GALATIANG KVDVNG 1:16 - ANU LUGOD N. T. (BSI)

¹⁶ Bvk Awodcm ngom lcngkannvngkang, cdcmpc ikang jc ngo jen Bvm Ru:ncmc kinma:nc tani:kvdv:dok ara:lo lutadbigo:ycpc cmna, ngo adin amvrkokki lumangai,

GALATIANG KVDVNG 1:16 ပူးပေါင်းရင်းမြစ်များ

METIU 16:17

Odokkc Jisubv bvm luto, “No aipai pa:nc, Simon Bar-Jonanga! Kapila:nc i:adinki cdcm nom lukanbimang, cmpige:la taycngamo:tok ngok Abubvc: lumoto.

IPESIANG KVDVNG 6:12

Kapcnc ngolu adinkokkilang odokkc i:kokki moka:mvnsumang, cmpige:la migomdonckvdv:dok biru:di:pc, ilang-gvlangkvdv:dok birudi:dokki, sc mo:pvscm silomclokc kcmolok mo:pvsok migom donckvdv:dok birudi:pc, taycng dungkokvdv:dok aima:n ager gernc yalo igur-gvgurnckvdv:dok birudi:pc.

IPESIANG KVDVNG 3:1

Odok lcga:pc ngo, Poulbv, Kristo Jisukc lcgangc makana:lo tumnamc nolu Angu tani:kvdv:dok lcgangc.

2 KORINTIANGKVDVNG 4:6

Kapila:nc cdc Ru:ncpvncbv sc:kobv ludagnc, “Kcmodo pvangc pvka:langka,” sc:kobv ngoluk asin ara:bo kinnamlok pva:dcm dormotoji Ru:ncpv:nckc amin gvnamdokkcm Kristokc dumsimigmolo.

ROMANKVDVNG 11:13

Su:pak ngo Angu tani:kvdv:dcm ludung. Ngo cddvkopcjc mclvgla ager germonammcnc;

AGER KVDVNG 22:21

Odokkc bv ngom luto, ‘Gvkang; kapila:nc ngo Angu tani: mo:tc:pc du:nc tani:kvdv:do:pc nom mclvgyc.’ ”

AGER KVDVNG 9:15

Cmpige:la Ru:tumbv bvm luto, “Gvkang, kapila:nc bvk ngok balennamko ngok amincm Angu opvn kvdvdcmna: migomkvdv:dcm odokkc Israeldok ommang kvdv:dcm, lutadbigo:dopc;

METIU 26:41

Darra du:toka odokkc kumtoka nolum unkang ka:namc pa:ma:dopc; asindc aropakpci du:lvdag, cmpige:la adindc rcmakdag.”

HIBRIUKVDVNG 2:14

Cdcmpila:yam ommangkvdv:dc adinclang i:kokki, Bv avdc:sin cdcmv:pc cdcmv:pin inam gvnamcm gcmvnto, jc sinamkokki jen Bvm mokela:ycpc sc:kobv sinamlok ilang gvlang du:ji, cdcyam, aima:n ager gerncdc,

2 TIMOTI 1:11

Sc tadponc lutadsok lcgangc ngom lutadbigo:ncpc agercm togc:lvgtungai odokkc cdcmpidag ngo ipusire:ycm pa:do ngo kapc idoji.

1 TIMOTI: 2:7

Odok lcgangc ngom lutad luyirncpclang mclvgla ager gerncpc mclvgbito kapc ngo arodcm lubitu:ji, ngo lume:ycm lumang, Angu tani:kvdv:dok poyirnc mc:jvglo:lang arolo.

1 TISSALONIANG 2:16

odokkc Ru:ncpvncmc mc:nyi:motoji odokkc appvng tani:ycm motumtoji ngolum Angu tani:kvdv:dcm lumoma:dopc jc bulu turdopc–cdcmpc kapc buluk pa:pkvdv:dcm kvnamdcm pv:modopc. Cmpige:la Ru:ncpvnckc aglv:la mokenamdc lcddarpc pvngangkang!

GALATIANG KVDVNG 2:1

Odokkc tagyvngkolang dv:tak tagpi: lcdudo ngo lckoda Barnaba:kc lcdulo Jerusalempc gvto, Titumc ngok lcdulo gvbola.

2 KORINTIANGKVDVNG 5:16

Su:pakkolokkc, cdcmpidag, ngolu sc:komsin tani: mcngkam sagkampc kinma:bong; cdcmpidaggom Kristomc lcko tani: mcnggodlok mc:la mcnggcdagagomsinci Bvm su:pak ngolu cdcmpc cdvlosin mcngkuma:bong.

1 KORINTIANG KVDVNG 15:50

Ngo scm nolum lubidung, bvrrangkvdvnga: adinclang i:yc Ru:ncpvnckc migomdokodcm pa:mvnmang, cdcmpcmanggom yogpagpcncdc yogpakpcma:ncdcmpc pa:tcng itc:mvnmang.

AGER KVDVNG 5:42

Odokkc longgcm longgcm kumko okumdo odokkc okumno Jisubv Kristodc cmnamdcm luyirnammcla lutadgo:namdcm lungasutomang.

AGER KVDVNG 9:20

Odokkc kumko okumkvdv:do oddung bv Jisumc lutadgo:to, scmpc lula, “Bv Ru:ncpvnckc Aowo.”

ROMANKVDVNG 1:5

sckkokki ngolu ayangcm pa:toji odokkc appvng ope:lo:pc bvk amin lcgangc mc:jvgdok lukampc gvdopc mclvgla ager gerncpc ila lubidopc,