GALATIANG KVDVNG 1:10 - ANU LUGOD N. T. (BSI)

¹⁰ Ngo su:pak tani:lok mclvgbinamcm madu:nci, cdcmanggom Ru:ncpvnckolokkcm? Cdcmanggom ngo tani:ycm mc:lvgsumopc cmna ikvdu:nci? Ngo tani:ycm su:paksin aipc mc:lvgsumodu:mvlo, ngo Kristokc ager gerya:ncpc ipcma:namc.

GALATIANG KVDVNG 1:10 ပူးပေါင်းရင်းမြစ်များ

1 TISSALONIANG 2:4

Cmpige:la kapc ngolum tadponc lutaddcm togc:lvgdopc Ru:ncpvnc bvkkokki tolvgtonc, cdcmpila ngolu agomdcm ludo, tani:kvdv:dcm mc:lvgsumopc cmna imang, cmpige:la Ru:ncpvncmc mc:lvgsudopc sc:kobv ngoluk asinkvdv:dcm anka:la ka:dagji,

AGER KVDVNG 5:29

Cmpige:la Pitorbv:lang mclvgla ager germonam kvdv:dc lubito, “Ngolu tani:kvdv:dcmyam Ru:ncpvnckc lunamcm tadpa:ru:pc.

IPESIANG KVDVNG 6:6

amigc ka:la du:namkokki gernamo:mang, tani:ycm aipc mc:monammcmpc, cmpige:la Kristokc ager gerya:ncpc, asinkokki Ru:ncpvnckc mcngkampc agercm gerla.

JAKOB 4:4

Mc:jvg kama:nc ru:namkvdv:nga! Nolu kinma:nci jc rcngamsokki ajon jonnamdc Ru:ncpvnckokki mirupc imvnsunamc cmna? Cdcmpidag sc:kobvi rcngamsokki ajonpc jonpc mc:donc avdc bv Ru:ncpvnckc mirupc mosudo.

METIU 22:16

Odokkc buluk agom tadjvgla gvmvnnc tani:kvdv:dc Bvkkolo:pc mclvgto, Herodkc tani:kvdv:dok lcdulo, scmpc lula, “Luyirna, ngolu kindag no arro, odokkc Ru:ncpvnckc lambcdcm arokopcrung luyirdag, odokkc oko tani:ycmsin sc:komsin pcsomang; kapila:nc no tani:lok adji:bottcm Ka:mang.

KOLOSIANG 3:22

Pagbokvdvnga, mo:pvsok noluk ru:tumkvdv:dcm appv:lo lukamdcmpci tadlangka, amikki ka:la du:dodok agero:mang, tani:kvdv:dcm mc:lvgsummo:pcmang; cmpige:la asin atcrongkokki, Ru:tummc pcsola.

ROMANKVDVNG 2:29

Bv Jiwuyc sc:kobv arang arangbokkcji, odokkc aroru:pc gadpuknamdc asin ara:bok agomcmvn, yalodokkc odokkc lukam lukamardcmpcmang. Bvk lubondc tani:kvdv:dokkcmang cmpige:la Ru:ncpvnckolokkc.

1 JO:N 3:9

Ru:ncpnckolokkc onam sc:kosin pa:bcm imang; kapcnc Ru:ncpvnckc mcngkamgvkamdc bvkkolo du:mvndag, odokkc bv pa:bcm ila:mang lcga:dc bv Ru:ncpvncklokkc lennc.

2 KORINTIANGKVDVNG 12:19

Siddv longcko ngolukkc gvmurc kamang cmna yaddung cmnai mc:du:n? Cdc Ru:ncpvnckc kangkolo:jc ngolu Kristokolo agom ludung, odokkc nolum appvngcm aimopc cmna:mvn aipc mc:bomsunam kvdvnga.

ROMANKVDVNG 2:8

cmpige:la cdc sc:kobulu birudi:dagnc odokkc arodcm lukamdcmpc tadma:nc, cmpige:la aima:nc agerdcm lukamdcmpc taddagnc, odo aglvngclang aglv:la ager gernamc lenyc.

ROMANKVDVNG 1:1

Poulbv, Jisu Kristokc ager gerya:nc akonc, mclvgla gerdopc mclvgnampc gognamkonc.

1 KORINTIANG KVDVNG 10:33

ngo kapc appvng agercm gerdon appvng tani:ycm mc:lvgsudopc ikvla ka:do, ngok avkc ainamcm masuma:pc, cmpige:la bojcrungc aidopc, bulujen turdopc.

METIU 28:14

Odokkc cdc amo: ru:tumdok yeru:lo tadbegycmvlo, ngolu bvm luyin-ludoro:pc odokkc nolum atvkosin imoge:mang.”

AGER KVDVNG 12:20

Cdcmpidodcm Herodbv Ti:rclang Sidondok tani:kvdv:dcm aglvngkangai; odokkc bulu bvkkolo:pc lckko:pc gva:to, odokkc Blastu:mc lulvgla, migomdok bottarya:nc ager gergurnc, mcnganko mato, kapila:nc buluk amo:dc migomdok amo:do dogang lcgangc gvtinsudagai.

METIU 6:24

“Sc:kosin ru:tum anyilok agom tadla agercm gerbila:mang; bv akoncm tayumyc odokkc akondcm aipc mc:yc, cdcmanggom akondc aipakpc mc:yc odokkc akondcm aima:pc mc:la mcpakyc. Nolu Ru:ncpvncmc odokkc murkong uidok agercm lckko:pc gerra:mang.

PILIPIANG KVDVNG 1:1

Poullang Timoti:bv, Kristo Jisukc ager gerya:nc– Kristo Jisukolo du:nc aipc kumnc tani:kvdvng sc:kobulu Pilipi:do du:nc, paduri:kvdv:dokki odokkc dormo ager igur-gvgurnc kvdv:do:pc: