AGER KVDVNG 4:36 - ANU LUGOD N. T. (BSI)

³⁶ Cdcmpc Josepbv sc:kom mclvgla ager germonamkvdv:dc Barnaba cmna mintcmna amincm mintagaji (okodc a:ng pvtadopc luncdok Awo cmdaganc,)

AGER KVDVNG 4:36 ပူးပေါင်းရင်းမြစ်များ

GALATIANG KVDVNG 2:13

Odokkc bvk lcdulo Jiwukvdv:dok akedc aima:pc imvnkang, cdcmpc ika:nc jc Barnaba:mc buluk aima:pc inamdokki gvcrbokang.

GALATIANG KVDVNG 2:9

Odokkc cdvlo bulu ngom binam aya:dcm mcngkinto, Jakobbv:lang Kepa:bv odokkc Jo:nbv, sc:kobulu vlvng kuntc cmna bottcru:pc amin gvdaganc, ngomna Barnaba:mc ajon jonsunamdok lagbvg alagdcm bito, jc ngo Ru:ncmc kinma:nc tani:kvdv:do:pc gvpcnammc odokkc bulu gadpuknam kvdv:do:pc;

GALATIANG KVDVNG 2:1

Odokkc tagyvngkolang dv:tak tagpi: lcdudo ngo lckoda Barnaba:kc lcdulo Jerusalempc gvto, Titumc ngok lcdulo gvbola.

AGER KVDVNG 15:39

Odokkc kvnggv:pc luka:mvnsunam lenkang, cdcmpinamc bulu akonc akondcm mcpansuto; Barnaba:bv Markmc bvk lcdulo gvboto odokkc Sipru:pc ko:la gvkang,

1 KORINTIANG KVDVNG 9:6

Cdcmpcmanggom cdc Barnaba:bv:lang ngowo:ma:lang sckkc turra du:pc ager germa:pc du:namc du:la:nammc kama:nc?

AGER KVDVNG 21:16

Odokkc Kaesaria:dok agom tadjvgla gvmvnnckkc ngoluk lcdulo gvmvnto, ngolum Sipru:dok Mnasonkc okumdo:pc gva:boto odokkc, po:pclok agom tadjvgncko, ngolu sck lcdulo du:yubsupcnamma:ji.

AGER KVDVNG 15:37

Odokkc Barnaba:bv buluk lcdulo Jo:nmc sc:kom Mark cmna:sin gogdoji gvbolvngkang.

AGER KVDVNG 12:25

Odokkc Barnababv:la Soulbv Jerusalemdokkc gvlattoku buluk gvla gerpcnam agerdcm gerabge:la, buluk lcdulo Jo:nmc gvbolangkula sck amincm Mark cmtagaji.

AGER KVDVNG 11:30

odokkc bulu cdcmv:pc ito, abv:nc kvdv:do:pc Barnaba:kclang Soulkc alaklo mclvgla.

AGER KVDVNG 15:12

Odokkc kcba:dok appv:dc aso:pc dungapto; odokkc bulu Barnaba:mclang Poulkc lunamdcm tatto bulu angu tani:kvdv:dok dungkolo oko kanggodcmnang kangaksunamcm lcngkanto cmna lubila:yam.

AGER KVDVNG 15:2

odokkc Poulbv:lang Barnaba:bv adji:okosin luka:mvnsutomang, Poulbv:lang Barnaba:bv odokkc angu akke Jerusalempc gvdopc lulvgto mclvgla ager germonam kvdv:do:pc odokkc abv:nc kvdv:do:pc cdc tawunam agomdok lcga:pc.

AGER KVDVNG 9:27

Ckvdaggom Barnaba:bv bvm torvgsuto, odokkc bvk mclvgla ager gernam kvdv:do:pc gva:boto, odokkc, bv kapc ali:lambcdo Ru:tummc ka:toji lubito, sc:kobv bvm lubitoji, odokkc Jisukc aminno kapc bv Damasku:do lutad lubikaji.

MARKKC 3:17

Jakobmc Jebidi:kc awodcm odokkc Jakobkc bvro Jo:nmc, sc:kom Bv Boanerges cmna mintcmna minnvgkaji, cdcm, do:mvr mvrnamdok awokvdv:dc;

AGER KVDVNG 13:1

Cdcmpidodcm Antiokdok du:nc mondoli:do lungor lunnclang poyirnc dungai, Barnaba:bv, Simionbv sc:kom Niger cmna gogdagaji, Sirene:dok Lusiubv, Mana-en-bv Herodkc mo:tak appi:lok migom kcbang bangko okumdok amikonc, odokkc Soulbv.

AGER KVDVNG 13:2

Bulu kumna odokkc doma:tvma:pc du:dom, Angunnc Yalodc luto, “Ngok lcga:pc Barnaba:mclang Soulmc langutei oko ager lcgangc bulum ngo gogtu:ji.”

AGER KVDVNG 13:4

Cdcmpc Angunnc Yalodokki mclvgla:yam, bulu Selusia:pc gvto; odokkc bulu Sipru:pc ko:to.

AGER KVDVNG 13:15

Lujvglurodcm poge:la odokkc lungor lunam kvdv:dcm kumko okumdok ka:sv:mosv:nc kvdv:dc bulukkolo:pc tani:ycm scmpc lula mclvgto, “Bvrokvdvnga, nolukkc tani:kvdv:dokkcpc atv luyir agomko du:mvlo, cdcm lutok.”

AGER KVDVNG 21:3

Ngolu cdvlo Sipru:dcm ka:begtoji, cdcm lakkepc mcge:la ngolu Siria:pc ko:to, odokkc Ti:rdo gvito; kapila:nc odo ja:j ollu:dc rcbbomnam attarcm rcbyi:la bipcnammc dungai.

AGER KVDVNG 27:4

Odokkc ngolu siycngpc gvlenge:la ngolu Sipru:pc yuka:nc csardok ko:to, kapila:nc csardc yulatla yudagai.

1 KORINTIANG KVDVNG 14:3

Odok kekonpc, sc:kobv lungorcm ludoji tani:kvdv:dcm buluk mosa:nam lcgangc odokkc asin pvtadopc mcnggcnam lcgangc odokkc lckko:pc du:nam lcgangc.

KOLOSIANG 4:10

Aristarku:bv ngok makana:lo du:jondc nolum kumtadsudag, odokkc Barnaba:kc ka:kvdok awo Markbv (sckkc agom lcgangc nolu luyircm torvgsutonc–bv nolukkodo:pc gvmvlo, bvm torvgsulangka,)