AGER KVDVNG 5:32 - ANU LUGOD N. T. (BSI)

³² Odokkc ngolu odo agomkvdv:dok lukanbinnc, odokkc cdcmv:pc Angunnc Yalodokkc Ru:ncpvncbv sc:kobulum Bvk agom lukamdcmpc tadnckvdv:dcm bitoji.”

AGER KVDVNG 5:32 ပူးပေါင်းရင်းမြစ်များ

JO:N 7:39

Cdcmpc Bv cdcm Yalodok agomcm luto, sc:kobulu Bvm mc:jvgdagnc torvgsupcnammai; kapila:nc Yalodcm odosin bimangada, lcga:dc Jisumc odosin amin gvmomangada.

AGER KVDVNG 1:8

Cmpige:la nolu tornamcm pa:ycpc Angunnc Yalodc cdvlo noluk tayc:lo:p pvnga:ycji, odokkc nolu ngok lukanbincpc ilangka Jerusalemdo odokkc Judiang appv:do odokkc Samariangdo odokkc mo:pvsok du:tcrpc.”

AGER KVDVNG 10:44

Pitorbv cdcm lula du:dodcm Angunnc Yalodc tannc appv:dok tayc:do dc:yingkang.

AGER KVDVNG 13:31

odokkc bojcrung longcko cdc sc:kobulu Bvk lcdulo Galildokkc Jerusalempc gvkaji lcngkansukaku, sc:kobulu su:pak tani:kvdv:dcm lupakbidu:ji.

AGER KVDVNG 15:28

Kapila:nc Angunnc Yalodokkcpc odokkc ngolukkcpc noluk tayc:lo scmbulumyam oko bottaya:nc jo:namcsin jonggcmlvgla:ma:dopc:

AGER KVDVNG 2:32

Cdc Jisumc Ru:ncpvncbv turmotoku, odokkc odokkcpc ngolu appvngc lukan lubinc.

AGER KVDVNG 2:4

Odo bulu appvdc Angunnc Yalodc bingkang odokkc angu angu agomcm lurobbomkang, Yalodc bulum lunamdcmpci.

AGER KVDVNG 5:29

Cmpige:la Pitorbv:lang mclvgla ager germonam kvdv:dc lubito, “Ngolu tani:kvdv:dcmyam Ru:ncpvnckc lunamcm tadpa:ru:pc.

ROMANKVDVNG 8:16

cdc Yalodc avdcvng ngoluk yalokvdv:d lukanbidag jc ngolu Ru:ncpvnckc ommangc,

2 KORINTIANGKVDVNG 13:1

Sc ngokkcpc lcwumkopc iycbong ngo nolukkolo:pc gvnamdc. Atv lujcmcm lunamcm anyikoma:m awumkokki ka:nckokki arro cmna lukanpa:yc.

1 PITOR 1:12

Cdc bulukkcpc lcngkansukang jc bulu av avkc lcgangc agercm gersumangai cmpige:la noluk lcgangcmvn, cdcmpinc agerkvdv:do okodcm nolum su:pak lu tadla lubitagbo:ji cdc sc:kobulu tadpon lutaddcm lubitoji nolum Angunnc Yalodokki tayc:tokkc mclvgla, oko agomkvdv:dcm taycng lutadkvdv:dc ka:lv:la dungai.