AGER KVDVNG 7:52 - ANU LUGOD N. T. (BSI)

⁵² Lungor lunckvdv:dok sc:kom noluk abukvdv:dc ipusire:ycm itoma:n? Odokkc bulu cdc Dormokancdc gviyc cmna lungor lunckvdv:dcm mokkeyamto, sc:kom nolu su:pak mirupc mcpaktonc odokkc moketonc,

AGER KVDVNG 7:52 ပူးပေါင်းရင်းမြစ်များ

METIU 5:12

Mc:polangka odokkc mc:yumsutoka, kapila:nc taycng amo:tc noluk amanc bojcrungko dung. Kapila:nc cdcmv:pc tani:kvdv:dc agom lungorla lunckvdv:dcm ipusire:la ika noluk po:pcbong.

LU:KKC 6:23

Odo longcdo yvrra mc:pola so:langka, odokkc mc:pola sumgo:langka, kapila:nc ka:toka, nok amanc taycngamo:to bojcru:ycku; kapila:nc buluk abukvdv:dc cdcmv:pc agom lungornckvdv:dcm ika.

JO:N 16:10

lcga:dc ngo Abukotopc gvdakku, odokkc nolu ngom lckoda ka:begma:ycbong;

AGER KVDVNG 2:23

Ncrkvgpc tarung ru:namdcmpc topaklvgto odokkc Ru:ncpvnckc kinpo:namdcmpc, nolu Kuruslo pvtjonto odokkc lujvgluro kinma:nc tani:kvdv:dok alakki moketo.

AGER KVDVNG 22:14

Odokkc bv luto, ‘Ngoluk abukvdv:dok Ru:ncpvncbv nom totag Bvk mcngkamcm kindopc, Aroncdcm ka:dopc odokkc Bvk nappa:dok gomugcm taddopc;

AGER KVDVNG 3:18

Cmpige:la Ru:ncpvncbv okodcm nappangki lutonc appvng lungornc tani:kvdv:dok agomcm, jc Bvk Kristobv mogvtmomatdcm mopvnammc pa:pcnammc, Bv cdcm lukamdcmpc imoto.

AGER KVDVNG 3:24

Odokkc lungor agom lunc appv:dc, Samuelkolokkc odokkc sc:kobulu odok lcdudo gvkaji, bulumsin sc longckvdv:sok agom lutadbika.

AGER KVDVNG 4:10

cdcm nolu appvngc kinka:langka, odokkc Israeldok tani: appv:dc, jc Najaretolok Jisukc aminkokki, sc:kom nolu kuruslo pvtketonc, sc:kom Ru:ncpvncbv sikolokkcm la:sa:tokunc, bvkkokki sc tani:sc noluk kcra:so aiyo:pc dagdung.

1 TISSALONIANG 2:15

Sc:kobulu anyipakdcm Ru:tum Jisumc odokkc lungor lunckvdv:dcm moketoji, odokkc ngolum la:paktoji,

2 TIMOTI 3:4

aincm tayumnc, kvnggv:pc ammem aima:pc ager gernc, ansuka:suma:nc, bottcpc ngowong cmna mc:sula, du:po-dunganongcm aipc mc:nc Ru:ncpvncmc aipc mc:namdcmyam,

1 PITOR 1:11

bulu tadkukla tadka oko tani:yc cdcmanggom ayirdcm Kristokc Yalodokki lcngkanbikaji odokkc odok lcdudok amin gvnamdc.

1 JO:N 2:1

Ngokkc adji:onc ame:yo:nc ommang kvdvnga, ngo scm nolukkolo:pc addung odomvlojen nolu pa:bcm ima:ycpc; cmpige:la jodi sc:kaiyc pa:bcm iyc, ngolukkc Abudcm lubiya:ncko dung, Jisu Kristobv dormokancdc;

LUNGOR LUNAM 19:10

Odo ngo Bvk alcdo owa:la Bvm kumpc cmna ito, cmpige:la bv ngom luto, “No cdcm ipcru:ma:namc! Ngo nok lcdulo ager gerjonko odokkc nok bvrrang kvdv:dokkc sc:kobulu Jisukc lukan lubinammcm lutvla du:ji. Ru:ncpvncmc kumtoka.” Kapcnc Jisukc lukan lubinamdc lungor lunamdok yalodc.

LUNGOR LUNAM 3:7

“Odokkc Piledelpia:dok taycng among lutad lunckvdv:do:pc: “Angunncdok agomkvdv:dcm, cdc aronc akodokkcm, sckkc Dawidkc sabi:dc du:ji, sc:kobv moge:dagji odokkc sc:kobv:sin mokapla:maji, sc:kobv mokapdagji odokkc sc:kobv:sin moge:la:mang.