AGER KVDVNG 9:26 - ANU LUGOD N. T. (BSI)

²⁶ Odokkc bv cdvlo Jerusalempc gvpv:tokuji bv agom tadjvgla gvmvnnc kvdv:dok lckopc du:pc anka:la ka:to, odokkc bulu appv:dc bvm pcsokangai, kapila:nc bv agom tadjvgla gvmvnncko cmna mc:jvgmangai.

AGER KVDVNG 9:26 ပူးပေါင်းရင်းမြစ်များ

AGER KVDVNG 26:20

cmpige:la Damasku:dokkc kvdv:do:pc lutadbipo:to odokkc, odokkc Jerusalemdokkc kvdv:do:pc odokkc Judia:dok dunggong do:lung appv:do, odokkc Angu tani:appv:do, bulu jen asinc mc:dvrra mc:latsulangkula Ru:ncpvnckolo:pc gvlatyckupc odokkc buluk mc:dvrra mc:latsukunamdcmpc agercm gerycpc.

AGER KVDVNG 9:19

Odokkc bv darobkang odokkc baptismongcm la:to, odokkc donamcm dolangkula kvnggvng kangku. Bojcrung longckopc Damasku:do bv agom tadjvgla gvmvnnc kvdv:dok lcdulo gvmvnto.

GALATIANG KVDVNG 2:4

Cmpige:la lume:lunc bvrrangcm kinmango:pc gva:bola, sc:ko ngo mcngkampc du:namcm ruyugla tadlenpc cmna gva:tonc okodc ngolukkc Kristokolo du:ji, jc bulu ngolum makana:lo tumla:dopc cmna–

AGER KVDVNG 4:23

Bulum cdvlo mclennvgtokunc bulu buluk ajonkvdv:do:pc gvkangku odokkc dormo ager gernckvdv:dc odokkc abv:nckvdv:dc bulum kapc lutoji lubitoku.

METIU 24:10

Odokkc odo bojcrungc mcpagamyc, odokkc akoncm akonc miru alaglo tolvgmvnsuyc, odokkc, akoncm akonc tayummvnsuyc.

AGER KVDVNG 9:25

ckvdaggom agom tadjvgla gvmvnnc kvdv:dc bvm yummcm gvbola sekomnam bare:dok gvidopc mcilvgto, gempakolo lvgge:la ledyi:lvgla.