AGER KVDVNG 5:40 - ANU LUGOD N. T. (BSI)

⁴⁰ Cdcmpila bulu bvk luyirdcm tatto, odokkc bulu mclvgla ager gerdopc mclvgnam tani:kvdv:dcm gogangkunamc, bulu bulum dcmto odokkc Jisukc aminnok agom luma:dopc sa:jcmna luto, odokkc bulum mclvgtoku.

AGER KVDVNG 5:40 ပူးပေါင်းရင်းမြစ်များ

METIU 10:17

Tani:kvdv:dcm ansulang; kapila:nc bulu nolum kcbangkvdv:do tolvgyc, odokkc buluk kumko okumdo nolum dcmyc.

2 KORINTIANGKVDVNG 11:24

Lcmngoko Jiwukvdv:dokkcm ngo dcmkosuto.

AGER KVDVNG 5:28

“Ngolu sanggabbomdanna lutungai odo amindok luyiryok cmna, ckvdaggom sc Jerusalemso nolu noluk luyirkokki lugongamto odokkc nolu cdc tani:dok i:dok palvgcmc ngolukkolo lvgpcmna idu:n.”

MARKKC 13:9

“Cmpige:la nolu avkvdv:dc ansulangka; kapila:nc bulu nolum kcba:lo tolvgyc; odokkc nolum kumko okumkvdv:do dcmyc; odokkc nolu amo: ru:tumnoklang migomkvdv:dok kcra:lo dakkansuyc ngok lcgangc, buluk kcra:lo lukansubidopc.

LU:KKC 20:10

Ayirc cdvlo angka:ji, bv ager gerya:nc ako arvg inckvdv:do:pc mclvgto, bulujen bvm angur ba:ri:dok a:yc asudowko biycpc cmna; cmpige:la arvg inckvdv:dc bvm dcmto, odokkc bvm anggara:pc mclvgtoku.

METIU 23:34

Cdcmpidag ngo nolukkolo:pc Ru:ncpvnckc agom lungornc tani:kvdv:dcm odokkc kinnc tani:kvdv:dcm odokkc poyirnckvdv:dcm mclvgdo, akedcm nolu mokela odokkc kuruslo pvtketo, odokkc akkem nolu kumko okum okumlo somotangki dcmyc odokkc irvsinyom tawon tawonlo iyc.

METIU 20:19

Odokkc angu tani: opvnno moki: moatdopc lulvgyc odokkc somotangkokki dcmyc odokkc kuruslo mokeyc, odokkc Bvm lowum longcdo moturycku.”