AGER KVDVNG 6:7 - ANU LUGOD N. T. (BSI)

⁷ Odokkc Ru:ncpvnckc agomdc bojcbomna gvbomkang; odokkc Jerusalemdo agom tadla gvmvnnckvdv:dok kvnamc kcrcng kcrc:pc, odokkc dormo ager gernckvdv:dok bojcrungc mc:jvgdok mcngkampc ikangai.

AGER KVDVNG 6:7 ပူးပေါင်းရင်းမြစ်များ

METIU 19:30

Ckvdaggom bojcko gvpo:nckvdv:dok lcddarpc iyc, odokkc lcddarkcdc gvpongarpc iycku.

LU:KKC 2:34

Odokkc Simionbv bulum gerka:-pungka:lang cmto odokkc bvk anc Meri:mc luto, “Ka:toka, sc kowaoscm Israel ope:dok bojcru:lokkc aima:pc inamclang ainam lcgangc mclvtung, odokkc lugc-gcnamlok kanggotpc idopc

JO:N 12:42

Cdcmpc idag imanggom bojcrungc migom donckvdvngc Bvm mc:jvgto, ckvdaggom Parisi:kvdv:dcm pcsola bulum cdcm lukansutomang, ckvma:mvlo bulu kumko okum okumkvdv:dokkcm mcnnennvgpckc cmna!

AGER KVDVNG 12:24

Cmpige:la Ru:ncpvnckc agomdc gvbarbomkang odokkc bojc bojcpc gvbarbomkang.

AGER KVDVNG 13:8

Cmpige:la montorong inc Elima:bv (kapcnc cdc amindok lukur agomdcai) bulum lcdulo dagtumto, among akonlok migom doncdcm mc:jvglokkcm lutumpc.

AGER KVDVNG 14:22

agom tadjvgla gvmvnnc kvdv:dok yalokvdv:dcm kvnggv:mola, bulum mc:jvgnamlo du:tvdopc luyir luyirla, odokkc kvnggv:pc mc:namsagnamkipak ngolu Ru:ncpvnckc migom doko mo:pvdo:pc gva:rungkupcnammc cmna.

AGER KVDVNG 19:20

Cdcmpila Ru:tumkc agomdc bojcbomkang odokkc kvnggv:pc gvbarbomkang.

AGER KVDVNG 2:47

Ru:nc pvncmc aipai lula odokkc appv:tani:lok aipc mcngkosula. Odokkc Ru:tumbv bulum longgcm longgcm sc:kobulum moturtoji: mca:lvgsetbomto.

AGER KVDVNG 21:20

Odokkc bulu bvm luto, “Nolu ka:tok, bvrra, Jiwukvdv:dok ara:lo cddv lvngkokopc mc:jvgtoji; bulu appv:dc lujvg lurodok lcgangc dvgdag,

AGER KVDVNG 6:1

Cdcmpidodcm odo longckvdv:do agom tadjvgla gvmvnnc kvdv:dc kvnamlo bojcbomna, Helleni:kvdv:dc Hibriukvdv:dc lujcgmvnsukang lcga:dc buluk tumbo nc:ngkvdv:dcm longgcm longgcm orbikolo cmmumpc mcyodla lc:dungai.

ROMANKVDVNG 1:5

sckkokki ngolu ayangcm pa:toji odokkc appvng ope:lo:pc bvk amin lcgangc mc:jvgdok lukampc gvdopc mclvgla ager gerncpc ila lubidopc,

ROMANKVDVNG 16:26

Cmpige:la su:pak la:lennvgtoji odokkc lungor lunckvdv:dok adnamkokki appvng opvnkvdv:dcm kinabmotoji, Ru:ncpvnckc lulvgnamdcmpc, mc:jvgdok mcngkampc tadnamdcm langa:pc–

GALATIANG KVDVNG 1:23

“Sc:kobv lekkem ngolum ipusire:ycm ikaji su:pak lcko bv momvgpc cmna anka:nam mc:jvgdcm lutadbigo:dung.”

GALATIANG KVDVNG 6:10

Cdcmpidag cdcmpcmvlo, ngolukkc aipc gerpo dung, kajc ngolu appvng tani:lo:pc aincm gerrai, odokkc ncrkvgpc cdc sc:kobulu mcjvgnamlok crangkvdv:do:pc gvlai.

KOLOSIANG 1:6

Tadponc lutaddcm okodc nolukkolo:pc pvngangka:ji, kapc aroru:pc kapc aropakpci mo:pv appv:soi a:yc e:dung odokkc sv:bomna gvdung–cdcmv:pc noluk av-avkvdv:do, noluk taddo longcdokkc odokkc Ru:ncpvnckc aya:dcm tadkintoji arolo.

2 TISSALONIANG 1:8

bulum palvgcm lvgla cdcmbulum sc:kobulu Ru:ncpvncmc kinma:ji odokkc cdc sc:kobulu ngoluk Ru:tum Jisukc tadponc lutaddcm lukamdcmpc tadma:ji.

2 TIMOTI 2:9

cdc tadponc lutaddcm okodok lcgangc ngo irvsinyom pa:doji tani:mokencmpc ikoli:ycm koggabkosula dung.

HIBRIUKVDVNG 11:8

Mc:jvgkokki Abrahambv agom lukampc tadto cdvlo bv mo:takkolo:pc gvlenkang cmna goglentoji okodcm bv dungkansunamkopc torvgsupcnamma:ji; odokkc bv gvlenkang, okolopc gvpcnamma:ji cdcm kinma:pc.

HIBRIUKVDVNG 5:9

odokkc pv:namkopc aimola Bv lo:dvlongkvpc moturnamlok lenkopc ikang Bvm sc:kobulu agom lukamcm tadlvngka:ji,

JU:D 1:20

Cmpige:la nolum mc:bomsunamkvdvnga, av-avyc nolu mosa:sutoka noluk airu:pc angunnc mc:jvgnam kvdv:dokki; Angunnc Yalodo Kumnangka;

JU:D 1:3

Mc:bomsunam kvdvnga, ngoluk appvngc pa:nam mopvtdok agomcm kvnggv:pc nolukkolo:pc adlv:la ngo cdcm nolum lugotpc lula adpcnamdcm aidopc ka:to mc:jvgdok lcgangc gagtvla du:nam lcgangc okodcm lcko atcro:lo aipc kumnc tani:kvdv:dcm bitobo:ji.