamvrdcmpc innc, pa:blo:pc kolvgnammc.

ROMANKVDVNG 5:20

Lujvg-lurodc angkang, imursiyardcm ibarmopc cmna; cmpige:la okolo pa:bc bojcka:ji, ayangc cdc appv:dcmyam bojcyangkang,

ROMANKVDVNG 4:15

Kapila:nc lujvglurodc aglvngcm lv:modag, cmpige:la okolo lujvglurro kama:ji odo imur siyarc kamang.

1 KORINTIANG KVDVNG 9:20

Jiwu kvdv:do:pc ngo Jiwuakopc ito, Jiwukvdv:dcm mopvtpc cmna; cdc lujvg lurodok kcvgpc du:nckvdv:dokkcpc ngo lujvg lurodok kcvgpc du:ncmpc ito–ngo avyc lujvglurodok kcvgdo du:mangagom–jc ngo:jen cdc lujvglurodok kcvgdo du:nckvdv:dcm mopvtpc.

GALATIANG KVDVNG 6:14

Ckvdaggom Ru:tum Jisu Kristokc Kurusdokma:pc ngokkolokkc cdc amin gvnamdc mo:tcngka:langka, odokkci rcngamscm ngokkcpc Kurusdo lvgto, odokkc ngo rcngamsokkcpc.