AGER KVDVNG 4:31 - ANU LUGOD N. T. (BSI)

³¹ Odokkc cdvlo bulu kumtoji, bulu oko mo:tagdo gvkumsukaji yonkukkang; odokkc bulu Angunnc Yalodokki bingkang odokkc Ru:ncpvnckc agomdcm asinang pvtala luto.

AGER KVDVNG 4:31 ပူးပေါင်းရင်းမြစ်များ

METIU 21:22

Odokkc nolu kumna okodcmci koycnc, nolu pa:yc, nolukkc mc:jvgc du:mvlo.”

AGER KVDVNG 2:4

Odo bulu appvdc Angunnc Yalodc bingkang odokkc angu angu agomcm lurobbomkang, Yalodc bulum lunamdcmpci.

JAKOB 1:5

Nolukkolok sc:koiyc jodi kinjvgla kinnam pv:ramyc, bvm Ru:ncpvnckolok komotoka, sc:kobv appvng tani:ycm aya:la mc:jong kadjo:la odokkc sc:kobv aima:pc ge:ma:pama:pc, odokkc cdcm bvm biycpc.

AGER KVDVNG 2:2

Odokkc vgcmpc taycng tokkc kvnggv:pc bottcpc yunc csarcmpc ngomna gomugko dc:yi:do, odokkc cdc buluk dungko okumdo ngombungkang.

AGER KVDVNG 4:29

Odokkc su:pak, Ru:tuma, buluk morvdnamdcm kangkvtoka, odokkc nok ager gerya:nc kvdv:dcm nok agomcm appvng asin pvtala lula:dopc imotei,

JO:N 15:7

Nolu ngok dungkolo du:mvnmvlo, odokkc ngok gomung kvdv:dc nolukkolo du:mvnmvlo, nolu okkomci madoji kotoka, odo cdcm noluk lcgangc ibiycpc.

JO:N 14:12

“Aroru:pc, aroru:pc, ngo nolum lubidung, sc:kobv ngom mc:jvgdagnc ngok ager gernamdcm geryc; odokkc scmbulumyam bottaya:nc agercm geryc, kapila:nc ngo Abukoto:pc gvdagku.

JO:N 15:16

Nolu ngom balenmangai, cmpige:la ngo nolum balento odokkc agercm gerdopc lugablvgto odomvlo gvla a:yc e:dopc cmna odokkc noluk a:yckvdv:dc du:mvnna du:dopc cmna; odomvloyam nolu ngok aminno Abudcm okodcmci koycnc, Bv cdcmci nolum biycpc cmna.

PILIPIANG KVDVNG 1:14

odokkc bvro appvngkvramdcmci Ru:tumkolo asinc kvnggvngammoto ngok makana:lo du:namkokki, odokkc pcsokonoma:pc Ru:ncpvnckc agomdcm bojcrungyangko kvnggv:yangkang.

AGER KVDVNG 2:1

Yi:ngko longcdok inam dopundojardc cdvlo pvngangka:nc, bulu appv:dc du:tcng akkongkolo lckko:pc dungai.

AGER KVDVNG 4:13

Cdcmpc Pitorkclang Jo:nkc torpc lula:namdcm kangge:la, odokkc ka:namc bulu ponc-lunc tani:mang, cmmum tani:yc, bulu mc:la mcngapla:tomang, odokkc bulu kinto bulu jc Jisukc lcdulo dungai cmna.

AGER KVDVNG 14:3

Cmpige:la bulu bojcrung ayirkopc Ru:tumkc lcgangc agom lula du:to, sc:ko aya:nam agomdok lukamcm lubitoji, kanggodcmnang kangaksunamcm buluk alakvdv:dokki gerra:dopc bila.

PILIPIANG KVDVNG 1:20

Cdcm kapc ngo kvnggv:pc toka:la mc:doji odokkc mc:dag jc ngo cmpcsin anyv:suma:yc, cmpige:la jc asinc kvnggv:pc migang ga:la su:pak lo:dvpc kapc Kristomc mcnggcycnc ngok amvrro, turnamkokki cdcmanggom sinamkokki.