AGER KVDVNG 4:32 - ANU LUGOD N. T. (BSI)

³² Cdcmpidodcm cdc mc:jvgnc kvdv:dok ajon jonsunamdc asin atcrongkopc odokkc yalo atcrongkopc idagai, odokkc sc:kosin lumangai sc:koi atvko pa:toji cdc bvk avkc cmna, cmpige:la bulukkc appvng attarcmci lcko-lakkopc lc:dagai.

AGER KVDVNG 4:32 ပူးပေါင်းရင်းမြစ်များ

JO:N 17:11

Odokkc su:pak ngo mo:pvso kama:ycbong, cmpige:la bulu mo:pvso dung, odokkc ngo nokkodo:pc gvdokubong. Angunnc Abba, nok aminno bulum lc:toka, sc:kobulum ngom bitonc, bulujen akkongkopc iycpc, ngolug anyc akkongkopc inamcmpc.

AGER KVDVNG 1:14

Cdc appv:dc av avkvdv:dc asin mc:nam lckko:pc mc:to nc:ng kvdv:dokki kumnamno lckko:pc odokkc Jisukc anc Meri:bv, odokkc bvk bvrokvdv:dokki.

AGER KVDVNG 2:1

Yi:ngko longcdok inam dopundojardc cdvlo pvngangka:nc, bulu appv:dc du:tcng akkongkolo lckko:pc dungai.

AGER KVDVNG 5:12

Cdcmpc bojcrungko kanggodcm odokkc kangaksula du:nam agercm tani:kvdv:dok ara:lo ager gerdopc mclvgnam tani:kvdv:dokki gerto. Odokkc bulu appv:dc lckko:pc Solomonkc baranda:do dungai.

ROMANKVDVNG 12:5

Kristokolo amvr atcrcngkonc, odokkc tani: akkongkopc akonkcpc akonc alcalagc.

1 KORINTIANG KVDVNG 1:10

Ngo nolum kumna ludung, bvrokvdvnga, ngoluk Ru:tum Jisu Kristokc aminkokki, jc noluk ara:lo luker luyermvnsunammc kapcma:namc, cmpige:la jc nolu asin akko:do lckotoka odokkc c:mo:pinc kcbangcm ba:toka.

2 KORINTIANGKVDVNG 13:11

Lungapdoso, bvrokvdvnga, cdcbong. Noluk lambckvdvdcm mosv:toka, ngok lunamkvdv:scm tadgapla ansutoka, akonc akoncm tadmvnsutoka, mcnganna du:la:daglangka, odokkc aya:nclang mcngannclok Ru:ncpvncbv noluk lcdulo du:ycpc.

PILIPIANG KVDVNG 1:27

Ngoluk turnamlok inamsa:nam kvdvngo:dcm Kristokc tadponc lutaddok arckamotoka, odomvlojen ngo gvla ka:do cdcmanggom du:manggom, ngo noluk agomcm tadbegycpc jc nolu yaloakko:lo kvnggv:la dagdo, asin akkongki tadponc lutaddok mc:jvgdok lcgangc atakkolo:pc,

1 PITOR 3:8

Adtcrso, nolu appvngc, yalo atcrongkopc ilangka, aya:sitapc mc:mvnsunamlo, bvrokvdv:dcm aipc mc:namlo, rcmakpc asin gcnamlo odokkc asinc rcmago:la ila.

1 PITOR 4:11

sc:kobv agom ludonc, kapc akonc Ru:ncpvnckc gombug bukkampc; sc:kobvi agercm gerbidonc, kapc akonc gergabbomdonc tornamki okodcm Ru:ncpvncbv bidonc; cdcmpc ipc jc appv:lo Ru:ncpvncmc Jisu Kristokokki amin gvmoycpc. Bvkkcpc amin gvnamdc odokkc migomdonamdc lo:dv longkvpc dungka:langka. Amen.