AGER KVDVNG 5:31 - ANU LUGOD N. T. (BSI)

³¹ Ru:ncpvncbv Bvm Bvk lagbvg alak pa:rdo Gvgcboncpc du:motoku odokkc Moturncpc, Israel kvdv:dcm asincm mc:dvrra mc:latsumokupc cmna.

AGER KVDVNG 5:31 ပူးပေါင်းရင်းမြစ်များ

LU:KKC 24:47

odokkc tani: rcngam appv:so pa:plokkcm mc:yinsukunammcm lutadam bipcnammc, Jerusalemdokkc lurobbomna.

AGER KVDVNG 2:33

Cdcmpila Ru:ncpvnckc lagbvg alakdo:pc la:sa:langkula:yam, odokkc Abudokkcm Angunnc Yalodok pesubinamdcm pa:la:yam, Bv scm to:lvgtag okodcm nolu ka:begdu:nc odokkc tadbegdu:nc.

AGER KVDVNG 11:18

Cdvlo bulu cdcm tadtoji bulu aso:pc dungapkang odokkc bulu Ru:ncpvncmc amincm gvmoto, scmpc lula, “Cmpcmvlo Angu opvnkvdv:dcmsin Ru:ncpvncbv turnamcm pa:dokupc asin mc:dvrra mcngkutsunamcm bitu:bong.”

LU:KKC 2:11

Kapila:nc noluk lcga:pc silo Dawidkc nogorolo Moturyangkunc ako oto sc:kobv Ru:tum Jisubv:nc.

LUNGOR LUNAM 1:5

odokkc Jisu Kristokolokkc cdc mc:jvg jvrvgnc lukanbincdc, sinckvdv:dok opongarnamdc, odokkc mo:pvsok migomkvdv:dcm ka:sv:mosv:ncdc.

1 JO:N 4:14

Odokkc ngolu ka:tobong jc lukancm lubitu:bong jc Abudc Rcngamsok Mopvtncpc idopc Bvk Awodcm mclvgto.

HIBRIUKVDVNG 2:10

Kapcnc cdc aidagai jc Bv, sck lcngangc odokkc sckkokki appvng attarc du:pcnammcji, bojcrung aowom amin gvmopc, buluk motur pa:namdok igc-gvgcpo:ncpc ipcnammc ipusire: pa:namkokki pv:namkopc pv:dopc.

HIBRIUKVDVNG 12:2

Jisukolo:pc ka:la ka:la, sc:kobv Bvk kcra:pc lc:nam mc:podok lcga:pc kurusdcm mentumsula mc:tapsuto, any:dcm mcge:la, odokkc Ru:ncpvnckc migom tedkodo lagbvgpc tedkang.

AGER KVDVNG 3:15

odokkc turnamsok gagbomncdcmc: moketo, sc:kom Ru:ncpvncbv sikolokkcm turmotokuji. Ngolu odok lukanbinckvdvngc.

METIU 28:18

Odokkc Jisubv gva:la bulum luto, “Appvng ilang-gvlangcm taycngamo:to odokkc tani:amo:so ngom bitung.

JU:D 1:25

ngoluk Mopvtnc Jisu Kristokc ngoluk Ru:tumkolo:pc, amin gvnamc, migang ga:namc, motapnammc, odokkc migomdonamc, appvng ayirdok po:pcbong odokkc su:pak odokkc lo:dv longkvpc-ika:langka. Amen.

2 PITOR 1:11

Cdcmpila nolum kvnggv:pc mircmpc biycpc nolukkcpc cdc lo:dvlongkvpc du:nc migomdokodo:pc gva:namdo ngoluk Ru:tumbv odokkc Moturnc Jisu Kristobv.

AGER KVDVNG 2:38

Odo Pitorbv bulum luto, “Asinc mc:dvrra mc:latsutokuka, odokkc noluk appvngc Jisu Kristokc aminno baptismongcm la:tok noluk pa:pkvdv:dcm mc:yinsunam lcgangc; odokkc nolu Angunnc Yalodok amandcm pa:yc.

METIU 1:21

bv aowo ako pa:yc, odokkc no bvk amincm Jisu cmna minnang, kapila:nc Bv Bvk tani:kvdv:dcm pa:blokkcm moturyc.”

2 PITOR 1:1

Simion Pitorbv, Jisu Kristokc ager gerya:nckolang mclvgla ager germonamko– Odobulu:pc sc:kobulu ngoluk lcdulo dagmvnnam mc:jvgcm pa:mvntonc ngolu Ru:ncpvnckc dormokanamdokki odokkc Mopvnc Jisu Kristokokki:

1 PITOR 3:22

Jisu Kristokc sikolokkc turkunammcmpc sc:kobv tayc:pc gvkangkuji odokkc taycng among lutad lunckvdv:dokki Ru:ncpvnckc lagbvk alakpc tedkang, ilang gvlangnc, odokkc tornamc Bvkkcpc ikang.

