AGER KVDVNG 9:27 - ANU LUGOD N. T. (BSI)

²⁷ Ckvdaggom Barnaba:bv bvm torvgsuto, odokkc bvk mclvgla ager gernam kvdv:do:pc gva:boto, odokkc, bv kapc ali:lambcdo Ru:tummc ka:toji lubito, sc:kobv bvm lubitoji, odokkc Jisukc aminno kapc bv Damasku:do lutad lubikaji.

AGER KVDVNG 9:27 ပူးပေါင်းရင်းမြစ်များ

AGER KVDVNG 4:36

Cdcmpc Josepbv sc:kom mclvgla ager germonamkvdv:dc Barnaba cmna mintcmna amincm mintagaji (okodc a:ng pvtadopc luncdok Awo cmdaganc,)

AGER KVDVNG 4:29

Odokkc su:pak, Ru:tuma, buluk morvdnamdcm kangkvtoka, odokkc nok ager gerya:nc kvdv:dcm nok agomcm appvng asin pvtala lula:dopc imotei,

AGER KVDVNG 4:13

Cdcmpc Pitorkclang Jo:nkc torpc lula:namdcm kangge:la, odokkc ka:namc bulu ponc-lunc tani:mang, cmmum tani:yc, bulu mc:la mcngapla:tomang, odokkc bulu kinto bulu jc Jisukc lcdulo dungai cmna.

GALATIANG KVDVNG 2:13

Odokkc bvk lcdulo Jiwukvdv:dok akedc aima:pc imvnkang, cdcmpc ika:nc jc Barnaba:mc buluk aima:pc inamdokki gvcrbokang.

GALATIANG KVDVNG 2:9

Odokkc cdvlo bulu ngom binam aya:dcm mcngkinto, Jakobbv:lang Kepa:bv odokkc Jo:nbv, sc:kobulu vlvng kuntc cmna bottcru:pc amin gvdaganc, ngomna Barnaba:mc ajon jonsunamdok lagbvg alagdcm bito, jc ngo Ru:ncmc kinma:nc tani:kvdv:do:pc gvpcnammc odokkc bulu gadpuknam kvdv:do:pc;

1 KORINTIANG KVDVNG 15:8

Appv:dok lcdupc, odvma:namlo onamcmpc inam, Bv ngomsin lcngkansuto.

1 KORINTIANG KVDVNG 9:6

Cdcmpcmanggom cdc Barnaba:bv:lang ngowo:ma:lang sckkc turra du:pc ager germa:pc du:namc du:la:nammc kama:nc?

AGER KVDVNG 15:2

odokkc Poulbv:lang Barnaba:bv adji:okosin luka:mvnsutomang, Poulbv:lang Barnaba:bv odokkc angu akke Jerusalempc gvdopc lulvgto mclvgla ager germonam kvdv:do:pc odokkc abv:nc kvdv:do:pc cdc tawunam agomdok lcga:pc.

AGER KVDVNG 13:2

Bulu kumna odokkc doma:tvma:pc du:dom, Angunnc Yalodc luto, “Ngok lcga:pc Barnaba:mclang Soulmc langutei oko ager lcgangc bulum ngo gogtu:ji.”

AGER KVDVNG 12:25

Odokkc Barnababv:la Soulbv Jerusalemdokkc gvlattoku buluk gvla gerpcnam agerdcm gerabge:la, buluk lcdulo Jo:nmc gvbolangkula sck amincm Mark cmtagaji.

AGER KVDVNG 11:25

Odokkc Barnaba:bv Soulmc makapc Tarsupc gvka;

AGER KVDVNG 11:22

Odok lutaddc Jerusalemdo du:nc mondoli:pc pvngkang, odokkc bulu Barnaba:mc Antiokpc mclvgto.

AGER KVDVNG 9:17

Cdcmpila Anania:bv gvkang odokkc okumdo:pc gvangkang. Odokkc bvk tayc:do bvk alagcm pigabge:la bv luto, “Bvro Soula, no oko lambcdokki gvkanc cdc odo Ru:tum Jisubv sc:kobv nom lcngkansukaji, bv ngom mclvgtung no:jen nok amigc ka:begyckupc odokkc Angunnc Yalodcm pa:ycpc.”

AGER KVDVNG 9:29

kvnggv:pc Ru:tumkc aminno lutad lubigo:to. Odokkc bv Helleni: kvdv:dcm lupakluyakto; cmpige:la bulu bvm mokepc cmna mago:to.