KOLOSIANG 1:14

sckkolo ngolukkc rcpvtnammc du:ji, pa:plokkcm mcyinsubinammc.

PILIPIANG KVDVNG 3:20

Cmpige:la ngoluk appvngkc mitcmircmdc taycngamo:tc, odokkc tolokkc ngolu moturncko toka:do, Ru:tum Jisu Kristomc,

IPESIANG KVDVNG 1:7

Bvkkolo ngolukkc arc bila rcpvtnammc Bvk i:dokki dung, ngoluk imurgvmurkvdv:dok lcgangc mc:yinsunamc,

2 KORINTIANGKVDVNG 2:10

Akoncmumcm nolu sc:kom mc:yisudonc, ngo:sin mc:yinsudo. Ngo okodcm mc:yinsutonc, ngo jodi atvko mc:yinsuto, Kristokc ka:de:pc noluk lcgangc,

AGER KVDVNG 13:23

Cdc tani:dok pu:pojarponamki Ru:ncpvncbv Israeldo:pc Moturncko, Jisumc langa:to, Bvk pesubinamdcmpc.

AGER KVDVNG 4:11

Sc:na vlv:dc okodcm nolu okum monckvdvngc mcpakla lc:tungaji, cmpige:la okodc su:kdok bottarya:nc vlv:pc ika:ji.

AGER KVDVNG 3:26

Ru:ncpvncbv Bvk ager gerya:ncdcm turmoge:kula, nolukkolo:pc mclvgpo:danto, nolum akhirba:d bipc cmna noluk appvngkc aima:nc agerlokkc gvladamkumvlo.”

AGER KVDVNG 3:19

Asinc cdcmpila mc:dvrra mc:latsutokuk, odokkc lckoda gvlattokuka, noluk pa:pkvdv:dcmjen motidamdopc, cdc anumonam ayirdc:jen Ru:tumkolokkc a:ycpc,

AGER KVDVNG 2:36

“Israelkc ope: appv:dcm aroru:pc kinmotoka jc Runcpvncbv Bvm Ru:tumpclang Kristopc imoto, cdc Jisumc sc:kom nolu kuruslo pvtketoji.”

MARKKC 4:12

Odomvlo bulu aroru:pc ka:yc ckvdaggom mcngkima:yc, odokkc aroru:pc tadycpc ckvdaggom tadkinma:yc; ckvma:mvlo bulu gvlatycku, odokkc mc:yinsuycku.”

MARKKC 2:10

Cmpige:la tani:kc Awodokkc mo:pvso pa:pkvdv:dcm mc:yinsunanc kemotangc dung cmna kinycpc” cmna Bv intungko sipakncdcm luto

2 PITOR 3:18

Cmpige:la ngoluk Ru:tumkc odokkc Mopvtnc Jisu Kristokc ayangki odokkc kinnamki sv:sa:toka. Bvkkcpc su:paksin odokkc lo:dv-longkvpc amin gvka:langka! Amen.

2 PITOR 2:20

Kapcnc jodi, bulu mo:pvsok napv-narc:ma:namdokkc ngoluk Ru:tumkc kinnam agomdokki dugpvtsuge:la odokkc Mopvtnc Jisu Kristobv, bulu lckoda odobulu yetsudag odokkc mopvkosudag, cdc du:tcrkc du:nam dagnamdc cdc dungangarpo:nam dcmyam aiyangarma:pc ido.

TITUS 2:13

cdc ngoluk bottcnc Ru:ncpvnc odokkc Moturnc Jisu Kristobv lenkunamdc,

TITUS 2:10

cmpige:la appv:dcm aroru:pc narc:pc lcngkandopc, odomvlojen appv:lo bulu Ru:ncpvnckc ngoluk Moturncdcm aiyo:pc lunam agomdcm gcycpc.

TITUS 1:4

Tituskolo:pc, ngok awodc lo:dcm mc:jvgnamlo: Ayangc odokkc mcnganc Ru:ncpvnc cdc Abudokkc odokkc Kristo Jisubv ngoluk Morturnckolokkc.

JO:N 4:42

Bulu cdc nc:dcm luto, “cdc nok agom dokkima:bong ngoluk mc:jvgnamdc, kapila:nc ngolu avyc avkcpc tadbegsutobong, odokkc sc:ru:bong mo:pvsok mopvtkuncdc.”